انا مصدوم من امبارح

[amooooor_s]

امبارح روحت لواحد بتاع عفشة علشان كنت حاسس ان العربية بتخبط كده من قدام كنت بحسب انها محتاجة تربيط لان انا عامل بيها 50 الف وبمشي براحة جدا وفوجئت بيقولي العربية عاوزة مساعدين قدام لان المساعدين اللي فيها بااااااااااااايظينقولتلو اذاي دي (رياضية) قالي ياباشا مفيش الكلام ده كلة بيبوظ علشان تغير قطع الغيار على طول معقول في كده بجد انا كنت متخيل ان مساعدين اللانسر من اجود الانواع وكمان رياضية زي ماقولتلكو انا بجد مش مصدق هو اية اللى وفعلا بعد ماغيرت طبعا حسيت بالفرق بس هل كل 50 الف كم اغير مساعدين بقا ولا ايه ياريت حد يفيدني او حدحصلتلو المشكلة دي قبل كده

[ali_h77]

إنها المطبات

والله يا صديقي العزيز أنا وقعت في نفس المشكلة بس العربية اللي معايا ألماني (مرسيدس بنز -230) وبالصدفة كان فيه مساعدين ميتسوبيشي عند الميكانيكي وسألته أمال المساعدين دول بتوع إيه فزهلت لما قالي ميتسوبيشي مقارنة بالمرسيدي والله فرق واضح جداً في التخانة والحجم تحسن إن المساعدين بتوع الميتسوبشي رفيعين جداً وممكن يتكسروا من أقل حاجة أو يتنوا المهم خلي بالك من المطبات ويا ريت تخدهم ع الهادي بلاش السرعة .. وربنا يوفقك

[mohamedway]

إزاى الكلام ده؟؟؟؟؟؟

أقوى حاجه فى العربيه ده هى عفشتها و أكيد العفشجى إشتغلك و غير المساعدين بدون داعى............ انا تقريبا شبه متأكد انهم سلام و مصيبه بقه لو كنت سيبتهم للعفشجى......... لو المساعدين دول عندك انا ممكن أشوفهم و غالبا هيطلعوا سلام و فى الحالة ده لو عاوز تبعهم انا مستعد أشتريهم.........

طبعا أكيد حضرتك حاسس بفرق لأن العفشجى بالإضافه لتغيير المساعدين أكيد زبط السبب الحقيقى للتخبيط اللى كنت بتسمعه و ده غالبا كان كاوتش بطاحات أو جلب مقصات أو ما شابه........ أعراض تلف المساعد أو الأسباب اللى تخلى الواحد يغيره هى:

1- انه يبقه خفيف و لا يقوم بمهمته وده تتعرف بإنك تضغط جامد على العربيه كذا مره و تسيبها محاولا مرجحتها و لو لاقيتها بتاخد و تدى معاك بسهوله و بتستمر فى المرجحه شويه بعد ما تسيبها يبقه المساعد بايظ و لاكن لو تقيله و بمجرد ما تسيبها بتثبت يبقه المساعد سليم.

2- لو المساعد ضارب زيت لأن ذلك علامه على انه حتى لو بيؤدى وظيفته فهو هيبوظ خلاص و بيودع.

3- انه يكون معووج نتيجة خبطة أو مطب جامد و هذا الإعوجاج عائق فى سبيل ضبط زوايا العربية بشكل صحيح.


ليس من أعراض تلف المساعد أى أصوات تخبيط أو خلافه و لكن الأصوات تأتى من الجلب أو الصدادات أو الأجزاء الكاوتش المتقطعه و ده أبسط بكتير من تغيير مساعد.


يا راجل ده العربية ضمانها 100000كم وانت عامل 50000كم فقط و لو عربيتك فى الضمان و فعلا المساعدين خفت بالشكل اللى تحتاج معه تغيير يبقه من حقك تغيرهم على حساب الشركة ...... ممكن تكون عربيتك بدون ضمان لكن لو شركة متسوبيشى عارفه ان المساعدين دول مش هيكملوا 100000كم مرتاحين جدا مش هتدى ضمان 100000كم على مثل هذه السيارة.

