حيرة فى عفشة لانسر بومة 2006

[ahms10]

السلام عليكم
انا معايا لانسر بومة 2006 1300 سىسى يعنى عفشة عادية العفشة العادية دى متلخصة فى 2مساعدين ادام رفيعين عن الرياضية اتنين مساعد ادام اتخن شوية تما كدا

نتيجى بقة للمهم انا دلوقتى عايز ازبط العفشة عندى موضوع العفشة عندى دلوقتى كلة بيتلخص فى حاجتين
1-مساعدين
2- سوست بس على كدة
الحيرة دلوقتى ما بين حاجتين
1-اجيب مساعدين 1600 جداد وبقية حاجة المساعد الى هيا البطاحة وبلية البطاحة استيراد واجيب سوست كونى تمام كدا
المخاوف من الموضوع الاول الى خايف منة السوست توطى العربية جامد خاصة انى معظم سواقتى فى طرق نضيفة بس فيها عالى وواطى مطبات هوا يعنى فهل الكاوتش ممكن يخبط فى الرفارف ولا كدا ولا مش للدرجة بعد ازنكم عايز كلام ثقة ومتجرب فى الموضوع دا عشان الموضوع دا مش مستحمل مجازفة وتجربة لانى كل طرقى بالنظام دا
القلق التانى هيا البطاحة دى مش حتة حديد الى فوق السوستة مش مستاهلة اجيبها جديدة ولا رايكوا اة
2- التانى بقة انى اجيب كلة كونى 4مساعدين كونى واربع سوست كونى
المخاوف لو جبت كونى هجيب اعلى مساعد رياضى الى هوا انشف حاجة بس انا متخوف من موضوع النشوفية دا ومش متخيلة بصراحة يعنى انا جربت النيسان صنى وهيا ناشفة اوى بس مش لدرجة الكلام الى بسوعة تقطم الضهر والكلام دا وبعدين جربت البى ام ناشفة جدا جدا وكمان الكاوتش رن فلات مزود النشوفية بس برضوا مش متعبة فا يا ريت حد يفهمنى النقطة دى لانى مش متخيلها فعلا
الخوف التانى من المساعدين الكونى انى بسمع انهم مش بيعمروا وبيبوظوا بسرعة وكدا فهل الكلام دا فعلا صحيح ولا اة
وفى الاخر يا ريت تقولولى رايكوا اعمل اة بعيدا عن المبلغ لانها عفشة يعنى حاجة ضرورية ومهمة جدا والواحد مش كل يوم هيغير عفشة
وبعدين حوار الكونى دا هل بيفرق جامد فى الثبات فعلا ولا مش محوظ يعنى لو حد عمل كدا فى العربية منغير ما يقلى وجيت انا اجرب هل هحيس ولا لا اصلى الواحد لما بيعمل حاجة بنفسة بيمثل على نفسة انا اةةةة جامد جدا وفارق
معلش طولت عيكم
الف شكر مقدما
سلام عليكم

[أبو إياد]

ايه المانع لما تستعمل حاجه العربيه نفسها
هايكون افضل وانسب شىء ليها
وعلى فكره بمجرد لما تغير المساعدين حتى لو لوحدهم هاتحس بفارق رهيب فى الثبات خصوصا لو عندك فيهم مشاكل
بس نصيحتى لو هاتركب اجزاء فى العفشه يبقا الاولويه للكاوتش لانه لو مش كويس هيهد اللى انت عملته

[ahms10]

السلام عليكم
مفيش مانع ولا حاجة بس هيا الفكرة كلها مدام بغير لية مغيرش للاحسن؟؟
هوا مش مشكلة فيهم هوا عندى مساعد محجر شوية صغيرة الشمال بس طبعا لازم اغير الجوز
بعدين لو بالنسبة للمساعدين 1600 هما مفهمش اى مشاكل اصلا عادى جدا كانى الاصلى بتاع العربية زى الميزان الى انا مركبة كدا عربيتى 300 من غير ميزان وركبت الميزان وعايز اقولك انة فرق جدا جدا وجايز ميحسش بية الى معاة 1600 لاكن انا عشان مكنش راكب وركبتة لاحظت دا فا بالنسبة لمساعدين 1600 اعتقد فى كل الاحوال هتبقة احسن لاكن الفكرة كلها فى السوست الكونى دا اة نظامها والمساعدين الكونى كمان
الى شجعنى على كل دا انى لسة مغير الكاوتش وجايب bridge stone gr80 وهوا فعلا مريح جدا فى حيث انة مش بيحسسك انك على الارض ولا بتسمع صوتة ولا بتسمع صفارة فرامل نهائىىىىىىى انا بتعمد اجربة اجرى وادوس فى عز الشمس والحر وفعلا مفيش صوت
فا الخطوة دى العفشة ان شاء اللة بس عايز استقر ويا ترى اة رايك فى مساعدين ال evo استيراد انا معرفش عنها اى حاجة بس جت فى دماغى
انا مستحرم اغير اجيب مساعدين زى الى عندى تانى اقل واجب اجيب ال1600 مش شايف اى ميزة انى اجيب مساعدين 1300

