أتحاد محبى الشارك(كفاية على البومة الشارك مظلومة)

[molly]

كفاية جدة يا جماعة على البومة, الشارك مظلومة, هذة هو شعارنا, على كل راكبى الشارك ايضاح مميزاتها, خليك أيجابى وأنسى السوق

[tigernet]

خالص انا كدة نسيتة
بس لو وقفت فى البلكونة اكيد هافتكر

[mada121977]

والله انا اتمنى فعلا ان الشارك تاخد مكانها الطبيعى كخليفه للبوما والبوما يتوقف انتاجها ويتحول كل الاهتمام الى الشارك فقط ... يكفى انها شكل جديد وموتور جديد وامكانيات جديده بعكس البوما اللى زى ماهيه من 2003 .. المشكلتين اللى بيواجهوا الشارك هى سعرها المبالغ فيه وايضا استمرار انتاج البوما حتى الان لو متسوبيشى توقفت عن انتاج البوما والتوكيل هنا عدل سياسته التسعيريه الخاطئه ليها هتلاقى الشارك انتشرت جدااا

[Ralliart]

وهو عشان الشارك تنتشر لازم البومه تقف؟؟؟ ازاي اصلاً مفيش علاقه لان الفئه السعريه مختلفه واللي عايز ميتسوبيشي ومعاه تمن الشارك اكيد هيجيبها واللي معاهوش هيجيب بومه
وأكيد كل راكبي البومه بيحلمو بالشارك

المفروض الحمله تبقى لتنزيل الاسعار مش وقف حال البومه يعني المفروض يبقى تمن الشارك من التوكيل زي تمنها خليجي والبومه تبقى اعلى فئه ب110 مثلاً
انما التخلف في انه غلى البومه وخلاها قربت على الشارك ،هو بصراحه توكيل متخلف في المبيعات يعني تجار الخليجي راحو الخليج ودفعو تمن العربيه بمكسبها للتوكيل الخليجي وبعدين شحنوها لمصر ودفعو مصاريف نقل وجمارك (اكيد دافعين جمرك اكتر من التوكيل) وبعد كل ده بيبيعوها ارخص منه ب10 الاف جنيه !!!

[kikooooo]

Totally agree with youuuuuu
I'm in love with the neo lancer shosho

[mada121977]

وهو عشان الشارك تنتشر لازم البومه تقف؟؟؟ ازاي اصلاً مفيش علاقه لان الفئه السعريه مختلفه واللي عايز ميتسوبيشي ومعاه تمن الشارك اكيد هيجيبها واللي معاهوش هيجيب بومه
وأكيد كل راكبي البومه بيحلمو بالشارك

المفروض الحمله تبقى لتنزيل الاسعار مش وقف حال البومه يعني المفروض يبقى تمن الشارك من التوكيل زي تمنها خليجي والبومه تبقى اعلى فئه ب110 مثلاً
انما التخلف في انه غلى البومه وخلاها قربت على الشارك ،هو بصراحه توكيل متخلف في المبيعات يعني تجار الخليجي راحو الخليج ودفعو تمن العربيه بمكسبها للتوكيل الخليجي وبعدين شحنوها لمصر ودفعو مصاريف نقل وجمارك (اكيد دافعين جمرك اكتر من التوكيل) وبعد كل ده بيبيعوها ارخص منه ب10 الاف جنيه !!!

والله دى وجهه نظرى ..ودى وجهه نظر التجار المسيطرين على السوق انزل اسأل اى واحد فيهم وشوف كده هايقولك ايه .. احنا مش بنتكلم فى موضوع انهم فى فئه سعريه مختلف احنا بنتكلم فى مزاج وميول المستهلكين والتجار يعنى المستهلك مقتنع ان البوما دى ماحصلتش ولاهاتحصل ومش مقتنع بالشارك علشان شايف انها (على حسب الاشاعات والافتاءات اللى بتطلع من المصريين ...انها مش كويسه ) فهوا يجيب عربيه غاليه ومش كويسه ليه وقدامه عربيه بياعه وسوقها ماشى وكله بيشكر فيها ... لو انت وقفت انتاج البوما ..والتجار مش هايلاقوا قدامهم غير الشارك شوف بقى احلى كلام هايتقال على الشارك من التجار وشوف المبيعات اللى هاتحققها

[Ralliart]

والله دى وجهه نظرى ..ودى وجهه نظر التجار المسيطرين على السوق انزل اسأل اى واحد فيهم وشوف كده هايقولك ايه .. احنا مش بنتكلم فى موضوع انهم فى فئه سعريه مختلف احنا بنتكلم فى مزاج وميول المستهلكين والتجار يعنى المستهلك مقتنع ان البوما دى ماحصلتش ولاهاتحصل ومش مقتنع بالشارك علشان شايف انها (على حسب الاشاعات والافتاءات اللى بتطلع من المصريين ...انها مش كويسه ) فهوا يجيب عربيه غاليه ومش كويسه ليه وقدامه عربيه بياعه وسوقها ماشى وكله بيشكر فيها ... لو انت وقفت انتاج البوما ..والتجار مش هايلاقوا قدامهم غير الشارك شوف بقى احلى كلام هايتقال على الشارك من التجار وشوف المبيعات اللى هاتحققها