[amooooor_s]

انا اخدت المساعدين معايا طبعا على اساس انه برده ممكن زي مابتقول كده بيشتغلني وبعدين انا اختبرت المساعد زي ماحضرتك بتقول وانا عندي خبرة بسيطة كده في العربيات فلقيت فعلا المساعد لما بضغط علية خفيف في النزول ولما بينزل مبيطلعش بسهولة وبعدين هو معملش حاجة غير انه غير بس المساعدين وانا كنت واقف على فك وتركيب الاجزاء جزء جزء لان بصراحة بخاااااااااااف من اشتغالات الميكانيكية ولقيت فرق بين ضغط المساعد الجديد والقديم ومفيش أي حاجة مش سليمة كله الحمد لله كويسين وكاوتش المقصات كلة سليم غير كمان ان العربية حسيت انها عليت من قدام وانا اعتقادي ان العربية ممكن من كتر الواقفة لان مبمشيش بيها كتير ممكن يكون ده السبب لان عربيتي 2006 على فكرة عربيتي خليجي بدون ضمان

[m_waheed]

إزاى الكلام ده؟؟؟؟؟؟

أقوى حاجه فى العربيه ده هى عفشتها و أكيد العفشجى إشتغلك و غير المساعدين بدون داعى............ انا تقريبا شبه متأكد انهم سلام و مصيبه بقه لو كنت سيبتهم للعفشجى......... لو المساعدين دول عندك انا ممكن أشوفهم و غالبا هيطلعوا سلام و فى الحالة ده لو عاوز تبعهم انا مستعد أشتريهم.........

طبعا أكيد حضرتك حاسس بفرق لأن العفشجى بالإضافه لتغيير المساعدين أكيد زبط السبب الحقيقى للتخبيط اللى كنت بتسمعه و ده غالبا كان كاوتش بطاحات أو جلب مقصات أو ما شابه........ أعراض تلف المساعد أو الأسباب اللى تخلى الواحد يغيره هى:

1- انه يبقه خفيف و لا يقوم بمهمته وده تتعرف بإنك تضغط جامد على العربيه كذا مره و تسيبها محاولا مرجحتها و لو لاقيتها بتاخد و تدى معاك بسهوله و بتستمر فى المرجحه شويه بعد ما تسيبها يبقه المساعد بايظ و لاكن لو تقيله و بمجرد ما تسيبها بتثبت يبقه المساعد سليم.

2- لو المساعد ضارب زيت لأن ذلك علامه على انه حتى لو بيؤدى وظيفته فهو هيبوظ خلاص و بيودع.

3- انه يكون معووج نتيجة خبطة أو مطب جامد و هذا الإعوجاج عائق فى سبيل ضبط زوايا العربية بشكل صحيح.


ليس من أعراض تلف المساعد أى أصوات تخبيط أو خلافه و لكن الأصوات تأتى من الجلب أو الصدادات أو الأجزاء الكاوتش المتقطعه و ده أبسط بكتير من تغيير مساعد.


يا راجل ده العربية ضمانها 100000كم وانت عامل 50000كم فقط و لو عربيتك فى الضمان و فعلا المساعدين خفت بالشكل اللى تحتاج معه تغيير يبقه من حقك تغيرهم على حساب الشركة ...... ممكن تكون عربيتك بدون ضمان لكن لو شركة متسوبيشى عارفه ان المساعدين دول مش هيكملوا 100000كم مرتاحين جدا مش هتدى ضمان 100000كم على مثل هذه السيارة.

++111111111111

[tareksaber]

رد

انا غيرت المساعد الخلفى الشمال على 30 ألف كيلو لأنه جاب زيت وغيرته على حسابى كمان

[bmya]

امبارح روحت لواحد بتاع عفشة علشان كنت حاسس ان العربية بتخبط كده من قدام كنت بحسب انها محتاجة تربيط لان انا عامل بيها 50 الف وبمشي براحة جدا وفوجئت بيقولي العربية عاوزة مساعدين قدام لان المساعدين اللي فيها بااااااااااااايظينقولتلو اذاي دي (رياضية) قالي ياباشا مفيش الكلام ده كلة بيبوظ علشان تغير قطع الغيار على طول معقول في كده بجد انا كنت متخيل ان مساعدين اللانسر من اجود الانواع وكمان رياضية زي ماقولتلكو انا بجد مش مصدق هو اية اللى وفعلا بعد ماغيرت طبعا حسيت بالفرق بس هل كل 50 الف كم اغير مساعدين بقا ولا ايه ياريت حد يفيدني او حدحصلتلو المشكلة دي قبل كده

