مشكله !!

[Ralliart]

بسم الله الرحمن الرحيم
المشكله بدأت بان من ييجي شهر كده العربيه فضل الكلاكس معلق وخلص البطاريه ورحت التوكيل وصلحتها ،وبعدها روحت لقيت الفوج لايت مش شغاله ورجعت التوكيل تاني وصلحوها ،بعدها بكام يوم الفوجات باظت تاني وعديت على كهربائي لقا الفيوز محروق وغيره واشتغلت ،بعديها لقيت النور بتاع زراير التكيف فصل وقلت مش مشكله هو اتحرق قبل كده وغيروهم في التوكيل ،جيت النهارده كنت في مشوار طفيت العربيه رجعت لقيتها مبتدورش لان البطاريه فضيت !! فضلت واقف وكلمت واحد صاحبي يجيب كابل عشان اشغلها بعدين ركبت العربيه وجربت كذا مره والعربيه مش بتشتغل المهم سبتها شويه وجيت اجرب لقيتها دارت عادي!! :b4_556:

نفسي اعرف المشكله فيييييييين؟؟؟؟؟
انا خايف اغير البطاريه مع انها مكملتش سنتين (فارتا جافه) وتطلع المشكله مش فيها وكمان في كهربائي كشف عليها وقال سليمه
وبعدين ليه كل شويه حاجه تتحرق؟؟؟؟

وكنت عايز اسأل عن نور زراير التكيف اجيبه منين لانه كان اتحرق زمان والتوكيل غيره بلنض تعبانه اضائتها صفره وشكلها وحش جداً


تم تغيير اللون الاحمر الى الاخضر
يرجى عدم استخدام اللون الاحمر في المشاركات حيث انه مخصص للمداخلات الاداريه (راجع قوانين المنتدى)
مشرف الياباني ١

[ahms10]

سلام عليكم
بالنسبة لموضوع العربية مش بتدوؤ مش عارف بصراحة مش هقدر افيدك فية بس انت بتقول مكملتش سنيتين البطارية دى اجدع بطارية دلوقتى بتقد سنة وكام شهر كدة كتر خيرها انا البطارية الاصلية قعدت سنة بالظبط جبت ac delco قعدت 9شهور ودى فعلا بطارية جربانة وواحد صاحبى قعدت معاة سنة وبردوة بخ وجايب واحدة مهجورة كدا شغال بيها دلوقتى وربنا يكرم بالنسبة لموضوع اللمض دا فعلا انا زهقت منة ولفيت علية فى كل حتة ومليت المنتدى اسئلة والمشكلة الاكبر كمان انى انا عندى اللمبة الى اتحرقت بتاعت زرار الفوجات ودى اصعب خلاصة موضوع النور عشان افيدك فية على قد ما اقدر اولا اللمض القديمة كان راكب عليها طربوش لونة ازرق هوا دا الى بيدى اللمبة اللون الابيض الى انت بتشوفة شكل التوكيل رماة او ساح او اتقطع وهوا بيشيل اللمبة ودا شائع جدا وفعلا حصل معايا لقيت الدونيا كلها على الطربوش دا مفيش فايدة طيب الحل اة؟
فى لمض اسمها لمض ليدات ممكن تجبها هيا بتنور ابيض وهيا عندى دلوقتى ومش مستخدمها لو حبيت تاخدها تجربها عندك شوف نورها هيعجبك ولا لا بس اعتقد هيبقا احسن من الاصفر عامتا انت شكلك كدا ساكن جمبى لانى انا شفت موضوعك بتاع كار جينس وفعلا ماشاء اللة معجب جدا بالفرش بتاعك وربنا يباركلك فية وحسيت انى شوفت عربيك مرة وانا ماشى فى شارع حسنين هيكل وعرفتها من الفرش تقريبا يعنى فا لو تحب فى اى وقت نتقابل واتخد اللمض تجربها مفيش اى مشكلة بدل ما تشترى ويمكن اضائتها متعجبكش لانها بتبقة غالية لانى انا جربتها فى الولاعة وحسيت اضائتها مش حلوة بس اكيد هتبقة احسن من الاصفر