ما هو ده المفروض يبقى من اهداف الحمله دي انهم يوعو الناس ويعرفوهم ان الشارك احسن من البومه ووجهة نظر الناس مش هتتغير لو البومه وقفت لانهم مقتنعين ان ال1500 ضعيف ودا بسبب الفتايين العالميين اللي مصر بتنفرد بيهم
انا مرره حاولت اقنع واحد ان موتور الشارك مش ضعيف كان بيبصلي كاني من كوكب تاني واستنى لما خلصت الكلام وقالي يابني دي 1500 يعني لو طالع مطلع ومشغل التكيف مش هتطلع !!!! :b4_444: (من ساعتها مكلمتوش تاني)

[bogy123]

يا جماعه انا اعتقتد ان التوكيل غلى سعر البومه علشان الشارك الناس تشتريها و تتباع
و لكن المشكله الاساسيه من وجهه نظرى هى ان التوكيل معندوش اى نوع من سياسه التسويق،
بعتى ولا اعلانات فى الجرايد ولا اعلانات فى الشوارع .. يعنى مثلا الكيا و الهيونداى و اليابانى برده و كل انواع العربيات ؛؛؛ تلاقى اعلانات على المحور و فى الشوارع حتى العربيات الصينى عامله اعلانات فى الشوارع و الجرايد
التوكيل لا يتعامل باحترافيه فى الدعايه و التسويق و معتمد على اسم ميتشوبيشى فى السوق ؛؛
و علشان كده الناش مش فاهمه العربيه و مش عارفه مميزتها و مش بتشتريها..
يعنى مشكله تويوتا و هوندا و سحب عربيتها كان من الممكن التوكيل يستفاد متها اوى؛ كل الى حصل اعلانين فى اخبار اليوم فقط لاغير .
ازاى تعرف الناس العربيه و مفيش تسويق و دى الى خاله الناس تنسى الشارك و يجرو ورا السوق و كلام الناس عن العربيه..
يا جماعه دى وجهه تظرى فقط لاغير ولا اقصد الاساءه لى اى حد
مشــــــكورين

[SkyBird]

فعلا الشارك مظلومة وينقصها الدعاية خصوصا التلفزيونية كمنتج جديد
شوفو احمد عز بيعمل ايه بالكروز رغم ان الشارك اجمل منها مية مرة

[ratedrko]

انا عامل بالعربيه 6500 كيلو لما بشد مع صاحبي بالبومه بتاعته عربيته بتختفي من على الخريطه......البومه مينفعش تتقارن بالكورولا او السيفيك الجدييده....العربيه زي الفل وميه ميه وجبت بيها 200 والاستابلتي بتاعها عاااالي ....غير كما الفرامل بتاعتها ميه ميه و الي بي اس فعااااااااااااااال

[ratedrko]

بس انا كنت عايز اسأل ....ينفع اركب على عربيتي الفوانيس اللي فيها عدسه ,,,لان عربيتي فوانسها عاديه........ولو حد يعرف اشتري الجنوط الاصليه اللي بتيجي مع الهاف والفول تتجاب منين ....لان عربيتي كانت طاسات والطاسات اتسرقو قلت اجيب جنط واريح نفسي
:)

[dr.amr]

ما هو ده المفروض يبقى من اهداف الحمله دي انهم يوعو الناس ويعرفوهم ان الشارك احسن من البومه ووجهة نظر الناس مش هتتغير لو البومه وقفت لانهم مقتنعين ان ال1500 ضعيف ودا بسبب الفتايين العالميين اللي مصر بتنفرد بيهم
انا مرره حاولت اقنع واحد ان موتور الشارك مش ضعيف كان بيبصلي كاني من كوكب تاني واستنى لما خلصت الكلام وقالي يابني دي 1500 يعني لو طالع مطلع ومشغل التكيف مش هتطلع !!!! :b4_444: (من ساعتها مكلمتوش تاني)

الراجل اللي بتتكلم عنه ده اقل واجب معاه
بس لازمله حاجه عموله علشان يفوق من اللي بيقوله
مش هتطلع ايه بس هو راكب فيزبا ولا موتوسيكل
ياريته قالك وكمان محمل كان يبقي ليه عذر

[dr.amr]

تعيش البومه حره مستقله
البوما ده انا كنت بهرب منها
ولما عرفت انها اتوقفت في 2008 قلت الحمد لله
لفت لفت الايام ووقعت في قرعتي
والله انا كنت هجيب الشارك اصل كان الفرق 10 الاف
بس حاجتين خلوني غيرت رأيي
التابلوه بتاعها كله فبر وده اكرهه تماما وحجم العربيه المبالغ فيه
والاهم بقي كلام الناس مانا قلت لازم اشوف لو حبيت ابيع حسيت اني بتكلم علي كلب ميت
ده لو كلب هيبقاله سعر عن العربيه
العربيه بتتباع باسعار غريبه جدا من 90 الي 80 شيء محزن ومخزي
والله انا كان نفسي اركبها علشان المايفك اللي فيها بس قدر الله وماشاء فعل والحمد لله انا راضي وربنا يديمها عليا نعمه

[dr-mohamed]

يا اخوانا البومة اصلا هيتوقف انتاجها في 2010
ده اخر انتاج ليها
بعد كدة مفيش غير شارك وبس
وانا ركبتها اكتر من مرة مع واحد صاحبي بصراحة احلي واشد من البومة

[molly]

ذى الفل يا جماعة, عايزين همت بشمهندس طارق معنا ويخلى التوكيل يتفق مع أحمد السقا على حملة أعلانية قوية وخصوصا دى أخر سنة للبومة وأخر 3 سنوات للشاركز