مساعدة فى الجنط

[FunnyMickey]

انا باسأل على المقاس اللى كان راكب

عشان اديك مقاس جديد يناسب العربيه

ويديك نفس الارتفاع وقراية العداد الصح

بردو مش فاهم ياباشا

يعني انا وهوا معانا كريستاله
هوا كان مركب 14
وانا راكب عندي 13
اما تيجي تحدد مقاس الكاوتش والجنوط
حتفرق ايه من عندي لعنده
ولا حاجه
الكلام ده ممكن يتقال لو هوا حيخلي الجنط وعاوز يعرض الكاوتش
صح كده ولا انا مش فاهم ؟؟؟

يعني محمد عزت اما قال المقاس قال 15 /195/50

لان ده انسب مقاس للكريستاله في ال15

وشكرا لسعه صدرك

[sonyericsson]

انا بشكر الاخوة للمساعدة
يا جماعة هو ركب
جنط15
205/50 بجد حكاية العربية عليت معاة ولا بيحك ولا غيرة ونفس العفشة محصلش فيها تغير يعنى صوت العفشة هوا هوا الله اعلم فى المسقبل
بس اية حكاية الجنط رسم العربية

عايز افهم يعنى اية قراية العداد تفرق

[Hosam_Optrawy]

بردو مش فاهم ياباشا

يعني انا وهوا معانا كريستاله
هوا كان مركب 14
وانا راكب عندي 13
اما تيجي تحدد مقاس الكاوتش والجنوط
حتفرق ايه من عندي لعنده
ولا حاجه
الكلام ده ممكن يتقال لو هوا حيخلي الجنط وعاوز يعرض الكاوتش
صح كده ولا انا مش فاهم ؟؟؟

يعني محمد عزت اما قال المقاس قال 15 /195/50

لان ده انسب مقاس للكريستاله في ال15

وشكرا لسعه صدرك

هى مش هاتفرق من عندك لعنده لان انتوا الاتنين عربيه واحده

بس انا اقصد ان اختيار مقاس وجنوط جديده مرتبط بمقاس الجنوط والكاوتش الاصلى كانوا ايه

لان المقاس الاصلى اللى راكب مدى ارتفاع معين للعربيه

والعداد قارى السرعه صح يعنى وانت ماشى 100 بيقرا 100 وبيعد الكيلوهات صح

فلازم لما تركب مقاس جديد يبقى موازى للمقاس القديم فى الارتفاع عشان قراية العداد والسرعه تبقى مظبوطه

يعنى مثلا لما الاستاذ محمد عزت قال ان انسب مقاس للكريستاله هو 195 / 50 / 15

طب اشمعنى المقاس دا ؟

عشان 195 / 50 / 15 = 185 / 60 / 14 = 175 / 70 / 13 اللى هما المقاس الاصلى

كلهم ارتفاع واحد

بيختلفوا بس فى العرض وسمك الكاوتش

عشان كدا انا باسأل المقاس الاصلى كام

مينفعش اقوم قايلك اى مقاس وحلاص 195 / 65 مثلا

دا طبعا غلط بالنسبه للكريستاله

لانه هايفرق فى كذا حاجه

اولا العربيه هاتعلى 3 سم ودا كتير جدا ومش حلو للثبات

ثانيا الطول الاجمالى للفرده ( الجنط بالكاوتش ) هايزيد عن المقاس الاصلى ب 6 سم

يعنى لو وقفت فرده من المقاس الاصلى جنب فرده من 195 / 65 هاتلاقيها اطول ب 6 سم وطبعا هاتحك

ثالثا قراية العداد هاتختلف

لما تبقى سرعتك الحقيقه 100 العداد هايبقى قارى 90

والعربيه تبقى ماشيه 1000 كيلومتر والعداد قارى انهم 900 كيلو فقط


ياريت تكون فهمت قصدى واسف لو مش قادر اشرحلك كويس

[MMamdouh]

انا بشكر الاخوة للمساعدة
يا جماعة هو ركب
جنط15
205/50 بجد حكاية العربية عليت معاة ولا بيحك ولا غيرة ونفس العفشة محصلش فيها تغير يعنى صوت العفشة هوا هوا الله اعلم فى المسقبل
بس اية حكاية الجنط رسم العربية

عايز افهم يعنى اية قراية العداد تفرق

مقاس 205/50/15 للكريستالة غلط

زى ما نات قولت العربية عليت و دة لان الكاوتش اللى ركبة اكبر من الطبيعى... ارتفاع العربية خللى مركز التقل مرتفع و اتزان العربية حيقل فى المناورات... دا غير ان كمية الهوا اللى بتمر من تحت العربية بقت اكتر و بالتالى ثبات العربية على سرعات عالية حيتاثر... اضافة لدة كلة ارتفاع الside wall بتاع الكاوتش عالى و حياثر على ثبات العربية فى الملفات و رد فعل الدركسيون

يمكن صاحبك ميحسش بكل دة دلوقتى لان عرض الكاوتش الكبير مغطى على العيوب اللى ذكرتها لكن ساعة الجد (مناورة حادة او سرعة عالية) حيبان الكلام دة كلة

و نسيت اقول ان دلوقتى عداد السرعة بيديك قراية غلط

MMamdouh

[FunnyMickey]

والله انتو زي الفل
انا كده فهمت الدنيا خلاص
اما اجنط ان شاء الله
حركب 195 /50/15

بس فيه حاجه كده في الجنط مش عارف بيقولك شوف مش عارف ايه كده وانتا بتشتريه شوفه كام مش عارف ايه كده
انا مش فاكرها كويس
ياريت تقولوا عليها بالمره بردو

