ضغط الكاوتش للبوما

[dr.amr]

لو سمحتوا يا جماعه هو ضغط الكاوتش المفروض بيبقي كام

في الصيف والشتاء

هل في شيء مكتوب موصي به للعربيه

وهل بيكون ثابت صيف وشتاء ولا بيتغير

انا عامله علي 28 بما اننا في الصيف

ايه رأيكم؟؟

[m_waheed]

اللي اعرفه ان مقاس الهواء 30 وممكن في عز الصيف يكون 28

[Ahmed Galal]

فى العربيات اليابانى الضغط بتاع الكوتش يا اما مكتوب فى باب التنك او القايم بتاع باب السواق و الناس معظمها بيقول 28 صيفا و 30 شتاء و الله اعلم

[SkyBird]

هتلاقيه مكتوب على قايم باب السائق
عندي في الكريستاله
الضغط على البارد للامام والخلفي
cold tire inflation pressure kgf/cm2
2.1

والرقم ده بيتحول للضغط العادي يطلع =29.99 يعني 30
في موقع بيحول ارقام ضغط الكاوتش بس مش فاكره

[A7MED_PHARMA]

من واقع نصيحة الأعضاء ليا
28 أفضل ضغط للحفاظ على الكاوتش ..والعفشة


..والله أعلم..

[hesham22822]

افضل ضغط للكاوتش هو فعلا 28 صيفا و 30 شتاءا

[dr.amr]

شكرا ليكوا يا جماعه
فعلا انا جربتها علي 32 كانت ناشفه جداجدا بس كانت بصراحه بحس ان التجميع بتاعها اسرع
وجربتها علي 30 كانت ناشفه برضو بس في الشتاء بتكون كويسه
اما 28 فأعتقد انها مناسبه في الصيف جدا وطريه
بس هل هيكون ليها تأثير علي الكاوتش؟؟؟؟؟

وبعدين في سؤال تاني
هل الاستبترونك لما اجي احوله من اوتوماتيك الي مانيوال لازم اوقف العربيه ولا عادي وهي ماشيه
لأني لما اشتريت السيراتو الراجل بتاع المعرض قاللي لازم العربيه تقف ؟؟؟

[أبو إياد]

فعلا انسب حاجه هو 28 بس السحب بيكون اتقل
اما وضوع الفتيس ده انا اعرف انه طبيعى يتغير وهى ماشيه وجربتها فى البى ام وعمرى ماسمعت انك لازم تحوله والعربيه واقفه
لانه كده كده بيكون حاسس بسرعه العربيه

[dr.amr]

فعلا انسب حاجه هو 28 بس السحب بيكون اتقل
اما وضوع الفتيس ده انا اعرف انه طبيعى يتغير وهى ماشيه وجربتها فى البى ام وعمرى ماسمعت انك لازم تحوله والعربيه واقفه
لانه كده كده بيكون حاسس بسرعه العربيه

الراجل شغال في سمير ريان
سألته عن الموضوع ده
قاللي لأ طبعا لازم تقف
ده ممكن يبوظلك الفتيس
مع اني جربتها كذا مره ومافيش حاجج
قلت اسأل يمكن يكون انا غلطان

[أبو إياد]

خلاص نشوف راى الاستاذ طارق ولو طلع الكلام مظبوط تبقا معلومه جديده
بس اكيد المعلومه دى موجوده فى الكتيب

[M!SHO]

كان فيه حد سأل على موضوع الفتيس دا وتقريبا" البشمهندس طارق قال وانت ماشى عادى ....
وبالنسبه للكاوتش انا بعمل على 28 صيف وشتاء

[devilishtigers]

طيب بعد اذنكوا انا لو عايز انفخ الكاوتش نيتروجين بيبقى نفس مقاس العادي ؟؟؟؟ وهل بزوده كل شوية ولا بعد فترة؟؟؟؟

[dr.amr]

طيب بعد اذنكوا انا لو عايز انفخ الكاوتش نيتروجين بيبقى نفس مقاس العادي ؟؟؟؟ وهل بزوده كل شوية ولا بعد فترة؟؟؟؟

اه عادي زي الهواء بالظبط
هو الراجل هيقولك عدي عليا كل 3 شهور لو محتاج تظبيط هيظبطه
انا قعدت بيه 5 شهور ماحتاجش حاجه خالص

[devilishtigers]

متشكر ليك جدا dr.amr على سرعة ردك وياترى فيه فرق بينه وبين الهوا وايه مميزاته؟؟؟؟ معلش بتقل عليك

[dr.amr]

متشكر ليك جدا dr.amr على سرعة ردك وياترى فيه فرق بينه وبين الهوا وايه مميزاته؟؟؟؟ معلش بتقل عليك

العفو ياباشا
علي ايه بس
هو بصراحه مافيش فرق قوي يعني تحس تحسن بنسبة مثلا 30 %
حاجه مش جامده انا جربته في النيو سيراتو بس ماحطيتوش في اللانسر
مشكلته بس انك هتحتاج تروح مشوار علشان تلاقي واحد محترم يعملهولك
رأيي كبر دماغك