وحدات الرفع

[mostafa727050]

معايا لانسر 2005 1600 عايز اركب وحدات رفع الزجاج عايز اعرف ايه الانواع الكويسه و تركيبه صعب ولا ايه يعنى اى كهربائي ممكن يركبه ولاايه؟؟؟

[mada121977]

معايا لانسر 2005 1600 عايز اركب وحدات رفع الزجاج عايز اعرف ايه الانواع الكويسه و تركيبه صعب ولا ايه يعنى اى كهربائي ممكن يركبه ولاايه؟؟؟

انا مركب عندى وحدتين رفع يابانى كانوا تقريبا ب 65 جنيه على مااذكر وكل وحده بتبقى مسئوله عن بابين يعنى حضرتك هاتشترى وحدتين رفع فقط وليس اربعه واى كهربائى يركبهم الموضوع سهل جدا

[مهندس_حسام حسين]

معايا لانسر 2005 1600 عايز اركب وحدات رفع الزجاج عايز اعرف ايه الانواع الكويسه و تركيبه صعب ولا ايه يعنى اى كهربائي ممكن يركبه ولاايه؟؟؟

انا مركب وحدتين ماركة (وولف)وماشية كويس وكمان بتتصنع في مصر وماركة محترمة وعليها ضمان خمس سنوات ومصنعها في 6 أكتوبر

[أحمد كمال]

ركبها عند ادريان

هتكلفك 150 للاربع ابواب بالتركيب بالضمان

و عشان هما فاهمين بدل ما تروح لكهربائي غشيم يمرمط لك الضفيرة

[devilishtigers]

هما بيتركبوا في انهي حتة بالظبط وهل هي حاجة معقدة ولا سهلة..؟؟؟
وهل فيها مرمطة للعربية ولا بتفضل بشياكتها..؟؟؟
في مشاكل فيها او حاجة..؟؟؟
متأسف اسألتي كتيرة.

[أبو إياد]

هما بيتركبوا في انهي حتة بالظبط وهل هي حاجة معقدة ولا سهلة..؟؟؟

بيركبوا داخل باب السائق
تركيبها سهل جدا
وانت اللى بتحدد الاختيارات بتاعتك ياعنى الاساس بيكون قفل العربيه بالريموت والمفتاح ممكن تضيف اختيارين وهما انك تعملها مع المسوجر وممكن مع مفتاح التكييف كمان

وهل فيها مرمطة للعربية ولا بتفضل بشياكتها..؟؟؟

مافيش اى حاجه بتدل على تركيب الوحدات ياعنى العربيه بتكون بطبيعتها

في مشاكل فيها او حاجة..؟؟؟

مافيش حد اعرفه مركبهم اشتكى منهم غير انك ممكن تغيير الفيوز بتاع الوحده بعد سنه او سنتين

متأسف اسألتي كتيرة.

[m_waheed]

محدش قصر

معلومات جديدة ومفيده

[zoro007]

ركبت وحدتين رفع من شهر ونصف تقريبا كانو الاتنين عاملين 75 جنيه
والكهربائى خد 40 جنيه تركيب الانزار + وحدتين الرفع

وحدات الرفع اما بتتحط فى الباب اللى جمب السائق او بتتحط فى الغرفه اللى فى التابلوه عند السائق اللى بيبقى فيها حجات الكهربا ودا المكان اللى الكهربائى حطهم لى فيهم

وأى كهربائى يعملها بسهوله العمليه مش مستهله خبره او احتراف مش هيكمل ربع ساعه ويكون مخلص لك تركيب

[devilishtigers]

طيب ايه احسن نوع اجيبه وهل دا يخرج العربية من الضمان او لما يفك الجنب بتاع الباب ويرجعوا تاني هيبقى ماسك نفسوا ولا ..؟؟؟؟؟
دا انا هموت واركب سماعات بدل اللي في الباب بس مش عايز علشان خايف بعد كدا الجنب يبقى ملخلخ او ميبقاش زي الاول (مش هاينة عليا 7000 كم).
ولو فعلا زي ما حضرتك بتقول فعلا انا اروح اركبه من بكرة ايه يعني 150 جنيه..؟؟؟
سؤال مهم: انا عندي العربية اول ما ادوس فرامل ابواب العربية كلها بتتقفل وده تبع السنتر يا ترى دلوقتي لو جيت ماشي والعربية عملت lock الزجاج هيترفع..؟؟؟؟

[أبو إياد]

سؤال مهم: انا عندي العربية اول ما ادوس فرامل ابواب العربية كلها بتتقفل وده تبع السنتر يا ترى دلوقتي لو جيت ماشي والعربية عملت lock الزجاج هيترفع..؟؟؟؟

حسب اختيارك انت ياعنى زى ما تحب الفنى هايعمله

[devilishtigers]

متشكر جدا لاهتمامك وتعبك معايا رغم ان دا مش جديد على حضرتك مع اي حد هنا. انا عارف اني دوشتك معايا .اوك انا عايز لما ادوس لوك من الريموت يقفل العربية ومش يقفل الزجاج وهيا ماشية لما تعمل (auto lock) ..؟؟؟ (اصل زي ما حضرتك قولت ممكن يتوصل على التكييف وال lock فهينفع يخلي الزجاج يترفع من بره العربية عند الضغط على الزرار. وفي نفس الوقت عايز اخلي الوضع ( auto lock ) كما هو بردو.
حضرتك ما ردتش عليا بالنسبة للجوانب هتفضل زي ما هي ؟؟؟ ولو نويت اجيب نوع ايه واركب فين مع العلم ان السنتر والانذار عندي وولف.

[أبو إياد]

بص انا هاقولك مثالين
انا معايا عربيتين والاتنين فيهم وحدات رفع

الاولى : الزجاج مش بيترفع الا من خلال الريموت و من خلال قفل العربيه بالمفتاح وده الطبيعى فى جميع الاحوال

الثانيه : من الريموت والمفتاح والمسوجر (الداخل) والمكيف

ياعنى الاساس من الريموت ومفتاح الباب والباقى اختيارى

اما التقفيل والراجل بيركب اكد عليه عمليه تثبيت الوحدات داخل الباب والفك والتركيب بحذر

بالنسبه للانواع انا مركب فى العربيتين وحدات كورى بس مش متذكر الاسم واحد من 2007 ومره وحيده حصل عطل فى احدى الابواب وطلع فيوز
والتانى مركبه من سنه تقريبا

[devilishtigers]

الف شكر ليك يا استاذ/محمد إن شاء الله اركبه وابلغ حضرتك الف شكر ليك تاني مرة

[ahmad--ezzat]

ركبها عند ادريان

هتكلفك 150 للاربع ابواب بالتركيب بالضمان

و عشان هما فاهمين بدل ما تروح لكهربائي غشيم يمرمط لك الضفيرة

انهى ادريان؟