مشكلة فى اضاءة التابلوه

[ahmed_ragheb76]

اللمبة اللى بتنور عداد الحرارة والبنزين مش شغالة وكنت عايز اغيرها فى التوكيل لكن للاسف مش موجودة. هل ممكن الاقيها عند اى حد تانى بس تكون اصلية. وممكن حد يركبها ولا ده ممكن يعمل مشكلة لو فك التابلوة.

[أبو إياد]

للاسف مش هتلاقى ولا اصليه ولا تقليد
انما فى بعض الكهربائيه الفنيين بتقدر توفق لمبات من نوع معين وبتشغلها وبتكون كويسه

[mohamedway]

اللمبة اللى بتنور عداد الحرارة والبنزين مش شغالة وكنت عايز اغيرها فى التوكيل لكن للاسف مش موجودة. هل ممكن الاقيها عند اى حد تانى بس تكون اصلية. وممكن حد يركبها ولا ده ممكن يعمل مشكلة لو فك التابلوة.

مش لازم أصلى و هتلاقيها بكل سهولة عند محلات قطع الغيار بس روح محل كويس و أطلب الألمانى مش الصينى و هتلاقيها ب 2جنيه أو ما شابه..(اللمض ده فى منها كذا شكل و نوع معروفين و مش مخصوصه للمتسوبيشى و بتركب فى كل العربيات بس لازم تفكها الأول عشان تجيب زيها لأن صاحب المحل مش هيبقه عرفها شفوى كده)............ المهم فى الموضوع هو فك مجموعة العدادات و تغيير اللمبه و إعادتها مكانها بدون خسائر (يعنى حد حريص و شغله نضيف هو اللى يغيرهالك) و علفكره هى مش قصه كبيرة و أنا لو حصلت فى عربيتى هغيرها بنفسى بس انت لو معندكش المهارة ده بلاش تعملها بنفسك.

[ahmed_ragheb76]

اشكركم على الاهتمام.
فى التوكيل قالولى ان فك التابلوة ٤٠ جنيه و اللمبة حوالى ٨ جنيه قلت موافق بس بعد كده قالوا انها مش موجودة.
فكنت عايز اعرف هل فى حد جرب يغيرها برة التوكيل قبل كده.

[el931]

المبات دى هتلاقيها عند الفنيين الموجودين بالتوكيل لو تعرف حد شغال برة او حد هنا يقولك مكان حد شغال برة هيكون افضل كتير لانهم بيعرفوا ازاى يجيبوها

[dr-mohamed]

اشكركم على الاهتمام.
فى التوكيل قالولى ان فك التابلوة ٤٠ جنيه و اللمبة حوالى ٨ جنيه قلت موافق بس بعد كده قالوا انها مش موجودة.
فكنت عايز اعرف هل فى حد جرب يغيرها برة التوكيل قبل كده.

يا باشا فيه الكارت كله ب10 جنيه وفك وتركيب 20 كمان وتبقي زي الفل كمان

[Ramy.Gamal]

اهم حاجه انك تبعد عن اللمبات الصينى علشان شهرين او اقل و هتودع و ترجع تانى تشيل هم فك التابلوه واعادته بدون خسائر وبالنسبه لللمبات لو هما زى بتوع الفانوس الخلفى اللى ورا العاكس و زى بتوع الفانوس الامامى واللى هما 5 وات بدون كعب يبقى الالمانى او المجرى ممتازين واهم حاجه انك تتأكد ان الموضوع مش من فيوز اكد على الفيوزات الاول

[m_totti]

العملية سهلة جدا جدا

مش هيلاقي اصلي ولا تقليد ايه ، ايه الكلام الغريب ده ، اللمبة ده موجودة في كل حته وفيه واحد في باب اللوق بيبيع كل اللمب ده وفيه واحد كمان في التوفيقية وده لمبه رفيعة شويه وفيه منها لونه ازرق وانا لسه شاري عشره لمب لتابلوه الكريستالة بتاعتي اللمبة باين بجنيه ولا 75 قرش وفكيت التابلوه بنفسي وركبتهم وزي الفل لا توكيل ولا يحزنون

[أبو إياد]

على فكره انا قلبت عليهم الدنيا ومش لقيهم (لانسر بومه) بالرغم انهم عندى اللمبات كلها سليمه
بس لما باظت فى عربيه واحد صاحبى بداءت اخد احتيطاتى وادور علهم وللاسف مش لقيهم

وياريت وصف سهل للراجل اللى فى باب اللوق

[M.Nasr]

على فكرة الموضوع ابسط من كده بكتير حصل معايا قبل كده وفكتها وخدت اللمبة المحروقة معايا سألت علي اللى زيها فى الحى السابع ولاقيتها على طول من غير تعب وركبتها وعادى من غير اى مشاكل

[FunnyMickey]

هيا ماركه عربيتك ايه ياباشا

[m_totti]

عنوان باب اللوق

الراجل اللي في باب اللوق اللي بيبيع اللمب الصغيرة ده وكل الانواع التانية موجود ما بين سنترال باب اللوق و مول كمبيوتر باب اللوق ( هو ما بينهم بالظبط )

[momo44]

مش هيلاقي اصلي ولا تقليد ايه ، ايه الكلام الغريب ده ، اللمبة ده موجودة في كل حته وفيه واحد في باب اللوق بيبيع كل اللمب ده وفيه واحد كمان في التوفيقية وده لمبه رفيعة شويه وفيه منها لونه ازرق وانا لسه شاري عشره لمب لتابلوه الكريستالة بتاعتي اللمبة باين بجنيه ولا 75 قرش وفكيت التابلوه بنفسي وركبتهم وزي الفل لا توكيل ولا يحزنون

+1000000000000
اللمض اللى فى التابلوه مقاسين بس
مقاس كبير
وده هتلاقى منه ليدات ولمض عادية
الليدات الكارت ي 5 جنيه فيه لمبتين
واللمض العادية الواحدة بجنيه
والمقاس الصغير
وده هتلاقى منه العادى اللمبة ب 50 قرش او جنيه
والليدات ملقبتهاش غير عند واحد فى شارع دمشق

وبالنسبة للتركيب
ركبه بنفسك مفيهاش اى حاجة خالص
مسماريين من فوق وتفك الفبر الاسود
وبعدين 4 مسامير وتفك العداد كله
وتشده لبرة هيطلع معاك بسهولة