الاسكاترا مغلباني

[SkyBird]

الاسكاترا او زي ما يسميها البعض (علبة الدريكسيون)
مغلباني شوية
بدأ الموضوع لما حسيت صوت تكة لما الف الدريكسيون اقصى اليمين وتحصل التكة او الخبطة في نقطة معينة لما الف الطارة يمين وكمان وانا راجع شمال
ميكانيكي قالي التروس المشرشرة بتاعة الاسكاترا ممكن يكون فيها سن مكسور او تالف
وعمل لها حشو شحم وقالي كده ممكن تمشيك
روحت البيت وبعد كام يوم لقيت الشحم واقع و مبهدل الدنيا تحت والكاوتشة المتعرجة اللي المفروض يقفل بيها الاسكاترا بعد التشحيم لقيتها مقطوعة وموقعة كل الشحم
حكيت لميكانيكي تاني
قالي هاتلى طقم اصلاح وكاوتش وانا احشيها تاني
قلتلوا
ممكن تفكها وتعرف حالت السنون او التروس بتاعتها قالي ممكن

هل كلام هذا الميكانيكي صحيح
هو ممكن الاسكاترا تتفك ويتعرف حالتها؟
طقم الاصلاح والكاوتش المفروض يكلف كام وتمن المصنعية كام
اصلح الاسكاترا ولا اغيرها ولا استنى لما يشوف حالتها؟

[SkyBird]

صورة للناحية الشمال( ناحية السائق) مع العلم ان الناحية اليمين (ناحية الراكب) سليمة
لاحظ الكاوتش المقطوع
ولاحظ ان الميكانيكي او العفشجي كان رابط طرف الكاوتش بقفيز بلاستيك بتاع الطاسات وسايب القفيز الاصلي
وكان بيقول ضمان سنة
لاحظ التروس المشرشرة وكنت عايز اعرف اذا ممكن الجريدة المسننة كلها تطلع وتتفحص ولا ايه
طبعا عندي تسريب كبير في زيت الباور وطلمبة الباور تصرخ كل كام يوم ولازم ازود زيت الباور

[SkyBird]

النهارده خليت واحد صاحبي يلف الدريكسيون لغاية التكة الجامده ما تحصل وكنت حاطط ايدي على الجريده المسننة ( العمود المشرشر اللي شايفينه في الصورة) لقيت الصوت طالع منه اثناء ما بيتحرك يمين وشمال عند نقطة معينة واللي لاحظته ان الصوت يظهر مع حركة غريبة في هذا العمود زي ما يكون بيخبط في مجرى مش بتاعو
مش عارف اوصف ازاي
بس العمود ده تحس انه مع لف الطارة يمين بيسقط في الماسورة اللي بيتحرك فيها مسافة واحد سنتيمتر كده لما يطلع صوت الخبطة دي
ولما الف تاني شمال بيتحرك لاعلى نفس المسافة في الماسورة وهكذا رايح جاي

حد فاهم حاجة ؟

[SkyBird]

طيب ممكن الموضوع يتنقل لقسم الورشة ؟

[Moe86]

متشكر على نقل تجربتك لينا , مستنى أراء الأعضاء الفاهمين , و لو اتنقل لقسم الورشة زى ما قلت هتلاقى ردود أكتر

[HeMa_LanCeR]

كده لعلبه دي لازم تتعمل بأقصي سرعه لأن كده ممكن الطرمبه تتحرق وساعتها هتدفع اضعاف اللي هتدفعه
انت ممكن تصلحها وتجرب
او ممكن تجيب واحده استيراد

[twincam]

لو عايز رايي هات علبة تانية
وياريت جديدة
دي علبة دركسيون مفيهاش هزار
الا لو كانت العلبة اللي معاك عيبها بسيط بس نتا مبتتعاملش مع ميكانيكية محترمين
لكن لو عايزة شغل كتير يبقى علبة تانية هتفرق معاك على الطريق تماما

[eslamrace]

لو عايز رايي هات علبة تانية
وياريت جديدة
دي علبة دركسيون مفيهاش هزار
الا لو كانت العلبة اللي معاك عيبها بسيط بس نتا مبتتعاملش مع ميكانيكية محترمين
لكن لو عايزة شغل كتير يبقى علبة تانية هتفرق معاك على الطريق تماما

+11111111111111111111111111

[A7MED_PHARMA]

بس تطلع لها بكام العلبة دي....؟؟

[m.aligamal]

برده عايزين نعرف سعر القطعه دى كاااام ؟؟

[SkyBird]

اضم صوتي لصوتكم
ما سعر الاسكاترا استيراد
وسعرها في التوكيل
وياريت تدلوني على حد يبيع استيراد في الاسماعيلية او بورسعيد

[SkyBird]

اللي عايز يقرأ اكثر عن موضوع الاسكاترا وتصليحها

Troubleshoot Rack & Pinion Steering

[SkyBird]

ونصيحتي ليكم ياجماعة كل فترة زي ما نكشف على كاوتشة الكبالن لازم نكشف برضو عن كاوتشة الاسكاترا
اللي هي الكاوتشة او الجلدة
اللي في الصورة اللي فاتت مكتوب عليها bellows

ونشوف لو فيها قطع ولا حاجة
ونكشف على زيت الباور خصوصا لو سمعت صوت العربية بقى عالي
يبقى نزود زيت الباور
لان ممكن يحصل تسريب ولو بسيط من بساتم الاسكاترا خصوصا لو قديمة من غير ما يكون فيها مشكلة جامدة
الحاجات دي عرفتها قريب لما شفت الكاوتشة مقطوعة بالصدفة وكان صوت طلمبة الباور صوتها عالي ومطنش من فترة ولما ازود زيت الباور تهدى اسبوع وترجع تاني

[A7MED_PHARMA]

skybird
بجد ..تسلم إيدك
أنا عندي يقين إن الواحد لو شاف الحاجة قدامه ..ومعاه الأدوات المناسبة
هيبقا أحسن من أي صنايعي من الحمير إلي بنقع فيهم

[SkyBird]

skybird
بجد ..تسلم إيدك
أنا عندي يقين إن الواحد لو شاف الحاجة قدامه ..ومعاه الأدوات المناسبة
هيبقا أحسن من أي صنايعي من الحمير إلي بنقع فيهم

شكرا ليك يا دكتور
و ان شاء الله ناوي اشتري سكاترا جديدة وبرضو ناوي اصلح الاسكاترا اللي هغيرها دي بنفسي حتى لو عند ميكانيكي معرفة يساعدني
ومشكلتنا هي الوقت والواحد مننا عايز يغير ويخلص علشان يوفر وقت بس
وهعمل موضوع قريب عن تجربة شراء مفتاح بوجيهات وتغيير البوجيهات وكابلاتها اللي حصل معايا من اسبوع فات ان شاء الله