تركيب فلتر الهواء بالصور

[أبو إياد]

بعد ما غسلت العربية و غسلت الموتور هوا بس و الفلتر و طلع تراب مش كتير. جربت اشد على اكتوبر الساعة 1 فى الروقان يعنى.لقيت العربية تمام و السحب كويس لحد 140 و rpm 4 بس بعد كدة صوت الموتور على اوى.

انا كنت بشد قبل كدة و اوصل 140 و الموتور صوته مش عالى اوى كدة!!!

فهل ممكن يكون ده عيب فلتر و لا موتور ولا الحرق و لا ايه بالظبط.

مع العلم ان العربية اوتوماتيك

ده اقتباس لمشكله فى تقفيل فلتر الهوا
وده الشرح لتركيبها بطريقه سليمه

الخطوه الاولى تفك الكليبسات وترفع الفلتر

..
الصوره دى هتلاقى الوضع تحت مش مظبوط وده طبعا بيسمح بمرور الهواء مش من خلال الفلتر وده بيخلى صوت الموتور عالى
..
ده الوضع السليم للعلبه
..

وده الوضع السليم للفلتر
..
..
..

[M!SHO]

تمام كدا,,,أنا لسه منضف الفلتر وحاسس ان الصوت بقا عالى شويه ,,,
هنزل اشوفه كدا يمكن يكون منه وشكرا يا استاذ محمد على المعلومه

[ابوهاشم]

الف شكر يامحمد باشا
جزاك الله كل خير

[أبو إياد]

تمام كدا,,,أنا لسه منضف الفلتر وحاسس ان الصوت بقا عالى شويه ,,,
هنزل اشوفه كدا يمكن يكون منه وشكرا يا استاذ محمد على المعلومه

فى انتظار النتيجه

[أبو إياد]

الف شكر يامحمد باشا
جزاك الله كل خير

يادى يادى النور
منور يا ابو هاشم باشا اليابانى كله

[M!SHO]

فى انتظار النتيجه

فعلا" مكنش متركب كويس ولما ظبطه حسيت بفرق والصوت رجع هادى زى الاول
الف شكريا استاذ محمد وربنا يخليك لينا يا رب

[NFS]

الف شكر, يا ابو اياد.
فعلاً مكانش راكب من تحت, و انا كنت حاسس ان فى حاجه غلط فى البوكس بس قولت يمكن علشان فلتر replacement,
موضوع جامد,
تاعب نفسك و مصوره كمان والله انت مدلعنا.

[eng.octooo]

يا ابو اياد يا مروقنا .... وكمان ب الادلة والبراهين ههههههه

[A7MED_PHARMA]

أبو إياد دايما مُدعم بالصور

ناس كتير قالولي إن الكاربيراتير يركب لها فيلتر هوا سبور ...صح الكلام ده يا أبو إياد؟؟

[أبو إياد]

الحمد لله وفعلا الواحد بيكون سعيد لما يكون فى مشكله وربنا جعله احد الاسباب فى حلها
اما موضوع الكربراتير ده يا دكتور انا سالت عليه قبل كده علشان كنت عاوز اركبه للفيات 128 عرفت انه هايتعمل تعديل بسيط ويركب بس للاسف انا ماهتمتش اوى بالموضوع ده فى وقتها
لكن وعد انى اعرف الطريقه وابلغك

[M.Akef]

ايه يا جماعه الفلتر ده هو انتو سيبينه في العربيه كدا ليه انا عندي لونه ابيض مش اسود دا الفلتر ده بيدخل تراب للمكنه بدل الهواء النقي!!!!!!!!!
الف شكر علي الصور يا مان

[M!SHO]

ايه يا جماعه الفلتر ده هو انتو سيبينه في العربيه كدا ليه انا عندي لونه ابيض مش اسود دا الفلتر ده بيدخل تراب للمكنه بدل الهواء النقي!!!!!!!!!
الف شكر علي الصور يا مان

عشان العربيه لسه جديده بس (2009)ومتقلقش شويه وهيبقى شبه ده بالظبط

[أبو إياد]

على فكره الفلتر اللى فى الصوره ده بعد 25000كم
مش 200000كم ولا حاجه
اشتريه ابيض وبعدها بشهر راجع عليه وشوفه
هتلاقيه فحمه
وعلى فكره القطعه الزياده دى لونها مش بيكون ابيض بيكون رمادى

[SkyBird]

شكرا يا باشا
ويا ريت تعمل موضوع لتغيير فلتر الهوا في العربيات الكربارتير
(نظام العمه)

[أبو إياد]

skybird عندى عربيه 128 وماشى بيها من غير الفلتر اساسا بس هو عموما سهل جدا
انت بمجرد ماتفك غطاء العمه هتلاقى الفلتر تشيله وتنظفه وتركبه تانى