حل تانى اقترحة واحد فى المنتدى هنا بشكرة علية بس بردوة مش موجود تجيب ورق فيمية لونة ازرق بس يكون كرستال الى هوا الاحمر بتاعة بيتركب على الفوانيس الخلفية وتقص على قد الللمبة وتسخن بسشوار او حاجة عشان يلزق على اللمبة الصفراء الى معاك دى تجيب بقا اللون الى انت عايزة هوا الاحمر موجود ومتوافر كتير جدا لاكن الازرق سالت فى دمشق مش موجود خالص خد بالك لازم كرستال يا اما هيعتم الاضاءة خالص والموضوع مش محتاج توكيل او حاجة لو تحب نتقابل فى اى وقت وانا اعملهالك مفيش اى مشكلة ودى فرصة نتعرف بحدم محترم من نايل موتورز بس اكدلى معلومة انك ساكن جمبى انا فى مكرم عبيد عند مول الكمبيوتر كمبيو مول
سلام عليكم

[Ralliart]

شكراً يا ahms10 على شرحك الوافي
والبطاريه مش فاكر انا مغيرها امتى بس تقريباً من سنه ونص حاجه زي كده وانا هنزل اكشف عليها بكره
بالنسبه للنور الاحمر انا كنت قريت رد بتاع عضو هنا بيقول انه كان عامله في عربيته القديمه وهيعمله في الجديده ويصورها ،بس مش عارف هو نسينا ولا ايه ؟؟ والمشكله هتبقى في نور الكاسيت وعداد الرحلات لان لونهم ماشي مع العربيه ،وموضوع الليدات هتبقى منوره زياده عن اللزوم واتحرقت مع ناس اصحابي كتير
وانا ساكن في الجيزه وعربيتي سبورت لونها شامبين عليها استيكر المنتدى على الازاز الخلفي بس ممكن ابقى عديت قريب من حضرتك وانا اتشرف بمعرفتك من غير اي حاجه
وشكراً مرره تانيه على ردك

[ahms10]

اوب حصل لبس معلش انا كان قصدى على عربية فيرانى وكان عامل الفرش فى كار جينس وفعلا مستنى موضوع اللمض الحمرة دى فعلا عشان متشوق جدا انى اشوفة

[Ralliart]

اوب حصل لبس معلش انا كان قصدى على عربية فيرانى وكان عامل الفرش فى كار جينس وفعلا مستنى موضوع اللمض الحمرة دى فعلا عشان متشوق جدا انى اشوفة

ولا يهمك يا باشا وجينز كار مشهور هتلاقي ناس كتير عامله عنده

النهارده رحت توكيل فارتا وقالولي البطاريه سليمه 100% ومش محتاجه تغيير!!
يبقى المشكله فين بالظبط؟؟؟؟؟؟

[m_waheed]

اعتقد حضرتك محتاج تراجع علي الكهرباء . ممكن يكون في حاجة ملمسة وتراجع الأرضي وعلبة الفيوزات

حاجة تانية بالمرة تراجعها
اخبار درجة حرارة العربية ونقص المية
لو طلعوا طبيعي يبقي ما فيش غير الإحتمال الأول اليي ذاكره

[Ralliart]

اعتقد حضرتك محتاج تراجع علي الكهرباء . ممكن يكون في حاجة ملمسة وتراجع الأرضي وعلبة الفيوزات

حاجة تانية بالمرة تراجعها
اخبار درجة حرارة العربية ونقص المية
لو طلعوا طبيعي يبقي ما فيش غير الإحتمال الأول اليي ذاكره

الحراره تمام والميه مش ناقصه
مش عارف حوار الكهربا انا لما كنت في التوكيل ايام ما الكلاكس علق قلتلهم اكشفو عالكهربا بس ممكن يكونو نفضولي وصلحو الكلاكس بس