هل الكلام منطقى ولا اة؟؟؟؟

[ahms10]

السلام عليكم
بدا موضوعى لما كنت بسمع صوت تكة خفية كدة لما اكسر الدريكسيون يمين او سمال ومش كسرة كبيرة كسرة صغيرة يمين او شمال وبحس انى لما اكسر يمين اسمع الصوت من اليمين لما اكسر شمال اسمع الصوت من الشمال زى صوت تكة كدة وبحث انى لما اكون على الهادى التكة دى بتسمع لدرجة انى سعات انى بحس بيها وانا بكسر ورجلى على الفرامل الموضوع دا عشان انا حساس اوى فى العربية وبحس بكل صوت جديد يطرا فجاة عليها المهم قولت طيب نشوف الدنيا كدة طلعت على التوكيل الى فى الاوتوستراد الى عند fgi المهم رفعلى العربية وقعد يحط كاوتش تحت المساعد وحسيت باى هبل كدا بصراحة موضوع مهم زمان كان فى واحد فى التوكيل دا مش عارف اسمة اة كان برنس بمجرد ما تقول العيب يقول علطول الحل ومش اى كلام جربتة فى كذا حاجة وفعلا كان عندى صوت تكة كدة طلع جرب العربية وقلى بلية بطاحة وغيرتاه وكانت تمام فعلا وكذلك قواعد الماتور لاكن دلوقتى بصراحة فى عاملين كدا ولا 3 تحس انهم مش فاهمين اوى ومعندهمش خبرة رجاء نظر الموضوع دا المهم نرجع لموضوعنا حط الكاوتش وبتاع تحت سوستة المساعد وفوقها ونزل جرب يا باشا ..........لسة موجود طيب خلاص دا يبقة بلية بطاحة يا عم دا انا لسة مغيرها من شهر .........يا راجل من شهر بس ........طيب يبقة البارات عندك خفيفة ويقولى اة بس بلاش تغيرها ....طيب بكام يا عم البارات دى .......يقولك لو غيرت البارات هتغير التيش هتتكلف الف جنية بس بلاش .........اول مرة اشوف كدة عامل فى توكيل بيقلولى بلاش ودا اعتقد عشان هوا مش عارف العيب من اة اصلا ومش مهتم فخاف لحسن اقولة غير ويطلع العيب مش منة اعمل فية حجات وحشة.............. دلوقتى انا مفاهيمة كلها باظت اة الفرق بين البارات والتيش والاسكاترا

هل ممكن يكون الصوت دا من بلية البطاحات تانى ولا اة
رجاء تدخل مهندس طارق لنظر مشكلة التوكيل دى
الف شكر للجميع
سلام عليكم

[مصراوي جدا]

انا هابلغ مدير الصيانة بالموضوع لكن نصيحتي تودي العربية جسر السويس او تجيبها قليوب لأن محطة موبيل المعادي ومحطة موبيل الاوتوستراد دي محطات خدمة سريعة مش صيانة متخصصة

[ahms10]

الف شكر يا بشمهندس طارق على ردك السريع وان شاء الله اتشرف بحضرتك واجى قليوب عشان اشوف الموضوع دا فعلا لانة مقلقنى ويا ريت فعلا نظر موضوع مركز الخدمة بتاع الاوتوستراد شغال كويس يعنى كل ما بروح بلاقى فى زحمة جامدة والناس مش متمكنة بطريقة ملحوظة فا كدة هتكون سمعة مش كويسة قبل كدا كان فى فعلا شخص محترف والناس كلها كانت بتحبة وانا كنت سالتة عن حضرتك واشاد طبعا بحضرتك كالمعتاد من كل من يتعرف بحضرتك وكان بيقلى انة هوا اصلا كان فى قليوب واتنقل وكان شخص ملتزم ومتدين وبذقن خفيفة كدا فعلا كان راجل محترم فى التعامل وحرفى ممتاز
الف شكر مرة اخرى على رد حضرتك السريع

[heka_m_y]

يا باشا متتعبش نفسك وتروح التوكيل الصوت ده فى كل اللانسر من أول المكواة لغاية البومة وهتتأكد من كلامى لما تروح التوكيل والصوت ده من علبة الدريكسيون ومش هيروح الا بطريقة واحد وهتقلله فقط .. وعلشان تصدقنى روح التوكيل وهتتأكد بالاخص انهم هيقولو لك نفس الكلام وده صوت فى كل اللانسر ومش هيعملوا حاجة بس أرجو منك انك لما تيجى من التوكيل تكتب هم قالوا لك اية.

ونفسى ماتستسلمش لرأيهم وتقول لهم انك مالكش دعوة بالكلام ده وانك عايز تلغى الصوت .

كل اللى مزعلنى ان البشمهندس طارق قال لك انك تروح التوكيل وهو عارف ان الصوت ده مش هايروح والمشوار هيبقى مالوش لازمة .

انت ممكن تكون تضايقت من كلامى بس هى دى الحقيقية وكل اللى يقولك ان الصوت ده مش موحود فىعربيته خد عربيته وجرها هتلاقى فيها نفس الصوت انا مجرب عربيات كتير وزيرو والصوت فيها فيها .

