افيدونى

[aly10]

ارجوكم المشاركة انا امامى لانسر 2001 المكواة اوتوماتيك و gen 2 2006 اوتوماتيك تنصحونى باية

[أبو إياد]

والله كل اللى هنا هايقولك لانسر
ولو عملت الموضوع ده فى قسم البروتون الكل هايقولك جين

شوف انت ايه احتياجاتك ؟

يابانى موديل 2001
ماليزى موديل 2006

عائليه وشبابيه
شبابيه فقط

قطع غيار مغرقه الدنيا وارخص
قطع غيار مقتصره على مستوردين معينين

كاربراتير
انجيكشن

الاتنين سهله الصيانه (ميكانيكا) بفارق ان التكنولوجيا اعلى فى الجين

[hussein20777]

اليابانى يكسب

[aly10]

يعنى لو حضرتك مكانى هتختار انهى

[أبو إياد]

بصراحه رغم انى من عشاق اللانسر
هاختار الجين
بس مش عربيه العمر
هتاخد وقتها وهاخلع منها

انما لو هاقعدها فى ارابيزى يبقا لانسر

[aly10]

ممكن المشاركة اكتر ياجماعة

[aly10]

انا بصراحة مقلقانى فى الانسر ال 1300 سى سى و التكيف

[DrMax]

انا بصراحة مقلقانى فى الانسر ال 1300 سى سى و التكيف

بص ياباشا انا معايا بومه 2009 مانيوال 1300
ال 1300 سحبها كويس لا هوه وحش ولا هية بتشد...العادى يعنى
والميزة الجامدة فى ال 1300 استهلاك البنزين يكاد يكون معدوم...ودى ميزة لا يمكن اغفالها
التكييف اكيد بياثر عالسحب وده طبيعى لكن فى المانيوال بيبقى معقول مش هيخنقك يعنى
عامة ال 1300 عربية عائلية متكسفكش فى الاحمال والسفر والتكييف...والاهم من ده كلو موفرة جدا فى البنزين
لكن مهيش عربية تشد بيها مع حد ولا تفحت بيها...واحنا مش فى اوتو كروس ولا فى fast & furious :)
وانا الحمد لله مبسوط بعربيتى جدا وحتة استهلاك البنزين دى مبسوط منها جدا جدا جدا
فلو ملكش فى الشد والجرى واستخدامك عائلى هتريحك وتقضى احتياجاتك وتوفرلك فى البنزين

عايز عربية تجرى وتشد بيها يبقى الجين تو

[aly10]

طب الجين تو عملية اكتر ولا اللانسر و من حيث قطع الغيار والثبات

[أبو إياد]

قطع الغيار اتذكرت
والثبات الاتنين جامدين جدا فى الثبات

[M.Akef]

انا ارشح الجين 2 عربيه شبابيه جدا و موتورها محترم جدا و صناعه مليزي محترمه و شكل جميل و موديل مش قديم
غير الانسر عربيه من 2001 يعني بقلها 9 سنين في الخدمه و اصلا المكوه مش محبوبه في عالم السيارات
حتي لو قلت لي لانسر 1.3 2009 هقول لك لو استخدامك شبابي يبقا البورتين لو عاوز عربيه مريحه و محترمه و موفره و وسعه و قطع غيار ببلاش يبقا الانسر بس لو 1.3 منيول يبقا لانسر افضل من بورتين 1.6 اوتو حتي لو في الشد ال1.3 منيول عن تجربه جامده

[aly10]

معنى كدا ان البروتون فى قطع الغيار غالية و غير متوفرة والصيانة مش عند اى حد وبالتالى سوقها قليل

[aly10]

من فضلكم شاركونى

[M.Akef]

لا يا مان عادي قطع الغيار ممكن تكون غاليه شويه بس موجوده عادي و الصيانه عاديه دي مش عربيه فرني عشان تبقا صيانتها صعبه العربيه سلهله خالص مفيش مشكله

[M.Nasr]

المشكلة فى اللانسر الاوتماتيك فى ال1300 ضعيف شوية لكن المانوال منها ممتااز
انا شايف ان الشباب موضحين كل الفروقات وانتى تشوف نفسك عايز ايه وتختار وربنا يوفقك للاحسن ان شاء الله