[أبو إياد]

والله انتو زي الفل
انا كده فهمت الدنيا خلاص
اما اجنط ان شاء الله
حركب 195 /50/15

بس فيه حاجه كده في الجنط مش عارف بيقولك شوف مش عارف ايه كده وانتا بتشتريه شوفه كام مش عارف ايه كده
انا مش فاكرها كويس
ياريت تقولوا عليها بالمره بردو

انت تقصد الابعاد بتاعه الجنط !!!!!
على العموم الكريستاله 4 مسمار أبعاد يابانى 4\100

[FunnyMickey]

لا لا لا مش دي يامحمد باشا
دي انا عرفتها
في حاجه تانيه في الجنط بردو لازم تتعرف قبل ما تركب
مش فاكرها دلوقتي
ححاول اجيب اسمها من المنتدي هنا واقولكو

هيا تقريبا الحاجه اللي تخليك متركبش رنجات الجنط


ايوه افتكرتها
ال offset بتاع الجنط
ده بقي بتاع ايه

الكلام ده لقيته مكتوب في منتدي كده
تحديد مقاس الكاوتش هايخليك تعرف تحدد مقاس الجنط اللي انت محتاجه

بس أهم حاجة ال offset بتاع الجنط يكون بالظبط زي اللي موجود في العربية أو أكبر منه بحد أقصى 7 mm أو أقل منه بحد أقصى 7 mm برضه علشان تحافظ على عفشة عربيتك

والأوفسيت ده بيبقى مكتوب على الجنوط الحديد بتاعة العربية مكان ما الكليبسات بتاعة الطاسة بتركب أو داخل الجنط بالاضافة الى بيانات الجنط الأخرى زي عرضه و تصميم الشفة بتاعته

وبيبقى موجود جوة الجنط الاسبور مدقوق أو بارز على دراعات أو صرة الجنط من جوه

الأوفسيت ده كما هو موضح بالرسم :



أقصى عرض مسموح به للجنط الاسبور هو انك تزود 1.5 بوصة على عرض الجنط الأصلي للسيارة
يعني في الأكسنت من 5.5 بوصة الى 7بوصة هو أقصى بعد مسموح به لعدم اتلاف هيكل السيارة أو/و العفشة..

[MMamdouh]

قصدك على الoffset

MMamdouh

[FunnyMickey]

ايووووووووووووووووووووووووووووون
هوا ده

[MMamdouh]

اعتقد الاوفست بتاع الكريستالة 46

MMamdouh

[Hosam_Optrawy]

اعتقد الاوفست بتاع الكريستالة 46

MMamdouh

طب انا ال offset عندى 46

لو جبت جنوط نفس ال offset او اقل حاجه بسيطه او ازيد حاجه بسيطه

ينفع ماركبش رنجات ؟

ولا مادام الجنط مش الاصلى لازم اركب رنجات ؟

وفى رأيك ايهما أفضل الرنجات البلاستيك ولا المعدن ؟

[MMamdouh]

الرينجات ملهاش علاقة بالاوفست... الرينجات ليها علاقة بقطر صرة العجل و قطر الفتحة المقابلة ليها فى الجنط... لو فتحة الجنط اكبر حتحتاج رينجات

الجنط الاصلى مفيهوش رينجات لانة معمول لعربيتك و بالتالى فتحة الصرة بتاعت الجنط مناسبة تماما لقطر الصرة

الرينجات المعدن افضل من البلاستيك

MMamdouh

[FunnyMickey]

يعني معني الكلام ده اني لو جبت جنط 4×100 المفروض انه يركب علي طول
ولا ايه
وليه اجيب اصلا جنط الاوفيست بتاعه اكبر
ايه الفايده
وازاي اركب جنط يبقي نفس مقاس الاصلي بالظبط
ومحتاجش رينجات

[MMamdouh]

يعني معني الكلام ده اني لو جبت جنط 4×100 المفروض انه يركب علي طول
ولا ايه

نظريا ايوه... بس القصة مش 4 مسامير و السلام... الاوفست الغلط ممكن يخللى الكاوتش سحك فى المساعد او فى شفة الرفرف... و لو فيه فرق بين قطر صرة العربية و قطر صرة الجنط العربية حتغربل منك على سرعات عالية

وليه اجيب اصلا جنط الاوفيست بتاعه اكبر
ايه الفايده

او جبت اوفست اقل من الاصلى الجنط حيخرج لبرة و دة حيوسع قاعدة العجلات شوية و يزود الثبات... بس طبعا لازم ميكونش الفرق كبير بين الاوفست الاصلى و اوفست الجنط عشان قصة احتكاك الكاوتش بشفة الرفرف

وازاي اركب جنط يبقي نفس مقاس الاصلي بالظبط
ومحتاجش رينجات

الحالة دى ممكنة فقط لو انت جبت جنط سبور اصلى... يعنى يكون فيه نسخة من الكريستالة بتنزل بجنط سبور و انت ركبت الجنط دة عندك... او تلاقى جنط سبور معمول مخصوص للكريستالة ساعتها حتلاقى صرتة قد صرة العربية بالضبط

هى كل الفكرة فى موضوع الصرة دة ان يبقى الجنط ممكن يركب على اكتر من عربية باختلاف مقاس الصرة

MMamdouh

[FunnyMickey]

يعني كده كده
اي حد مركب جنط مركب رينجات؟؟؟؟؟؟