هل سعر الانسر2008 الشكل القديم مبالغ فيه

[limo]

انا اخر مره سألت عن الانسر 1600 عاده كان سعرها 105 مواصفات مصر
و101 مواصفات خليجى
الاسعار ده من عند الرواس
يعنى العربيه زادت عن 2007 حوالى 7 الف جنيه
ايه رأيكم فى السعر هل مبالغ فيه وبالمبلغ ده ممكن ازود عليه واجيب حاجه انظف
ولا برضو العربيه حتى بالسعر ده احسن اختيار فى الفئه بتاعتها
مع العلم ان سعر 1600 عاده المسعمل مو2006 يعمل من 85 الى 90 الف جنيه

[nobody]

و الله انا سألت مرة في شهر سبعة اللي فات كان 1600 اتوماتيك خليجي ب 94
عند ناشيونال موتروز و اظن سعرها دلوقتي ب 105 يعني زادت 11 الف
اكيد طبعا ده اسمه استغلال العربية ما تستهالش ان سعرها يزيد 11 الف مع ان الكرولا سعرها نزل حوالي 8 آلاف
طبعا ده جشع من التجار لا اكثر وانا لاانصح بشراء السيارة لأن موديلها أصبح قديما و هناك خيارات أفضل

[Abonora]

فعلا سعرها مبالغ فيه جدا
انا كنت سألت عنها من شهر و نص تقريبا بس 1300 مانيوال كانت ب 92 ألف فى توكيل اسكندريه
و كانت 93 ألف فى القاهره لانى كنت عايزه لون معين


بعت عربيتى و رايحه اشترى الاقيها ب 96 الف
و لسه محتاجه كاست او سى دى بلاير
و رخصه و فرش و دواسات و وووو
100 ألف مستريح
علاوه على انى كنت حجيبها لان الكل بيقول ان عند بيعها مره اخرى بتحتفظ بسعرها

لكن شايفه ان بعد كده محدش حيشتريها لان الشكل الجديد حيغطى عالقديم

[limo]

و الله انا سألت مرة في شهر سبعة اللي فات كان 1600 اتوماتيك خليجي ب 94
عند ناشيونال موتروز و اظن سعرها دلوقتي ب 105 يعني زادت 11 الف
اكيد طبعا ده اسمه استغلال العربية ما تستهالش ان سعرها يزيد 11 الف مع ان الكرولا سعرها نزل حوالي 8 آلاف
طبعا ده جشع من التجار لا اكثر وانا لاانصح بشراء السيارة لأن موديلها أصبح قديما و هناك خيارات أفضل

لانسر موديل 2007 كان ب98 المانوال ضمان المصريه
الاتوماتيك كان 102

انت تقصد ان الكورولا مو2008 هوه الى نزل 8 الاف جنيه ولا الكورولا 2007 ؟

[hitsh88]

الصراحة أنا شايف أن سعرها مناسب أوي في الفترة دى عربية وإمكنيات خصوصا أن في بأي العربيات الجدد بدأت خلاص توصل ل ١٥٠ ألي أنا شايفو اه هو التوكيل بيستهبل بس لو جيت بصيت في السؤ هتلئي أنها أنسب وأحسن عربية ممكن تجبها في الفترة دي
عربية ممتازة الصراحة على سعرها برد لحد ألان وهيا ب-١٠٨
بس سؤل يا ريت حد يجوبن عليه يا ترى سعر أعد بيع العربية دي بعد ٢٠٠٩ هيبئة عمل ازاي خصوصا أن حاسس أن أصلا سعرها هينزل كتير على شهر ٦ الجاي ... يا ريت حد يجوبنى على السؤال دة

[Hassan Khalil]