[أبو إياد]

بص انا عربيى باردو 300 ومركب فيهم مساعدين 1600 امامى والعربيه عندى لقيتها عليت وثبات افضل بس الثبات ده اكيد ناتج من حاله المساعدين وناس كتير جداااااااااااااااااا كانت مصممه انه استحاله يركب عندى وانا لما ركبتهم ركبتهم من غير اى مشاكل وهما كانوا استيراد واتفكوا ادام عينى من العربيه وعدادها كان 9000كم

بس اكيد الايفو مساعدينها هايكون اكبر لانى سالت على التعديل الكامل للعربيه لايفو لقيت انه لازم يتغير العفشه بالكامل ولازم النص الخلفى للعربيه يتغير لانه مش مجهز للعفشه الايفو

[ahms10]

يعنى انت رايك اة يا باشا وكويس انت اهو مركب ال 1600طيب تمام قولنا بقة اة النظام عاملين اة معاك ويعنى اة العربية عليت تقصد فى حاجة مش مزبوطة ولا اة ؟؟؟ولا دا طبيعى انا اعرف انى المساعد اتخن بس طيب اة رايك فى السوست الكونى وهل هتوطى جامد بزيادة ولا اة؟
وكنت جايب المساعدين الاستيراد بكام
يعنى حوةار الايفو دا فاكس بقا على كدة

[أبو إياد]

انا كنت شاريهم السنه اللى فاتت ب 750ج امامى طبعا
وارتغعت عن الارض ده المقصود بعليت شويه بس شكلها بقا واقف على حيله وجامد
وهما فعلا بقالهم كتير معايا ومافيش اى مشاكل منهم

موضوع السوست ده مجربتهوش بصراحه انما اللى اسمعه انهم انشف علشان الثبات والاداء الرياضى

بس على حسب معلوماتى انك كل لما السوست تبقا ناشفه التاثير بيذداد على الكارتيرات والبطاحات

[hobaz]

متابع باهتمام جدا....

[ahms10]

تمام يا باشا يعنى من خلال تجربتك هل تنصحنى فعلا بمساعدين ال1600 انا ناوى اجيب مساعدين جداد والبطاحات اجبهم استيراد هى البطاحة دى مش حتة حديد فوق السوستة يعنى مفيش قلق من شراها استيراد واراعى اة وانا بجبها
ومعلش بردوة بعد ازنك اة الى على العربيةةة مش هوا هوا نفس الطول انا لو وقفت جمب 1600 هتلاقيها اعلى عشان الجنط مش المسشاعد مش المساعد المفروض هوا هوا فى الطول

طيب لو السوست انشف فيها مخاطر على المساعد كمان اكيد صح ولا اة وبعد ازنك اة الكارتيرة الى بتتاسر بالسوست قصدك لو خبطت يعنى اة حاجة ولا اة؟؟

حاجة اخيرة حضرتك مجبتش سيرة المساعدين الكونى هل حضرتك مش مقتنع بيها لانها هتبقة اقل كمان فى التكلفة من الاصلى والمفروض المفروض انها تدى اداء احسن ولا انت اة رايك

[mohamedway]

جمد قلبك و ركب عفشة 1600 كامله بالجنوط 15 الأصلى إستيراد كمان بس بشرط تغير كل حاجه ورا و قدام بما فيها الصرر و الشمعدان و الطنابير و كله ..............غير كده يبقه تجيب حاجتها و كفايه الميزان اللى انت مركبه ورا ممتاز بس غير كده هيبقه عك من وجهة نظرى لأن واضح ان فيه إختلاف فى أبعاد المساعدين و الشمعدانات و كل حاجه فا يا إما تغير كله ورا و قدام و إلا هيبقه فيه حاجه غلط فى العربيه زى مثلا انها تبقه من قدام اعلى من ورا بفرق ملحوظ......إلخ......

