مشكله فى كريستالتى حبيبتى فى الفتيس الاوتو ؟

[maro2007]

السلام عليكم..
اولا باركولى انا حولت عربيتى لاوتوماتيك وخليت موتورى ال 1300 زى ماهوه..

بس فيه مشكله عندى وهيه اما اجى ادى ال d او R
(الار بى ام) عندى بيقل من 900 لفه الى 800 لفه وطبعا كده العربيه هتبقى تقيله فى الطلعه ياريت لو حد عنده حل للمشكله دى يقولى ؟؟

[HeMa_LanCeR]

المفروض ان ده شيء طبيعي علشان حمل الموتور زاد
عموما ممكن تزود السلانسيه وتخليه 1 ولما تجيب الغيار يبقي 900
ممكن اعرف التكلفه كام؟
والناس كلها بتعمل العكس فا انت ايه رأيك في الفرق

[bmya]

ياباشا ده الطبيعي اصلا !!!
العربيه بتقل شويه لما تنقل من الn ل d R
اهم حاجه مفيش رعشه ولا حاسس ان العربيه هتبطل؟

[SkyBird]

ده الطبيعي
ومبروك الاوتو

اهم حاجه مفيش رعشه ولا حاسس ان العربيه هتبطل؟

[maro2007]

مشكورين ياجماعه على الردود...
بالنسبه لسؤال الاستاذ/HeMa_LanCeR بتاع التكلفه كام بصراحه مش هعرف اقلهالك بالظبط لان انا جبت مكن كهربا وفرش داخلى جديد وسماعات اصليه بتاعت العربيه الى قدام والتويترات بتاعه الفرش الاصليه الى قدام وكان عندى فى المكنه شنبر وصباب وجلد صباب وطبعا جبت الفتيس بقى بكل لوازمه
بس عمتا ده كله دخلتلى تقريبا كده من 4000 الى 5000


وبالنسبه للرعشه او تبطيل العربيه لأ الموتور تمام معايا الحمد لله

وبالنسبه للفرق الاوتو بصراحه راحه جدا ومش عنت باكل مطبات زى الاول وطبعا انا كربيراتير وحتى لو حاطط بنزين 80 مفيش كركره علشان العربيه بتاخد غياراتها صح بس انا بحط 90 او 92 علشان الاداء يبقى معايا تمام

[Haitham10]

السماعات الاصلية الامامية جبتها منين وبكام لاني محتاج واحدة برضه

والموتور كدة كدة الطبيعي بينزل وصوته بيختفي مع الغيارات وبيظهر مع الn بس ودى اعلي صوت

[romioz56]

اخى الكريم انا كنت عاوز اعرف ايه اخبارها مع التكييف السحب بيبقى عامل ايه معاك

[maro2007]

عادى زى المانيوال
والله الاوتو اريح كمان وانا مشغل التكييف
وكان الار بى ام عندى ايام المانيوال على سرعه 105 يكون 3000 لفه بالظبط
دلوقتى على سرعه 105 بالاوتو الار بى ام بيكون 2400 لفه بالضبط
ولو عايز تجميع اقوى دوس على غيارات العربيه


ولو عايز تعرف اى حاجه تانى انا معاك ...