للخبراء عامة ..وأبو إياد خاصة

[A7MED_PHARMA]

أنا عربيتي لانسر 2001
1300 سي سي

سحبها مش مريحني..وخصوصا إنر ركبت مرة عربية واحد صاحبي 1300 سي سي
بس كانت 2006

سحبها كان خيالي-بالنسبة لعربيتي-
أعمل إيه علشان العربية تسحب زي الناس
معلومة:
أنا بخلط بنزين 90 على 80 ...علشان انا بلف بيها على مخازن الادوية طول النهار
ومغير وش السلندر كامل ..أول لما إشتريتها ..علشان سير الكاتينة إتقطع وبهدل الدنيا



ياريت ياشباب إفادة



ولكم تحياتي وجزيل الشكر

[mrsailor]

هو بيحط بنزين ايه .. و هل بيحط اى اضافات معاه ..؟

[A7MED_PHARMA]

هو بيحط بنزين ايه .. و هل بيحط اى اضافات معاه ..؟

انا بخلط 80 على 90

[yahiahelaly]

مفكرتش تسقط موتور 1600 انا لو مكانك والعربيه مريحاني ومش هفكر ابيع قريب هاسقط موتور البوما 1600 وياريت لو اوتو

[eng.octooo]

بص يا خالووووووووو

اول حاجة : نظف دورة البنزين

وياسلام لو تجيب فلتر k&n

وتغير فلتر البنزين

وخلى ميكانيكى يبصلك على البوجيهات وسلوك البوجيهات

وشوف طرمبة البنزين

وبعد ما تنظف دورة البنزين مونها 92 مثلا ( تفويلة واحدة بس علشان تشيل لو فية بواقى رواسب)


وان شاء الله تلاقيها قلبت على فورد ماستينج هههههه

[mrsailor]

انا بخلط 80 على 90

انا قصدى صاحبك

[yahiahelaly]

وفي حاجه كمان يا احمد موتور البوما ال2006 توكونلجيا اعلى انجيكشين يعني تجميع اسرع وباور هورس اعلى

[A7MED_PHARMA]

ماهي الفكرة ..أنا كان معايا لانوس 1500 سي سي
وطلبت معايا تغيير
جبت الانسر 1300 سي سي ..وأنا كنت جربت الـ1300 قبل كده على بومة
وكان سحبها حلو
لكن أنا مش عارف عربيتي مش بتسحب ليه ..يمكن علشان تخليط الـ80 على 90

وأنا أساسا
سنة أو إتنين أو تلاتة
إن شاء الله ..هغير للألماني-ده لو ماحصلش مشروع جواز يوقف الموضوع-
فموضوع تسقيط الموتور بالفتيس بتاعه بالضفيرة بتاعته بالكمبيوتر بتاعه بكل حاجته
هيكلف ..وأنا أساسا ممكن أغير بعد فترة

[M_Abdallah]

شوف يا سيدي لو رحت لشيخ الميكانيكيه مش هيفيدك
لأنه هيفتي وهيغرمك علي الفاضي وانت ادري فانا رأيي
تروح تكشف عليها في التوكيل كشف( ميكانيكا وكهربه )هيبين
بالظبط ايه اللي في الماتور وبعد كده مش مهم تصلح العربية عندهم
او انت هتقررالمهم انك بعد الكشف هتبأ عارف ايه اللي فيها بالظبط..

[mohamedway]

عمر سحبها ما هيبقه زى البومه ال1300 لأن البومه 16 صباب و انت عندك 12 صباب فقط ده غير ان موتور البومه مضبوط أحسن من عندك و حرقه أحسن عشان انجكشن و انت كربراتير ده بالإضافه ان موتورك مش فابريقه و اتعمل فيه شغل قبل كده و إحتمال شبه أكيد ان الميكانيكى حاطتلك عدد 2 جوان وش سلندر مش واحد فقط و ده بيلجأ ليه الميكانيكى لما بيكون فيه قشط حصل للوش بس من أثاره الجانبيه تقليل نسبة إنضغاط الموتور و بالتالى يقل عزمه و قدرته.

لو عاوز سحب كويس شيل الموتور ده من دماغك و ما تتعبش نفسك على الفاضى و سقط موتور تانى 1600 و لو شايف ان العمليه مش مستاهله و هتبيع العربيه قريب يبقه تعايش معاها على هذا الوضع لغاية ما تغيرها ان شاء الله و ما تضيعش وقتك و فلوسك على الفاضى.

[أبو إياد]

السلام عليكم دكتور احمد وكل الاعضاء المنوره
مبدئيا ماينفعش نقارن السحب بين عربيه انجكشن وعربيه كاربراتير
لان تجميع السرعات مختلف تماما
ياعنى التجميع فى الانجكشن اسرع من الكربراتير بالرغم من انك لو حرقت على الغيار الكاربراتير بيجيب سرعه اعلى لكن ابطء من الانجكشن فى التجميع

عموما الحاجات المسئوله عن سرعه السياره بالنسبه لعربيتك يا فارما
1-الكاربراتير لازم فنى مختص يراجع على بيكات السرعه فى الكاربراتير ولو استهلاك البزنين عالى يراجع على بك السلانسيه وعمل صيانه شامله
2-البوجيهات افضل نوع بوجيهات يركب فى عربيتك هو ngk بس لازم تتاكد من سلامة تخزينها
وطبعا الاسلاك تكون جيده
3-حاله فلتر البنزين
4-بس دى حاله فرديه بالنسبه لعربيتك لان اتعمل فيه شغل (المراجعه على تقسيم سير الكاتينه) لانه لو مش مظبوط درجه او سنه واحده السرعه بتختلف تماما
5-بالنسبه للبنزين انسب حاجه لعربيتك هو 90

[A7MED_PHARMA]

شكرا ياشباب ..على الاهتمام والردود
وربنا يخليك لينا ياأبو إياد


...لما أفضى أبقى أنزل أراجع عليها عند الميكانيكي