اللى يثبت وجود إختلاف و ضرورة تغيير كل شىء حتى لا تظهر مشكله ان نصف قطر الدوران للـ1300 4.9 متر وللـ1600 5متر و ده معناه ان زوايا العجل مختلفه (مساعدين + شمعدان + الجنوط ال15) مجتمعه ده غير إختلاف الإرتفاع عن الأرض اللى ممكن يعمل المشكله بين ورا و قدام

[ahms10]

يا باشا اعتقد مفيش اى فرق فى اى حاجة سوى المساعدين وميزان بس الطنابير هية هية ومالساعدين والمقصات الخلفية هيا هيا سيبك من الجنوط انا مقتنع انى الجنط بتاع شكل ال14 احسن وعاجبنى فعلا ولسة مغير كاوتش فا شبة مستحيل انى اغير الجنوط خلينا فى العفشة نفسها الشمعدان ؟؟؟؟؟ اة هوا الشمعدان دا ؟؟؟ طيب وقطع الدوران دا اة الى مسئول عنة اعتقد هوا مجرد حجم الكاوتش مش اكتر لاكن مش العفشة
بس مقولتليش رايك فى المساعدين الكونى والسوست بالاخص لانى كنت عايز اركب السوست على المساعدين الاصلية
على فكرة المفروض انى المساعدين زى بعض فى الطول مفيش مساعد طويل وقصير هوا الفكرة كلها انة اتخن شوية فا اة الى هيخلى العربية تترفع من قدام ؟
على فكرة انا واحد فى التوكيل هوا الى قلى غير هات مساعدين ال1600 والعربية هتفرق معاك فا جت الفرصة فا قولت اشوف بس الواضح انى فى اختلاف ربنا ييسر الحال ونوصل لحل ونتوكل على اللة ونبدا الشغل بس ناخد المشورة الاول بس

[mohamedway]

يا باشا اعتقد مفيش اى فرق فى اى حاجة سوى المساعدين وميزان بس الطنابير هية هية ومالساعدين والمقصات الخلفية هيا هيا سيبك من الجنوط انا مقتنع انى الجنط بتاع شكل ال14 احسن وعاجبنى فعلا ولسة مغير كاوتش فا شبة مستحيل انى اغير الجنوط خلينا فى العفشة نفسها الشمعدان ؟؟؟؟؟ اة هوا الشمعدان دا ؟؟؟ طيب وقطع الدوران دا اة الى مسئول عنة اعتقد هوا مجرد حجم الكاوتش مش اكتر لاكن مش العفشة
بس مقولتليش رايك فى المساعدين الكونى والسوست بالاخص لانى كنت عايز اركب السوست على المساعدين الاصلية
على فكرة المفروض انى المساعدين زى بعض فى الطول مفيش مساعد طويل وقصير هوا الفكرة كلها انة اتخن شوية فا اة الى هيخلى العربية تترفع من قدام ؟
على فكرة انا واحد فى التوكيل هوا الى قلى غير هات مساعدين ال1600 والعربية هتفرق معاك فا جت الفرصة فا قولت اشوف بس الواضح انى فى اختلاف ربنا ييسر الحال ونوصل لحل ونتوكل على اللة ونبدا الشغل بس ناخد المشورة الاول بس

مين اللى قال لحضرتك ان الطنابير هى هى؟ التيل هو هو لكن الطنابير لأ

بإختصار الجنط ال15 فتحة الصره بتاعته أكبر و أماكن المسامير اللى بتثبته المسافات بينها أوسع و بالتالى الطنبوره فتحة الصره بتاعتها أوسع و أماكن الأخرام اللى بتعدى منها مسامير العجل مختلفه و الرولمان بلى اللى جوه الصره أكبر و مختلف عن رولمان بلى الجنط ال14 و بالتالى الكوبلن أبعاده مختلفه و المشرشر بتاعه أتخن و المساعد أتخن و أبعاده مختلفه شويه و أطول شويه و السوست مختلفه فى الأبعاد و الطبق و البطاحات........... الشمعدان ده هو القطعه اللى ماسكه المساعد مع العجل مع المقص مع صرة العجل و الطنابير و حامل ماستر التيل و مربوط فيها بارات الدركسيون و بتختلف كمان بين العربيه اللى فيها abs واللى مافيهاش من حيث مكان حساس العجل.

ايه اللى فاضل بقه من العفشه و هو هو بالضبط و ممكن يركب مكان بعضه عادى كده؟!


