سؤال عن اللانسر 1300

[bona]

هيا الانسر 1300 سي سي لسه بتتباع زيرو ؟ و اخبارها ايه ؟ و موجودة فين وكيل طبعا ؟ و لو حجرت هستلم امتا ؟ و السعر ؟ و نمرة التليفون عشان اسأل ؟ شكرأ مقدما

[مصراوي جدا]

ايوة اللانسر البومة 1300 سي سي لسه بتتباع وموجودة في التوكيل موديل 2010 وبدون حجز وكل الآلوان

الأسعار : المانوال 97000 جنيه والاوتوماتيك 104000 جنيه

الكماليات : تكييف وباور ستيرنج وسنترلوك وزجاج كهرباء ومرايات كهرباء ومفتاح بريموت كنترول

ضمان الوكيل (مصرية) 3 سنوات او 100 الف كيلو متر

تليفون المعرض 19830

[bona]

شكرا علي رد سيادتك . . بس انا كنت سامع انها عاملة 93 الف و الاستاذ ف النمرة دي قالي ١٠٠ و سيادتك 9٧ طيب كده الدنيا ملخبطة جامد
و كنت عايز اعرف نظام الصيانة بعد الشراء
و كمان لو كنت سيادتك تقولي رأيك عن العربية دي بكل امانة ابقي مشكور جامد لحضرتك . . . .

[tarek2001]

أنا معاى لانسر 2009 1300 مانيوال خليجى وهى عربية ممتازة وسحبها جميل جدا واستهلاكها فى البنزين كويس جدا وتوكل على الله

[bona]

مريحة؟ ثباتها ؟ السعر ده مش كتير عليها ؟ و كمان ايه الفرق خليجي و وكيل

[DrMax]

مريحة؟ ثباتها ؟ السعر ده مش كتير عليها ؟ و كمان ايه الفرق خليجي و وكيل

انا معايا لانسر 1300 مانيوال 2009 وكيل glx شاريها من شهر تقريبا فى تصفيات 2009 اللى خلصت بسرعة بسبب سعر 2010 العالى بدون مبرر وبدون اى اختلاف بين الموديلين
العربية مريحة جدا جدا وثباتها حلو جدا جدا جدا
وبالنسبة للكماليات فيها باور تكييف سنتر بالريموت 4 ازاز كهربا مرايات كهربا..اوكر نيكل برة وجوه..عتب..امكانية طى ظهر الكنبه عشان تكبر مساحة الشنطة لو هتحط حاجة طويله
انا معاك ان 2010 اغلى من 2009 بحوالى 10 الاف وده كتير بس دى حاجة ترجعلك
بالنسبة للفرق بين الوكيل والخليجى...الوكيل عليها ضمان وده فى رايى مهم جدا وميزة لا يمكن تجاهلها...ويقال ان عفشة الوكيل اقوى لانها مصممة خصيصا للطرق المصرية والله اعلم
الخليجى 90 حصان والوكيل 87 حصان بس فى المقابل تنك البنزين بتاع الخليجى على ما سمعت من الناس اللى معاها خليجى مكتوب عليه 95 يعنى مصممه انها تشتغل ب 95 عشان كده الحصان بتاعها اعلى شوية
انا بحط لعربيتى 92
فى النهاية العربية سعرها زاد 10 الاف وده كتير فى رايى وهيظلم العربية كده بس كمجمل عربية حلوة جدا فى كل حاجة وموفرة جدا جدا فى البنزين
ولو عوزت حاجة انا فى الخدمه