العربية سعرها مغالي فيه للصبح ..
و ده مزعلني شخصيا لاني من محبي اللانسر علي مدي 10 سنوان تقريبا ( 96 الي اخر 2005 ) ..
اللي بقوله ان العربية دي في منتصف 2007 كانت 1600 الخليجي بتعمل 100 و بالكتير 101 الف ..النهارده بسال علي الخليجي 1600 اوتوماتيك اللي بيقوللي 106 و 107 و بتاعة التوكيل 109 و 110 ..و 1300 الرواس بيقولي 96 اوتوماتيك من غير كاسيت و لا ريموت ؟؟؟!!!!
يبقي مغالي فيها و اللا لأ؟؟
لو بصيت للعربية السيتي 1300 ..جميع الكماليات ..تايلندي اه بس تقفيل فوق الممتاز .. موتور و فتيس تحفة .. و اسمها هوندا .. و توكيل فوق المحترم ..كل ده اعتقد ب91000 ... يبقي اللانسر مغالي فيها و اللا لأ؟؟
و لما نشوف النيسان ال Ex اوتوماتيك جميع الكماليات ..بكام ؟؟ 92 او 91000 ...و 1600سي سي ..هي مصري اينعم ..بس تقفيلها جيد جدا..و المقبل ليها في اللانسر ب106 خليجي و 110 مصري( يعني فرق علي الاقل 14000) !!!!!!!!!!!!!!
و النسان السوبر صالون .. اللي فيها كل حاجة مقابلة للانسر سبورت ما عدا ال Abs بكام ؟؟ 101000 بينما اللانسر المقابلة دلوقتي ب 117 و 118000...( يعني الفرق ......)
يبقي اللانسر مبالغ فيها و اللا لأ؟؟؟؟؟

شوف ..و بعد كل ده ..اذا وجدت امامي المقدرة المالية للانسر ... حاجيبها . :) لانها في الاخر ... اذواق

[Ahmed Assem]

انا في رايي ان المصريين عموما بيحبوا اللانسر حتي لو سعرها اغلي شوية بالمقارنة بالباقي
و ده السر انه اعلي سعر اعادة بيع للانسر
ده غير انها فعلا عربية محترمة جدا

انا شخصيا بافضلها

[shady_elkady]

التجار حرامية العربيات هيا نفسها بتاعت 2007 و بيجبوها من الخليج بواقى 2007 و يقلك 2008

[hitsh88]

التجار حرامية العربيات هيا نفسها بتاعت 2007 و بيجبوها من الخليج بواقى 2007 و يقلك 2008

احنا أكتر سؤق بايظ في العالم برا سعر العربية على طول ثابت انما عندنا يشوفو اىل عربية علها ضغط يغلو السعر !! بجد حرام ألي البلد فيه دة
إن شاء الله كمان كام سنة الجمرك هيتشال من على العربيات حسب الأتفاقية الدولية و محدش يتحكم فن تاني كدة !!!

[limo]

طب ايه رايكم اجيب ايه افضل من الانسر ؟

[ابوشريف]

طب ايه رايكم اجيب ايه افضل من الانسر ؟

نيسان سوبر صالون

[أبو عبدالله]

فرق السعر كام
او بمعنى اصح ايه السعر اللي مطلوب للشراء وساعتها نحدد ايه اللي احسن

[Karim_Monir]

لانسر مانيوال وصلت 96 الف جنية
حرام طبعا
افتكر من 6 شهور وقت ما كنت بجيب الكرولا اتعرضت عليا السوبر اكشن تحفة
فتحة سقف وجلد طبيعي ب 101 الف ومارضيتش
وجبت الكرولا
تمن مبالغ فيه جدا

[limo]

[quote=أبو عبدالله;150488]فرق السعر كام
او بمعنى اصح ايه السعر اللي مطلوب للشراء وساعتها نحدد ايه اللي احسن[/quote
ممكن اوصل الى 130 الف

[ابوشريف]

ممكن اوصل الى 130 الف

طالما وصلت للسعر ده

انا لو مكانك هختار من دول بدون تردد