amooooooor احنا بلديات على فكره
انت روحت لمين عفشجي في ميت غمر ؟؟
عموما البلد اصلا زي منتا شايف زي الزفففففففففت وتهد اي عفشه
انا كان معايا كريستاله 99 ومغرتش المساعدي يتوعها نهاااائي غير بسبب خبطات فقط والعربيه كانت ماشيه فوق ال 100 الف
المهم تكون الصنايعي اللي بتروحله يكون معرفه متكونش زبون طياري زي مابيقولوا لانهم ممكن يشتغلواك وعملوها في واحد صحبي (االلي هو اشترى عربيتي ) كان واخد مني العربيه مفهاش الهوا ومجربها معايا مليون مره والعفشه والمساعدين زي الفل
راح لواحد عفشجي اشتغلوا وقالوا المساعدين اللي وره عايزين يتغيروا وغيرهم فعلا وجه قعد يقولي المساعدين باظين ومش عارف ايه
المهم خلاص اهم حاجه المشكله اتحلت بس انت قلي برده روجت لمين ولو عايز نتقابل ونروح لعفشجي حبيبي نوريله المساعدين القديمه عشان يقولنا حلوين ولا بايظين مفيش مشكله
وياريت نتعرف اكتر ونتقابل قريب

[amooooor_s]

فرصة سعيدة جدا bmya انا روحت لعلي البربري في شارع الجيش بالتأكيد انت عارفه بعد مالفيت كتير وسمعت من عفشجية كتير هو كويس وكنت واقف على ايده وعارف هو بيعمل اية من كتر تجاربي وبالذات في اللانسر بس المشكلة مكنتش فيه انا طبعا عارف وانت عارف ميت غمر عاملة اذاي زي الزفت فعلا بس انا بحافظ على العربية جدا ومبتخرجش كتير ممكن نكون قابلنا بعض بس طبعا هكون سعيد بالتعارف انا اسمي عمرو الشرقاوي (محاسب ائتمان)

[د.محمود صلاح]

المساعدين أكيد بتخرب من مطباتنا الحلوة ,, و تغيير المساعدين اللي حصل عادي طالما العيب اختفى

[M.FOUAD]

عادي يا باشا انا كان معايا 2004 و عاملة 84 الف و غيرتلها المساعدين كلها مفيش الكلام بتاع اقوى عفشة و الكلام دة الشوارع بتاعتنا تهد اي حاجة

[A7MED_PHARMA]

صباح الفل

أنا كمان كنت في ميت غمر النهاردة عند واحد عفجشي محترم جمب صيدلية إبراهيم ..إلي موجوده تحت العمارة الكبيرة إلي كلها دكاترة
أنا بصراحة مش عارف إسم الشارع..بسهوا جمب معرض سيارات كبير

المهم
أنا رايح له بكره ..علشان يغير المساعدين الخلفيين
الاتنين -من عنده - 250 جنيه استيراد

هوا راجل محترم بجد ..أنا كنت بتعامل معاه من أيام العربية الدايو قبل ما أبعها
العربية بتتهبد في المطبات ..وبالذات من ورا



..

[Ghamrawy]

انا لما كام معايا الكريستالة 98 غيرت المساعدين كلها على 45000 كم و كانت العربية بضمان مصرية و كلهم كانوا طالعين زى فردة الشراب
احنا مطبات اسكندرية تهد اى حاجة و حسبى الله و نعم الوكيل فى عديمى الدين و الذمة و الضمير اللى مسئولين عن رصف الطرق

[amooooor_s]

بشكر كل الشباب ع الردود

[amooooor_s]

أستاذ a7med_pharma اللى انت هترحلو اسمه على البربري هو ده اللى انا غيرت عنده وبصراحة هو ممتاز لانه مش مجرد عفشجي ده مهندس اساسا وبيفتح دلوئتي تقريبا مركز خدمة وبعد ماتغير كده جرب بقا العربية وقولنا

[أبو إياد]

انا مش شابف اى داعى للاستغراب ده
على فكره كان معايا لانسر عامله 30000كم وغيرت المساعدين الامامين لانهم خفاف وكانت بومه
عمر الكيلو كتر ماكان مقياس لاى قطعه فى العفشه
عفشه = استخدام