المساعدين لانسر 2006

[ahms10]

سلام عليكم
انا معايا لانسر بومة 2006 ابتديت اسمع صوت خبطة جامدة لما اخد مطب او ادخل فية جامد شوية المهم ماهتمتش بالموضوع ورحت اغير كاوتش من يومين وقولت اظبط زوايا الراجل قلى مش راضية تتظبت لانى فى مساعد محجر والتانى بردوة مش كويس اوى المهم دلوقتى الاستفسار :
انا عربيتى 1300 سى سى يعنى العافشة العادية وجنوط 14 هل ينفع اجيب مساعدين ادام بتاعت ال1600 واركبهم عادى ولا اة وهل فى اختلافى فى المساعدين الخلفية ولا هيا الامامية بس مع العلم انى مش هركب غير امامية الاستفسارات فى (س)
1-هل مساعدين ال1600 تركب عادى على عربية 1300 ولا لا
2-هل مساعدين ال 1300 الخلفية مختلفة عن ال1600
3-هل فى مشكلة لو ركبت مساعدين 1600 ادام وسبت ورا زى ما هيا
4هل احتاج اغير اى حاجة مع المساعد لو ركبت بتاع ال1600 زى بلية البطاحة وطبق المساعد وغيرة ولا اة
5- اسعار مساعدين ال1300 و ال1600
6-هل رايكوا اجبهم استيراد ولا اة
7-هل ينفع ابيع المساعدين الى معايا ويجيوا كام
7-هل مساعدين ال1600 هتفرق كتير عن ال1300
8-هل محتاج اغير السوست ولا هيا هيا
9معلش اسئلتى كتير بس عايز ادرس الموضوع دا كويس من ناحية الاداء والفلوس اكيد
الف شكر لمساعدتكم
سلام عليكم

[mada121977]

على حسب معلوماتى ان عفشه ال1300 مختلفه عن عفشه ال 1600 وجنط ال 1300 مقاس 14 وال 1600 مقاس 15 .. فبالتأكيد هيكون فيه اختلاف فى العفشه ومكوناتها . بس مش عارف اذا كان المساعد الامامى لل 1600 يركب على ال 1300 ولا لا .. بالنسبه للمساعدين الخلفيين تقريبا هى واحد فى ال 1300 وال 1600 مفيش اختلاف .. بالنسبه للاسعار معرفش السعر بصراحه .. وبالنسبه للمساعدين القدام اللى هتغيرهم مفيش حد هايشتريهم مادام باظوا وجابوا اخرهم .. وبالنسبه للجداد يفضل تجيبهم زيرو لانك لو جبتهم استيراد مش هاتضمن يقعدوا معاك فتره طويله ومش هتبقى مطمئن ليهم 100%.. بالنسبه لليايات فمن الطبيعى انهم مع كثره الاستعمال انها تنعم وتبقى خفيفه وتبقى محتاجه تتغير بس ده على اساس ان العفشجى يكشف عليهم كويس ويشوف هل يستاهلوا التغيير فعلا ولا لا ... وحضرتك برضه استنى وشوف رأى الساده الافاضل اللى هايردوا عليك علشان يضيفوا معلومات مفيده فى الموضوع

[abcdefghi]

ya basha el mosa3ed howa howa 2el beyrkab fel 1300 howa fel 1600. taman 2el 2etnen 800 l.E

[ahms10]

اة يا عم الكلام دا لا المساعدين مختلفة وانا متاكد من كدا وشايفهم بنفسى والسعر اعتقد اكتر من كدا كتير دا يمكن 800 دا تمن الواحد انا بتكلم على لانسر بومة 2006
الف شكر على مساعدتك بس يا ريت البشمهندس طارق يرد علينا