سوال غريب سيكة الكل يجاوب

[ahms10]

سلام عليكم
انا معايا لانسر بومة 2006 1300 سىسى لما بكون ماشى فى ساعة صفا كدة وطافى الكاسيت بسمع بق بق دا اة بقةةةة دا صوت البنزين فى التنك بسمعة صوت وهوا بيتحرك هل دا طبيعى ولا اة طيب ازاى نتغلب على المشكلة الزبالة دى اصلى التنك تحت الكنبة فا اعتقد لازم تسمع صوتة

[maro2007]

طبعا طبيعى وعلشان تتغلب عليه
طول مانتا ماشى خليك مفول التنك على طول
او شغل الكاسيت ... هههههههه
مش تحط فى دماغك الحاجات الهايفه دى عادى يعنى

[Ralliart]

انا مبسمعش الصوت ده خالص بس يمكن عشان انا لما التانك بيقل ربع او نص بالكتير بفول على طول

[mada121977]

لا مابسمعش الصوت ده خالص
شوف كده يمكن فيه حد بيشرب شيشه جوه التانك :) (بهزر معاك )

[ahms10]

دا هيا المشكلة كلها وانا مفول التك لانى انا كدة بردوا اول ما يقل النص افول عشان كدا عايش مع الصوت لما التنك بيبقا اقل من النص مش بسمع الصوت دا مفيش حل للموضوع الغبى دا؟؟؟؟!!!

[M!SHO]

دا هيا المشكلة كلها وانا مفول التك لانى انا كدة بردوا اول ما يقل النص افول عشان كدا عايش مع الصوت لما التنك بيبقا اقل من النص مش بسمع الصوت دا مفيش حل للموضوع الغبى دا؟؟؟؟!!!

انا كمان عندى الصوت ده وعلى طول بسمعه وبقيت بطفى الكاسيت عشان اسمعه مخصوص ومتعايش معاه اليومين دول وعملت كل حاجه (نزلت تحت العربيه وكل حاجه تمام وفضيت الشنطه وبرده لسه موجود ) وكل ما احكى لأى حد يقولى صوت ايه يا عم العربيه لسه زيرو(2000 ك) وانت بتسمع نفسك انا مش سامع حاجه ومش عارف اروح التوكيل بس مشوار ولا اروح لاى حد بتاع عفشه يمكن من العفشه ولا ايه يا جماعه ؟؟؟

[el931]

معى لانسر 2010 وفعلا ً سمعت الصوت واسغربت جدا ً لكنى عرفت انة صوت البنزين بالرغم من انى فى الاكسنت و الفيرنا مكنتش بلاحظ الصوت دة والتنك موجود فى نفس المكان واكيد مش المفروض اروح البنزينة امون كل 10 لتر

[ahms10]

شكلة لازم التكيف معاة لانى اعتقد نمطقيا ملوش حل ازازة وجواها مياة وعمال ارج فيها لازم اسمع صوت بس فعلا معايا نيسان صنى ومش بسمع فيها الصوت دة بس مش عارف تنكلها نفس المكان ولا اة

[m_totti]

ده شيئ غريب جدا بس ممكن اللي بيسمعو الصوت ده يحاولوا يتعايشوا معاه وخلاص ومع الوقت يزيدهم خبره ويعرفوا امتي العربية عايزه تفول بنزين وامتي امشي مشوار طويل وكده يعني

[SkyBird]

دا هيا المشكلة كلها وانا مفول التك لانى انا كدة بردوا اول ما يقل النص افول عشان كدا عايش مع الصوت لما التنك بيبقا اقل من النص مش بسمع الصوت دا مفيش حل للموضوع الغبى دا؟؟؟؟!!!

انا عمري ما سمعت الصوت
يمكن علشان التنك عمره ما زاد عن النص ؟

[devilishtigers]

انا عمري ما سمعت الصوت دا
يمكن علشان انا على طول فاتح الزجاج والهوا بيبقى جامد مغطي على الصوت. ده طبعا غير الكاسيت
بس انا فعلا هحاول اركز واسمع الصوت ده

[walidhassan]

أنا بصراحة عمرى ما سمعت الصوت ده
بس أن نفسى أسأل سؤال هو إيه معنى عنوان الموضوع؟؟؟؟
"سوال غريب سيكة الكل يجاوب "
عربى ده يا مرسى!!!!!
يا جماعة أنا بجد نفسى نركز شوية فى اللى بنكتبه عشان نفهم بعض كويس

[mohamedway]

أنا سمعت الصوت ده فى عربيتى مره واحده بس من ساعت ما جبتها و ده كان لما كنت فاكك الكنبه عشان كنت بفصل فرش جلد ده انا كمان كنت سامع صوت طلمبة البنزين و صوت العفشه وانا ماشى كأنى راكب عربيه رمسيس و أول لما كل حاجه ركبت مكانها ما سمعتش دبة النمله فى العربيه بعد كده.........الموضوع كله عزل و لو حضرتك أذنك حساسه قوى كده و جايبه الصوت من تحت الكنبه ممكن انصحك تجيب لباد أو صوف زجاجى و تفرشه تحت الكنبه و تركبها تانى و أكيد هيكتم الصوت و لو عاوز أكتر ممكن تروح لسروجى كويس و تفك الموكيت كله و تفرش منه أرضية العربيه كلها و تركب الموكيت فوقيه تانى.

[hamode89]

انا عندي 1300 وبصراحه عمري ماسمعته الحل انك تنفض وهوا هيختفي بعد فتره :)