عايز حد يساعدنى اعمل كدة ولا لا

[midoka2030]

انا من حوالى اسبوع عملت حادثة وغيرت الرفرفين اللى قدام والاكصدام والكبوت المهم انى ركبتهم الحمد لله انا معايا لانسر 98 بس انا عربيتى لونها نبيتى فكنت عايز اغير لونها بلون البوما اللى هو دم الغزال بس مش عارف اللون دا هيمشى عليها ولالا ثانى حاجة عايز اركب جنط 17 على العربية بس خايف برضو ابوظ العفشة واجيب اخرها مع ملاحظة انى بمشيئة الله لو ركبت الجنط ال17 هركب الكوتش الصغير مش الكبير علشان ما يحكش فى الرفرف والسبب التانى انى عايز اركب جنط 17 علشان انا ناوى اعمل زيادات فيبر فى الاكصدامات فعايز العربية تعلى فبسال ممكن العفشة بتاعت العربية تستحمل الجنط دا ولا بلاش ياريت حد بجد يقولى اعمل كدة ولا بلاش احسن سواء فى الجنط او اللون

[zoro007]

بالنسبه للجنط ال 17 كبير اوى فوق اللازم على الكرستاله
واعتقد جنوط الكرستاله الاصليه 13

حرام .. العفشه أكيد هتبوظ وهتربطها كل يوم

[أبو إياد]

بالنسبه للون مافيش مشاكل واللون عليها كويس بس طبعا ماترشش القوائم ولا اى دواخل

اما الجنوط فانا شايف الانسب هو جنط مقاس 15 ولو عاوز شكله يكون كويس هات كاوتش مقاس 15/195/50

[midoka2030]

شكرا على ردودكم وانا ركبت جنط 16 عى العربية والحمد لله تمام بس المشكلة انى بقيت اتنطط داخل العربية وبقيت احس باى حاجة موجودة على الارض اما اللون فانا لسة ما رشتش العربية لانى هعمل فيها حبة شغل فيبر كدة ان شاء الله

[zoro007]

شكرا على ردودكم وانا ركبت جنط 16 عى العربية والحمد لله تمام بس المشكلة انى بقيت اتنطط داخل العربية وبقيت احس باى حاجة موجودة على الارض اما اللون فانا لسة ما رشتش العربية لانى هعمل فيها حبة شغل فيبر كدة ان شاء الله

ولسه شويه كدا وهتبقى زبون العفشجى كل 4 او 5 ايام لتربيط العفشه

[HeMa_LanCeR]

الجنط كبير فعلا
بس ممكن حضرتك تقولي سعر الرفرفين والكبوت والاكصدام كام؟

[n8os]

انت لو غيرت العفشه لسبور هتريحك عن كده

[momo44]

انا من حوالى اسبوع عملت حادثة وغيرت الرفرفين اللى قدام والاكصدام والكبوت المهم انى ركبتهم الحمد لله انا معايا لانسر 98 بس انا عربيتى لونها نبيتى فكنت عايز اغير لونها بلون البوما اللى هو دم الغزال بس مش عارف اللون دا هيمشى عليها ولالا ثانى حاجة عايز اركب جنط 17 على العربية بس خايف برضو ابوظ العفشة واجيب اخرها مع ملاحظة انى بمشيئة الله لو ركبت الجنط ال17 هركب الكوتش الصغير مش الكبير علشان ما يحكش فى الرفرف والسبب التانى انى عايز اركب جنط 17 علشان انا ناوى اعمل زيادات فيبر فى الاكصدامات فعايز العربية تعلى فبسال ممكن العفشة بتاعت العربية تستحمل الجنط دا ولا بلاش ياريت حد بجد يقولى اعمل كدة ولا بلاش احسن سواء فى الجنط او اللون

ممكن اعرف السعر كام ومنين
وايه اخبار العفشة
عاملة مشاكل ولا لسة

[mmffor]

جبت الجنط بالكاوتش بكام؟ مبروك ياباشا

[midoka2030]