الخلاصه ان المنظر العام للعفشتين واحد و لكن يوجد إختلاف أبعاد فى كثير من المكونات و ممكن جدا يكون فيه حجات ممكن تتوفق و تركب مكان بعضها و تشتغل كويس بس إسمحلى ده من وجهة نظرى عك و أنا لست ضد التعديل و لكن زى ما قولتلك لو هتعدل يبقه تغير كله بحيث تبقه كل حاجه متناسبه مع بعضها.

[ahms10]

انا فعلا مقتنع بكلامك جدا ومبحبش خالص الكلام دا ودايما اقول لو مش معايا فلوس معملش احسن ولو الموضوع فعلا فى كل الاختلاف دا يبقة فعلا ملوش اى لازمة هيا كل الفكرة انى كنت هغير مساعدين فا قولت اجيب ال1600 اكيد احسن بس اعتقاد شخصى عمرها ما هتعمل الفرق الى هوة يعنى يستاهل انى اغير كل انا كدة اجيب سوست كونى ومساعدين كونى ارخص واعتقد هتبقة احسن ميت مرة كمان ولا راى حضرتك اة بس نفسى اعرف السوست الكونى هتوطى العربية اد اة انا سمعت انى فى حدود من 3-4سم دا كلام نظرى جميل بس عملى يعنى مثلا لو بعدى من فوق بلاعة هل ممكن تخبك هل لو فى مطبات هوا جامدة هل ممكن تحط فى الرفارف الموضوع دا فارفق معايا جدا واعتقد مع اى حد لاننا عارفين شوارعنا عاملة ازاى انا ناوى ان شاء اللة ابدا بالسوست الكونى على المساعدين بتاعت ال1300 الى راكبة عندى لو لقيتها كويسة اوى يعنى وحسيت بفرق حلو ممكن اجيب مساعدين ال1300 عادى وكدا يبقا تمام لو فكسانين هنرجع للفيلمك من الاول نفسى احسن الاستابيلتى بتاعت العربية ومش مقتنع بحوار تعريض الكاوتش دا خلص ولا تغير الجنوط حتة لو هيفرق مش هعملة معنديش استعداد ابيع جنوط اصلى وعاجبنى شكلهم بجنوط تعبانة ومش هدفع 5000 او اكتر فى جنط عشان اجيب نضيف بالاضافة انى لسة مغير كاوتش فا مش هينفع اغير كاوتش او جنوط ولا بفكر فيهم بصراحة
قلى رايك بقة اة فى السوست والمساعدين نفسى استقر واتوكل بقةةة

[mohamedway]

انا فعلا مقتنع بكلامك جدا ومبحبش خالص الكلام دا ودايما اقول لو مش معايا فلوس معملش احسن ولو الموضوع فعلا فى كل الاختلاف دا يبقة فعلا ملوش اى لازمة هيا كل الفكرة انى كنت هغير مساعدين فا قولت اجيب ال1600 اكيد احسن بس اعتقاد شخصى عمرها ما هتعمل الفرق الى هوة يعنى يستاهل انى اغير كل انا كدة اجيب سوست كونى ومساعدين كونى ارخص واعتقد هتبقة احسن ميت مرة كمان ولا راى حضرتك اة بس نفسى اعرف السوست الكونى هتوطى العربية اد اة انا سمعت انى فى حدود من 3-4سم دا كلام نظرى جميل بس عملى يعنى مثلا لو بعدى من فوق بلاعة هل ممكن تخبك هل لو فى مطبات هوا جامدة هل ممكن تحط فى الرفارف الموضوع دا فارفق معايا جدا واعتقد مع اى حد لاننا عارفين شوارعنا عاملة ازاى انا ناوى ان شاء اللة ابدا بالسوست الكونى على المساعدين بتاعت ال1300 الى راكبة عندى لو لقيتها كويسة اوى يعنى وحسيت بفرق حلو ممكن اجيب مساعدين ال1300 عادى وكدا يبقا تمام لو فكسانين هنرجع للفيلمك من الاول نفسى احسن الاستابيلتى بتاعت العربية ومش مقتنع بحوار تعريض الكاوتش دا خلص ولا تغير الجنوط حتة لو هيفرق مش هعملة معنديش استعداد ابيع جنوط اصلى وعاجبنى شكلهم بجنوط تعبانة ومش هدفع 5000 او اكتر فى جنط عشان اجيب نضيف بالاضافة انى لسة مغير كاوتش فا مش هينفع اغير كاوتش او جنوط ولا بفكر فيهم بصراحة
قلى رايك بقة اة فى السوست والمساعدين نفسى استقر واتوكل بقةةة

لا أنصح بتغيير السوست خالص و لو عاوز عفشه رياضية ناشفه لازم تعرف ان المساعدين هى اللى هتحققلك ده مش السوست و ممكن تجيب مساعدين كونى رياضيين تركب على السوست الأصليه و ده غير الكونى اللى بيركب على السوست القصيره

خلى بالك لو ركبت سوسته قصيره على نفس طول المساعد اللى عندك هيبقه فيه مشكله لأن السوسته القصيره ليها مساعد قصير بردو.