[ahms10]

يا باشا بصراحة الكلام مش منطقى انا مش زعلان منك اطلاقا ولا عايزك تزعل منى بس الصوت دا مكنش موجود عندى ولسة ظاهر وكان ظاهر صوت شبية بية من فترة وطلع بلية بطاحة وراح تمام فعلا لما غيرها بس هيا اظاهر فعلا انها بتبوظ بسرعة جدا بلية البطاحة دى بس هيا تمنها 28 جنية فا وقت ما الصوت يقايقك قول 60جنية بلية بطاحة يمين وشمال واى حتة تفك المساعدين الادمانين وتركب البلية حوالى 50 جنية يعنى 100 يظبطلك الصوت دا بص هوا ملوش اى ضرر غير الصوت على فكرة فا دى حاجة مقدور عليها لاكن الصوت الى عندى ا مختلف
بص انا هاجلك من الاخر اعراض تلف بلية البطاحة صوت تكة بس مع اى حركة دركسيون حتة وانت واقف جرب وانت مدور العربية واقفل الازاز كدة والكاسيت واقف فى حتة هادية وحركة الدركسيون حتة صغيرة هتسمع صوت تك مع اى وضع حركة لاكن الصوت الى عندى دلوقتى دا مختلف شوية وفى حتة معينة من الكسرة قول يعنى عند نصف مشوار كسرة الطارة من اول لفة كدة بمسع الصوت دا يمين وشمال فى نفس المكان يعنى عند حتة معينة بص بصراحة انا مش مقتنع انى دى تيش وبارات بس لسة بصراحة مش عارف هيا اة بس الصوت جقلقنى وثانيا سعات بحس برد فعل للدركسيون بس مش عارف دا مرتبط ولا احاسيس بصراحة عشان مفتيش والعربية بعد ما غيرت بلية البطاحة يمين وشمال فعلا لاحظت فرق انى مفيش صوت تماما والدركسيون بقا ناعم بجد بطريقة ملحوظة يعنى دا مش عيب فى الانسر ولا حاجة زى ما انت قولت بس انا مش عارف الى عندى دا دلوقتى اة بس هوا لسة جديد ظاهر انا العربية معايا بقالها فترة هيا 2006 يعنى مش جديدة عشان اقولك هيا كدا لا دا ظهر فجاة
ارجو انك تكون تقبلت كلامى بصدر رحب ونوصل لحل ان شاء الله فى الموضوع دا وتشيل من دماغك انوا عيب فى العربية حتا عشان تريح نفسك لانى الشعور دا فعلا بيبقة مش حلو لانى سعات كنت بعيش فى بس الحمد الله بلاقيلة حل
وان شاء الله نجد الحل مع بعض ونوصل للصح وربنا يسهل ان شاء الله
سلام عليكم

[مصراوي جدا]

كل اللى مزعلنى ان البشمهندس طارق قال لك انك تروح التوكيل وهو عارف ان الصوت ده مش هايروح والمشوار هيبقى مالوش لازمة .

يا استاذي الفاضل مشكلته غير مشكلة حضرتك خالص

مشكلته في البطاحة او التيش انما مشكلة حضرتك في الصوت اللي بيظهر من علبة الدركسيون لما تكسر شمال او يمين وانت بتمر على مطبات عين القطة

[مصراوي جدا]

على فكرة انا كنت عرضت المشكلة على المهندس عبد الجليل في مركز الخدمة الرئيسي ورد بالآتي :

اولا : البارات هي المسمى الثاني للتيش يعني الاتنين واحد ، والاسكاترا هي علبة الدركسيون

ثانيا : بخصوص موضوع الصوت يجب الحضور للتوكيل سواء قليوب او جسر السويس وتجربة العربية مع مهندس الاستقبال لمعرفة مصدر الصوت وتحديد قطعة الغيار اللازم تغييرها وممكن يكون طبق المساعد اللي راكب عليه البلية هو السبب

[ahms10]

السلام عليكم
الف شكر على ردك يا بشمهندس خلاص ان شاء الله انا هاجى قليوب اشوف المشكلة من اة لانى الصوت مقلقنى بس ارجو اعادة النظر مرة تانية فى موضوع مركز الخدمة السريع بتاع الاوتوستراد لانى العامل هناك تعامل معايا انى البارات حاجة والتيش حاجة تانية وقلى على سعر كل واحدة فيهم كمان فطبعا من الواضح انة مش فاهم حاجة رجاء بس حضرتك اقلى سعر البارات بتبقة كام بالتركيب عشان الواحد يعمل حسابة وكامان سعر طبق المساعد عشان الواحد يبقة جاهز فعلا الصوت دا جديد يعنى العربية مش عيب صناعة دا ظاهر موخرا فعلا

رجاء رجاء عشان اعتقد مشرفى المنتدى زهقوا منى عايز حد يعرفنى ازاى اكتب لفظ الجلالة صح لحسن كل ما اكتب موضوع ادور ادور عشان اعملة كوبى لانى مش بعرف اكتبة معلش انا اسف جدا على هذا الخطا بس دا جهل منى فعلا
سلام عليكم

[ahms10]

يا ريت يا بشمهندس طارق بس تقلى التكلفة الاولية كدة سعر التيش او البارات او كمان سعر طبق المساعد

[ahms10]

يا بشمهندسسسسسسسسسسسسسسس

[ahms10]

يا بشمهندسسسسسسسسسسسسسسسسسسسسسس