انا جبت الحنط بالكاوتش مقاس 16 4250 جنيه صناعة تيوانى بس بصراحة انا قرفت من العربية بعد ما ركبت الجنط بسبب التنطيط داخل العربية وتانى حاجة العفشة حاسس انى بقيت اسمع فيها اتخبيط والاوحش من كدة بقيت احس باى حاجة موجودة على الارض فعلا ياريتنى كنت جبت جنط 15 بس يلا بقى الخيرة فيما اختاره الله انا ناوى ان شاء الله شوية كدة واجيب عفشة اسبور علشان انا خلاص بقيت ازهق لما اسوق العربية

[momo44]

انا جبت الحنط بالكاوتش مقاس 16 4250 جنيه صناعة تيوانى بس بصراحة انا قرفت من العربية بعد ما ركبت الجنط بسبب التنطيط داخل العربية وتانى حاجة العفشة حاسس انى بقيت اسمع فيها اتخبيط والاوحش من كدة بقيت احس باى حاجة موجودة على الارض فعلا ياريتنى كنت جبت جنط 15 بس يلا بقى الخيرة فيما اختاره الله انا ناوى ان شاء الله شوية كدة واجيب عفشة اسبور علشان انا خلاص بقيت ازهق لما اسوق العربية

يعنى العفشة حصلت فيها مشاكل
؟؟؟؟؟؟؟؟؟؟؟
ومش ممكن تبدله من عند نفس الراجل بواحد تانى 15
او تبيعه وتجيب 15

[midoka2030]

اكيد مش هينفع يا باشا وبعدين الجنط انا لسة جابه ما كملش شهر بالظبط ابيعه دلوقتى مش هينفع طبعا المشكلة اللى ظهرت فى العفشة هى تخبيط من تحت فى العربية تقريبا مش عارف اذا كان من اتياش الاسكترا ولا من بيض الدريكسون ولا ايه بصراحة ما اعرفش بس ان شاء الله شوية كدة اجمع فلوس وهجيب عفشة اسبور واريح دماغى

[FunnyMickey]

العيب مش عليك
طب انتا مش فاهم
بس البني ادم الي ركبلك معندوش ضمير
لانه اكيد فاهم ايه اللي ينفع وايه اللي مينفعش

وانا لو منك حروح اقوله انك كان المفروض تنصحني ولو عرفت فعلا تغير الجنط او تبدله ولو حتي تدفع فرق

[M.Akef]

الجنط ال16 ده هيجيب العفشه الارض طبعا في ثواني ولا حتي 15 اقصي جنط تركبه يكون 14 علي العفشه الي عندك لاما بقا تسقط عفشه رياضيه و ترمي فيها جنط 15 هيبقا شيك علي الكرستاله بس مش 16 و 17 انت بتفكرني بال128 الي حطه 17 غبي جدا علي العربيه انت مش راكب سيراتو ولا مزدا 3 عشان عاوز الجنط يبان فيها الكرستلاله ابعادها عاديه اصلا يعني لو 14 او 15 هيبان اوي عليها و هيظبطها

[midoka2030]

يلا بقى الخيرة فيما اختاره الله بس بجد انا ظهرى خلاص بقى يقرفنى بعد لما اسوق العربية بس التنطيط انا بفكر انى فعلا لاما ابيع الجنط لاما اجيب عفشة اسبور بس الفلوس مش معايا دلوقتى وكمان غالية بس انا احتمال اتصرف فى جنط 13 الاصلى بتاعها هشتريه ولما اركب العفشة الاسبور ابقى ارجع اركب الجنط تانى بجد انا ندمت انى فكرت اركب جنط اصلا حتى عزم العربية قل مبقاش زى الاول وانا طالع بحس بتقل فى العربية فى سحبها وادى البداية النهاردة الحاجة اللى بتتكب فى اتياش الاسكاترا دى باظت وبقت تترقع معايا فى المطاب يعنى انا جبت القرف لنفسى بايدى بس على فكرة الغلطة غلطتى فى الجنط 16 هو بامانة ربنا قالى اركب 15 ودا يبقى كتيير على العفشة كمان بس انا صممت على16 ومش كدة وبس وكنت عايز اركب 17 كمان لانى شوفت كريستالة كتيير فيها جنط 17 بس ما كنتش اعرف اللى فيها بس فى الاول وفى الاخر الحمد لله على اللى يجيبه ربنا