شوفوا الي حصل معايا وقولوا رأي؟؟؟

[drmsadek1979]

انا رحت التوكيل لأن العربية كانت بتستهلك بنزين كتير هي 1600 اتوماتيك 2007 وقالولي ان فيه مشكلة في برمجة البوابة والبوجيهات الي راكبة مش بتاعت لانسر ولازم تتغير ومحتاجة تغيير زيت وفلتر الزيت وفلتر الهواء فقلت ماشي اعملوا اللازم فعملوا الحاجات الي فاتت دي ودفعت حوالي 800جنية .العربية بقت بتستهلك كل 200كم داخل المدينة 20لتر وعلى الطريق السريع كل 300كم 20لتر فأيه رأيكم ؟ بس فية مشكلة ان رائحة العادم من الشكمان مش مريحاني فأيه الحل؟

[survey]

تمام كدة

نسب استهلاك البنزين اللي انت قايلها دي كويسة جدا جدا بالنسبة لموتور 1600
لكن حكاية الريحة دي ما افتيش فيها

[M.Nasr]

200 كيلو فى الصفيحة دى نسبة استهلاك كويسة مش وحشة بس انت لازم تشوف ايه المشكلة فى العادم

[HeMa_LanCeR]

بما ان نسبه الاستهلاك كويسه علي رأي الناس
يبقي ارجح ان حضرتك علشان شاغل مخك بالعادم فا حاسس ان في حاجه غلط
عموما هل في عادم طالع من الشكمان؟ يعني في لون ولا عادي مافيش حاجه؟

[el931]

الاستهلاك داخل المدينة موضوع صعب الحساب ولا يعتمد علية فى معرفة حالة العربية ولكن 200 كم كل 20 لتر بنزين فى ظروف قيادة مختلفة ممتـــــــاز
اما عالطريق السريع فأنا لسة حاسب المعدل بعربية لانسر بوما موديل 2010 وموتور 1600 سىسى وكان :-
- سرعة متوسطة 90 كم / س
- حمولة افراد واشياء بالسيارة 350 كجم تقريبا ً
- بنزين 92
-السفر كان ليلا ً يعنى تشغيل الانوار
- التكييف تم تشغيلة تقريبا ً 50 كم وعلى فترات متقطعة
-العربية كانت لسة خارجة من صيانة 10 الاف بالتوكيل
النتيجة :-
كل 20 لتر بنزين تعمل 315 كم

[drmsadek1979]

شلكر لكل من رد

لا يوجد اي الوان او دخان نهاءي في العادم بس لما بكون بسخن العربية في الجراش بحس بالرائحة

[Hany.ElBaathy]

الإستهلاك كدا معقول جدا و لو مافيش لون و لا حاجة فى العادم ما تقلقشو الله أعلم

[HeMa_LanCeR]

لا يوجد اي الوان او دخان نهاءي في العادم بس لما بكون بسخن العربية في الجراش بحس بالرائحة

لازم طبعا يكون في رائحه خصوصا ان المكان مغلق
كده الحمد لله عربيتك تمام
ماتشغلش دماغك

[Ralliart]

كده نسبه كويسه جداً
انا كنت عايز اعرف هو التانك كام لتر ؟؟
عشان حاسس ان الاستهلاك عالي لان العربيه خلصت ربع التانك في 55 كيلو

[el931]

كده نسبه كويسه جداً
انا كنت عايز اعرف هو التانك كام لتر ؟؟
عشان حاسس ان الاستهلاك عالي لان العربيه خلصت ربع التانك في 55 كيلو

الانسر البوما 2010 التانك 50 لتر
واعتقد ان كل البوما كدة
وقياسك على ربع التانك مش دقيق يعنى كنت مفول على اول تكة فالمسدس (اول مافصل اثناء التفويل ولا فضل العامل فالبنزينة يكمل بنزين )
عموما ً انت ممكن تشوف المعدل بقياس دقيق افضل

[drmsadek1979]

التانك

50 لتر والاحتياطي 10 لتر تقريبا يعني الاربع شرط كل واحدة حولي 10لتر

[dr-mohamed]

احمد ربنا
يا رب عربيتي يبقي سحبها كدة وهي 1300

[د.محمود صلاح]

هل حضرتك drmsadek1979 لاحظت فرق قبل وبعد الصيانة ؟؟ هو ده الحكم