[ahms10]

طيب يا ريت يا باشا تقولنا اى اسباب يعنى مجبش سوست لوحدها لية لانى بشوف كل الناس بتجيب سوست كونى بس على المساعديبن الاصلية على الرغم انى السوست والمساعدين سعر واحد لاكن اغلب الناس بتفضل تجيب السوست وانا شخصيا كدا لسببين انى السوستة بتوطى العربية وكمان انشف واقصر فا تقوم بدورين اتنين بعكس الواحد الى مش بنفى دورة طبعا بس اقل من السوست فيا ريت تقولنا اسباب رفضك للسوست هوا فى كونى بيركب على سوست وكونى بيركب على سوست تانية ؟؟؟؟؟ اة المشكلة لو ركبت سوست قصيرة على مساعد عادى اعتقد المساعديم كلها طول واحد؟؟؟

[mohamedway]

فيه مساعدين كونى بتركب مكان الأوريجينال بدون أى تعديل و فيه كيت رياضى كامل سوست و مساعدين و ده بيوطى العربيه..........


المشكله بقه فى موضوع التعليه أو التوطيه لأى عربيه و أى عفشه و حتى فى العربيات الفيات القديمه اللى كانت معانا كلنا.......؟؟؟

يا ترى ايه المشكله؟؟؟؟؟

هضربلك أمثله يوضحلك الموضوع..............

المفروض ان العجل و العفشه أثناء المشى بتطلع و تنزل مع المطبات و بتقوم بدورها لحفظ توازن العربيه و إن مفيش عجله تترفع عن الأرض.......كويس؟

لو فرضنا اننا جبنا عربيه و عليناها قوى بإننا جبنا سوست أطول بكتير أو حطينا كاوتش تعليه أعلى السوست بتاعتها و المساعد زى ما هو و العربيه عليت لدرجة ان المساعد بقه مفتوح على الأخر.........ده معناه ان العربيه ده عفشتها بتنضغط فقط أو بمعنى اخر العجل بيطلع لفوق فقط و لو فيه حفره أو نقره تتطلب ان العجل ينزل فيه مش هينزل............. تفتكر ثبات العربيه فى هذا الوضع هيبقه كويس؟؟؟؟ انا هسيبك انت تجاوب على هذا السؤال..


هضربك مثال عكسى و هو اننا وطينا عربيه جامد جدا لدرجة ان المساعد بقه مقفول على الاخر........ وده معناه ان العجل بينزل فقط يعنى لو فيه حفره
أو نقره هيزل فيها لكن لو مطب أو بروز فى الطريق العجل مش هيطلع عليه و الصدمه لن تمتص و العربيه كلها هتترفع.......... تفتكر كده العربيه يبقه ثباتها حلو؟؟؟؟

المساعد لازم يبقه مضبوط مع السوسته و علو العربيه بحيث انه يبقه ليه مشوار محدد يفتح فيه و مشوار محدد ينضغط فيه و مش شرط يكون المشوارين قد بعض ولكن فيه عوامل كتير بتؤخذ فى الإعتبار مع تصميم العفشه ككل لتحديد ذلك............

الخلاصه انك لازم تحافظ على النسبه بين طول المساعد و مشواره و السوست اللى راكبه مهما عدلت فى العربيه..... يعنى لو قصرت السوسته يبقه لازم تقصر المساعد بما يتناسب مع ذلك و لو طولت السوسته يبقه لازم تطول المساعد بما يتناسب مع ذلك و لهذا السبب كونى بتنزل الكيت كامل لكل عربيه (المساعدين و السوست الخاصه بها و لو هتشغل سوست العربيه ليها مساعدين كونى تانيه أبعادها أوريجينال) و حضرتك قولت انك مش عاوز توطى العربيه عشان المطبات عشان كده قولتلك مفيش داعى تغير السوست...... و لو ركبت سوسته قصيره على نفس المساعد مش هيبقه كلام مضبوط حتى لو فيه ناس عامله كده ........و ما أكثر العك و الجهل فى بلدنا!!!!