كيف أكتشف اللعب في العداد ؟

[A.Gameil]

أنا ناوي أشتري عربيه لانسر موديلات من 2005 و إنتا طالع
أنا طبعا خايف من اللعب في العداد ذي ما إنتوا فاهمين و سألت ناس قالولي إن محدش بيقدر يكشف موضوع اللعب في العداد ده , حتي التوكيل قالوا نفس الكلام , بس اللي ببحددها شويه إنك تقيس كبس الموتور وتقارنه بعدد الكيلوات , حد يقدر يفيدني ويقولي المفروض لو هشتري عربيه في الموديلات من 2005 وإنتا طالع وتكون عامله كيلوات أقل من 60,000 كيلو على الأكثر المفروض كبس الموتور يطلع كام علشان أعرف إن العداد تقريباً مظبوط

أرجو الإقاده

[dr-mohamed]

باختصار الكلام علشان متتعبش نفسك انسي

[A7MED_PHARMA]

الشباب كانوا إتكلموا مرة عن موضوع كبس الموتور ..وإن فيه معادلة بتحسب بيها عدد الكيلوات التقريبي للعربية

بس..موضوع الكشف ده صعب شوية
وحتى لو سألت في التوكيل ..
إلي بيكون لاعب في العداد ...غالبا مش هيروح يعمل صيانة في التوكيل

والأفضل
تستنى عربية من حد موثوق تكون عارفة كويس

[A.Saad]

صعب يتعرف الا لو كان فكه باين وبتاع عدادات شافه
ممكن بس اللى تعمله انك تسال فى التوكيل على الصاينة اللى اتعملت وميكونش العداد اقل منها
بس ممكن لو الراجل ما بيعملش الصيانة فى التوكيل او قلل العداد وراح عمل الصاينة ما تتعرفش

[hesham22822]

حالة العربية بتبان من كيلومترات و لا كبس و لا غيرة ممكن تكون عاملة 5000 وصاحبها مبهدلها و خابطها وممكن تكون عاملة 50000 وتكزن حالتها زى الفل و محافظ عليها

[د.محمود صلاح]

باختصار الكلام علشان متتعبش نفسك انسي

تقصد ان كلهم ملعوب فيهم ؟؟

[sam_zen_elden]

يمكنك ملاحظة شواهد فى مكان القيادة تدل على الكيلومتر تقريبا مثل انتظام ملمس ومظهر عجلة القيادة ويد عصى الفتيس وكذلك كاوتش دواسات البنزين والفرامل وربنا يسترها معاك ( من واقع الخبرة يختلف ملمس الطارة فى اليابانى بعد حوالى 70-80 الف كيلو )

[HeMa_LanCeR]

تقصد ان كلهم ملعوب فيهم ؟؟

أصل الدكتور كان معايا وغيرتله عداد
ولما شاف اللي ممكن يحصل فا مبقاش عنده ثقه في العداد

[banboty]

يمكنك ملاحظة شواهد فى مكان القيادة تدل على الكيلومتر تقريبا مثل انتظام ملمس ومظهر عجلة القيادة ويد عصى الفتيس وكذلك كاوتش دواسات البنزين والفرامل وربنا يسترها معاك ( من واقع الخبرة يختلف ملمس الطارة فى اليابانى بعد حوالى 70-80 الف كيلو )

الله ينور :b4_388:

و ممكن كمان من ملمس مفتاح الكونتاكت
الفرش الداخلى الاصلي طبعا ( الكراسي+فرش الباب + السقف)

----

[أبو إياد]

الموضوع ده كان اتعمل من شهرين وده اللينك بتاعه

http://www.nilemotors.net/Nile/127444-a.html

وده كان رائيى

ولا التوكيل ولا اى حد فى الدنيا للاسف يقدر يكتشف التلاعب ده مافيش غير حاله العربيه فقط هى اللى بتكون مقياس لعدد الكيلوات
وفى حاجات صغيره اوى ممكن منها تعرف زى مقبض الفتيس والطاره ومقعد السائق حاله الصالون عموما هى اكتر حاجه تكشف حاله العربيه

[A7MED_PHARMA]

حمد الله على السلامة يا أبو إياااد

[dr-mohamed]

باختصار الكلام علشان متتعبش نفسك انسي

تقصد ان كلهم ملعوب فيهم ؟؟

ايوة
مش لازم كلهم
بس على الاقل اي حد عايز يلعب في العربية يقدر ومحدش يقدر يكشفها ليه
السبب في المشاركة بتاعة هيما دي

أصل الدكتور كان معايا وغيرتله عداد
ولما شاف اللي ممكن يحصل فا مبقاش عنده ثقه في العداد

الله ينور عليك
هيما خلاني اكتشف ان اي عداد في الدنيا ممكن يتغير
اسهل حاجة بيجي عداد جديد ويركب مكان العداد القديم وتبقي القراءة بتاعة العداد الجديد اقل بكتير من القديم
تانى حاجة هتقولي اساسيات العربية
دي بقة الكولونيل خالد باشا خلانى فقدت الثقة فيها هي كمان
كانت عنده عربية رينو مش فاكر النوع موديل السنة اللى فاتت او السنة دي عاملة حادثة ووشها متبهدل والتوكيل كان عايز 30 الف علشان يصلحها
اظن المبلغ يديك فكرة عن كم التلفيات
راحت العريبة ورشة الكولونيل خالد وشفتها قبل ما تتقفل التقفيل النهائي وفرجني على الاساسيات استحالة تعرف ان العربية كانت عاملة حادثة ومتهيالي ولا التوكيل نفسه يقدر يعرف لان مستخديمن حتي الشحم بتاع التوكيل والعربية شكلها بقة كانها زيرو

كدة العدادات بوظها هيما وحالة العربية بوظها العقيد خالد

[Haitham10]

ايوة
مش لازم كلهم
بس على الاقل اي حد عايز يلعب في العربية يقدر ومحدش يقدر يكشفها ليه
السبب في المشاركة بتاعة هيما دي


الله ينور عليك
هيما خلاني اكتشف ان اي عداد في الدنيا ممكن يتغير
اسهل حاجة بيجي عداد جديد ويركب مكان العداد القديم وتبقي القراءة بتاعة العداد الجديد اقل بكتير من القديم
تانى حاجة هتقولي اساسيات العربية
دي بقة الكولونيل خالد باشا خلانى فقدت الثقة فيها هي كمان
كانت عنده عربية رينو مش فاكر النوع موديل السنة اللى فاتت او السنة دي عاملة حادثة ووشها متبهدل والتوكيل كان عايز 30 الف علشان يصلحها
اظن المبلغ يديك فكرة عن كم التلفيات
راحت العريبة ورشة الكولونيل خالد وشفتها قبل ما تتقفل التقفيل النهائي وفرجني على الاساسيات استحالة تعرف ان العربية كانت عاملة حادثة ومتهيالي ولا التوكيل نفسه يقدر يعرف لان مستخديمن حتي الشحم بتاع التوكيل والعربية شكلها بقة كانها زيرو

كدة العدادات بوظها هيما وحالة العربية بوظها العقيد خالد

انا بقول يادكتور يادوب نطلع عليهم نخلص مصلحة وبعدها ندخل التوكيل نعمل صيانة ال5 الالاف دي كانت مرفوعة واستعمال شهرين

[M.Nasr]

بس بردو حالة العربية ليها عامل كبير فى تقييمها غير عداد الكيلومترات