مقاس الزيت

[mostafa727050]

معايا لانسر 2005 1600 عايز اعرف ازاى اعرف مقاس زيت الفتيس اذا كان ناقص او زياده؟؟؟

[SkyBird]

في الاوتوماتيك
تمشي بالعربية مشوار لحد ما توصل للسخونية الطبيعية
تقف بالعربية بحيث تكون في وضع مستوي مضبوط وهي شغالة طبعا تحرك الفتيس في كل الحارات لحد ما توصل للوضع P
تنزل وتسحب عصاية مقاس الزيت وتمسحها بقماشة نظيفة ليس بها وبر وتضع المقياس مرة تانية لثواني قليلة وبعدين تسحبه وتشوف
المفروض يكون بين علامتين hot&cold
ملاحظة
الميكانيكة بيقولوا تخلى العربية على الوضع R وتخلي حد يدوس فرامل وتشوف مقاس الزيت
الكتالوجات بتقول ان الفحص على الوضع P

[m_waheed]

انا في التوكيل قالوا علي الوضع r ونفس الحكاية في كل محطات البنزين

وكونت برده برتكب خطا اني كونت بقيس الزيت والعربية لسة باردة وكونت الاقي زيت الفتيس ناقص

يا ريت حد يفيدنا أكتر او يوضح لينا الجزئية دي

[SkyBird]

اللي اعرفه ان في كل الاحوال المفروض لا يكون ناقص ولا زايد
بمعني انك لو قسته والموتور بارد يبقى العلامة هتكون على cold بس متنزلش عنها
وانك لو قسته والموتور ساخن المفروض يكون قريب من العلامة hot وميعلاش عنها

[m_waheed]

اللي اعرفه ان في كل الاحوال المفروض لا يكون ناقص ولا زايد
بمعني انك لو قسته والموتور بارد يبقى العلامة هتكون على cold بس متنزلش عنها
وانك لو قسته والموتور ساخن المفروض يكون قريب من العلامة hot وميعلاش عنها

كلام منطقي بس لما اقيس اخلي الفتيس عند النقله r ولا p

[SkyBird]

كلام منطقي بس لما اقيس اخلي الفتيس عند النقله r ولا p

الوضع r هو الوضع اللي يكون فيه منسوب زيت الفتيس اقل ما يكون وذلك نتيجة لاوضاع التروس
ولذلك يفضل هذا الوضع لانه يجيب من الاخر عن تجربة
وممكن تجربه بنفسك وتقيس على الوضعين تجد ان الوضع r يقل فيه منسوب زيت الفتيس عن الوضع p بمقدار بسيط

[drmsadek1979]

هي فين

هي فين مقياس زيت الفتيس مكانه؟

[otefa]

المفروض يكون بين علامتين hot&cold
الكتالوجات بتقول ان الفحص على الوضع p

خليك علي المكتوب في الكتالوج بتاع العربية........كل ماركة وليها طريقة في القياس.

[ahmed_ragheb76]

على شمال الموتور تحت فلتر الهواء

[M.Nasr]

فعلا فى التوكيل كان بيطلب منى اجيب r عشان يقيس زيت الفتيس