استفسار حول سنترلوك البوما 2009

[azazy1]

السلام عليكم .
شفت ميزه فى الاسبرانزا إنه بعد ميطلع بالعربيه السنتر بيقفل لوحدة على سرعه 40ى تقريبا
والميزه دى مش عندى فهل دة طبيعى ولا عندى ومش شغال ولا ايه الحكايه
الموضوع دة مهم فى حاله وجود اطفال
والميزه دى فى الفيرنا وعربيات تانيه
وهل لو موش موجوده بتتعمل؟وفين و بكام ؟ وإزاى؟
شكرا ليكم

[mada121977]

ده بيبقى اوبش موجود فى بعض العربيات ومش موجود فى البعض الاخر .. وهو مش موجود فى اللانسر للاسف .. وتقريبا ماينفعش تزوده فى العربيه لازم تكون العربيه نازله من المصنع بالاوبشن ده

[ahms10]

ينفع يا باشا واحد صاحبى عاملبة فى لانسر 2008 اول ما يمشى مش عارف بقة بسرعة ولا بوقت معين ولا اة بس مفيش نص دقيقة بيقفل ولما يجى يطلع المفاتح من الكونتاكت يفتح

[أبو إياد]

انا كنت عامله فى عربيتى ولغيته وده اوبشن موجود فى الانذار
ولغيته علشان كنت عامل وحدات الرفع مع السنتر
فتخيل اول لما تركب خمس دقايق وتتعزل عن العالم السنتر يقفل والزجاج يرفع
وباردو كنت موصل وحدات الرفع مع بكره التكييف . ياعنى تشغل التكييف وحدات الرفع تقفل الزجاج
ياعنى من الاخر انذار ب200ج يعملك اللى انت عاوزه بس لو عربيتك بريموت هايكلف اكتر

[amooooor_s]

على فكرة دى كانت خاصية عندي بس في جهاز انزا وولف وكنت مجرد ما امشي بالعربية شوية السنتر لوك يقفل ولما اشيل المفتاح يفتح

[hatemmohsen]

الميزة دى موجودة مع تركيب اى جهاز انذار بيحث ان بعد تشغيل الكونتكت ومع اول ضغطه على الفرامل يقفل السنتر ومع اغلاق الكونتكت يفتح السنتر وملوش اى علاقة باذا كان موجود وحدة رفع او اى اوبشن بالعربية

[hesham22822]

فعلا دى مش موجودة فى اللانسر و الحمد لله انها مش موجوده لان لما بيكون حد راكب معاك و ييجى نازل و السنتر مقفول بيكسر الاكرة

[el931]

خاصية ان السنتر يقفل بعد فترة من تشغيل موتور السيارة تقريبا ً 30 ثانية ويفتح بمجرد اطفاء الموتور كنت مركبها انا بجهاز إنذار بسيارتى القديمة وكانت دى خاصية يمكن فصلها او تشغيلها
اما فالانسر ومعى 2010 فلا توجد مع السنتر ولكن ان قمت انت بغلق السنتر بعد تشغيل السيارة ولا قد الله تعرضت السيارة لخبطة فيفتح السنتر تلقائى ودى لسهولة الخروج من السيارة اى انها ميزة مهمة واعتقد ان اى اضافات قد تؤثر عليها كما ان ميزة الغلق التلقائى تحدث ان كان الموتور لا يعمل والسيارة مغلقة وقمت بفتح السنتر بالريموت ولم تفتح اى باب حتى 30 ثانية فيغلق تلقائيا ً

[Ralliart]

والله الحمد لله انها مش موجوده لانها مكرها كل مالكي هيونداي في عربياتهم ولو كانت موجوده عندي كنت هلغيها بأي طريقه

انا كنت عامله فى عربيتى ولغيته وده اوبشن موجود فى الانذار
ولغيته علشان كنت عامل وحدات الرفع مع السنتر
فتخيل اول لما تركب خمس دقايق وتتعزل عن العالم السنتر يقفل والزجاج يرفع
وباردو كنت موصل وحدات الرفع مع بكره التكييف . ياعنى تشغل التكييف وحدات الرفع تقفل الزجاج
ياعنى من الاخر انذار ب200ج يعملك اللى انت عاوزه بس لو عربيتك بريموت هايكلف اكتر

جامد جداً حوار التكيف عملته فين؟؟
انا مركب وحدات رفع عالازاز مع السنتر ينفع يوصل معاهم ولا لازم اجيب وحده جديده؟؟

[HeRo_LaNCeR]

انا معايه بومه 2009 وكنت علي مسافر انا واتنين اصحابي علي الطريق وفجاءة الباب قفل سمكرة لوحدوا و كانت السرعة 100
والغريب في الموضوع اني لما وقفت علشان امون بنزين وجيت امشي تاني محصلتش ومقفلتش السمكرة تاني وكل ما افكر اسال في التوكيل انسي

[أبو إياد]

والله الحمد لله انها مش موجوده لانها مكرها كل مالكي هيونداي في عربياتهم ولو كانت موجوده عندي كنت هلغيها بأي طريقه

جامد جداً حوار التكيف عملته فين؟؟
انا مركب وحدات رفع عالازاز مع السنتر ينفع يوصل معاهم ولا لازم اجيب وحده جديده؟؟

اى حد بتاع يكون كهربائى بيفهم اساله لو يعرف يعمله هايعمله ده سهل جدا وينفع طبعا على الوحدات اللى عندك

[abousalma]

ممن تركبه وتخليه زى التويوتا اول ما تدوس فرامل يقفل (تويوتا بيك اب حديث)