الي كل منتقدي الميتسوبيشي المكواة لضعف محركها

[shooter123]

انا شفت هنا ناس كتيرة بتقول علي المكواة ضعيفة لان موتورها 1300 وخصوصا لما تبقي اوتوماتيك ويلهوي بقي لو شغلت التكييف
بصراحة انا العربية معايا زي الفل داخل المدينة سواء بالتكييف او بدون
لكن امبارح وانا راجع من القاهرة كنت بالليل يعني مفيش ردار وانتوا عارفين بقي يعني ايه مفيش ردار
مسكت واحد باوبل استرا سخنته واديته دروس في كيفية لعب اندر جراوند علي الزراعي وانا موتوري 1300 وهو 1600 وسمعت صوت موتوره وعرفت انه مانويل يعني المفروض يحرق عني كمان لاني انا اوتوماتيك
وكنت بهدي لما افرق منه عشان استناه
المهم بعد ما الواد اتعقد في عيشته مشفنيش تاني فتحت انا بقي 140 والعربية والله قمة في الثبات والهدوء بسبب العزل الداخلي ومراتي كانت جنبي مكنتش بتحس بالسرعه بس كانت بتحس بالغرز
وطبعا عشان ربنا مبيسبش بعتلي واحد بمازدا 3 عقدني
خلاصة التجربة
العربية مظلومة من ناس كتير لمجرد انها 1300 سي سي واللي يقولك ده انت لو شغلت التكييف حتبقي راكب بطة بلدي
وللعلم وانا رايح كنا الصبح ومشغل التكييف بس للاسف كان في ردار يعني اخري كان 90 زراعي بقي
يمكن الناس اللي جربت العربية كانت تجربهم بعربية حالاتها مش ولا بد فحكموا عليها حكم ظاااااااااااااااااااااااااااااااااالم
انا مش متحيز عشان هي عربيتي بس دي تجربة واقعية حبيت انقلها لاصحابي هنا علي المنتدي
واسف علي الاطالة

[M.Akef]

دا انت عامل حمله موسعه بقا يا مان ههههههههههه
علي العموم ربنا معاك

[shooter123]

اصلي مشترك في الاتنين

[hamode89]

يا اخي العزيز عايز تعرف عزم العربيه الصح احسب تسارع من 0-100 ومن 0-180 ده اذا جابت ال 180 وفي الانسر ال 1300 اوتو مش هتجيب ال100 في اقل من 14 ثانيه وده يبقى حلو قوي

اما لو قارنت اي عربيه 1600 مانيول فهتجيب ال 100 في حوالي 12 او اقل عللى اسوء تقدير

انا عندي 1300 مانيول بتجيب 100 في 12 ثانيه توب سبييد 190 اخر سرعه عرفت اجيبها

اما طبعا لما تشغل التكيف لو هيا اوتو مش هتبقى بطه بلدي دي هتبقى معزه

وعلى العموم العبره بالسائق مش بالعربيه لان السائق هوا اللي يقدر يطلع اعلى اداء العربيه وربنا يباركلك في العربيه

[mohamedway]

للعلم الاوبل أسترا فيه منها كتير 1200 سىسى و بعدين بدأوا ينزلوها ب محرك 1600 سىسى مؤخرا وواضح جدا ان حضرتك كنت بتشد مع أسترا 1200 سىسى.

[shooter123]

متشكر لردودكم وحكاية حساب زمن التسارع دي انا مجربتهاش بس العربية حلوة معايا في الكيك داون ومش معزة ولا حاجة
ده انا عامل الموضوع ده كله عشان اثبت انها مش معزة
وشكر للاخ محمد واكيد هي فعلا كانت 1200 سي سي لانها كانت بتنهج اوي اوي بس ارجع وااقول انها امكانيات سواق قبل ما تكون امكانيات عربية
وشكرا لردودكم

[zoro007]

سؤال بسيط عرفت منين ان الاوبل استرا 1600 :]

احتمال كبير تكون 1200 سى سى بس

لانى قبل مشترى المكوه كنت هشترى اوبل استرا وكل اللى شوفته تقريبا للاسترا كان 1200 سى سى لحد مكرهتها

فأحتمال اكيد اللى كنت بتشد معاه كان 1200 سى سى مش 1600

وموتور المكوه مش ضعيف ولا حاجه بالعكس عزمه كويس جدا لكن بيبقى سحبه مش اد كدا فى الاوتماتك وتحميل العربيه بوزن زائد وتشغيل التكيف يعنى 3 عوامل صعب انها تتوافر مره واحده

[shooter123]

ايوة كدا عايزين نعرف الناس ان اللانسر المكواة مظلومة يكفينا انها كربراتير ولا تستهلك بنزين وبتغنينا عن مشاكل الحساسات وقرفها

[seadaelbeda]

كربراتير يعنى بتاخد بنزين 80؟؟؟؟؟؟؟؟؟؟؟؟؟؟؟؟؟؟؟؟؟؟؟
حضرتك بتحطلها ايه 80 ولا 90

[shooter123]

انا بحطلها 92 بس هي ممكن تمشي ب 80 وده من ضمن الاسباب اللي رافعه سعر العربية وكل ما البنزين يرتفع سعره كل ما العربية دي بالذات يرتفع سعرها نظرا لامكانية تمويلها ببنزين 80 دون التأثير علي اداء السيارة

[mando_07]

انا شفت هنا ناس كتيرة بتقول علي المكواة ضعيفة لان موتورها 1300 وخصوصا لما تبقي اوتوماتيك ويلهوي بقي لو شغلت التكييف
بصراحة انا العربية معايا زي الفل داخل المدينة سواء بالتكييف او بدون
لكن امبارح وانا راجع من القاهرة كنت بالليل يعني مفيش ردار وانتوا عارفين بقي يعني ايه مفيش ردار
مسكت واحد باوبل استرا سخنته واديته دروس في كيفية لعب اندر جراوند علي الزراعي وانا موتوري 1300 وهو 1600 وسمعت صوت موتوره وعرفت انه مانويل يعني المفروض يحرق عني كمان لاني انا اوتوماتيك
وكنت بهدي لما افرق منه عشان استناه
المهم بعد ما الواد اتعقد في عيشته مشفنيش تاني فتحت انا بقي 140 والعربية والله قمة في الثبات والهدوء بسبب العزل الداخلي ومراتي كانت جنبي مكنتش بتحس بالسرعه بس كانت بتحس بالغرز
وطبعا عشان ربنا مبيسبش بعتلي واحد بمازدا 3 عقدني
خلاصة التجربة
العربية مظلومة من ناس كتير لمجرد انها 1300 سي سي واللي يقولك ده انت لو شغلت التكييف حتبقي راكب بطة بلدي
وللعلم وانا رايح كنا الصبح ومشغل التكييف بس للاسف كان في ردار يعني اخري كان 90 زراعي بقي
يمكن الناس اللي جربت العربية كانت تجربهم بعربية حالاتها مش ولا بد فحكموا عليها حكم ظاااااااااااااااااااااااااااااااااالم
انا مش متحيز عشان هي عربيتي بس دي تجربة واقعية حبيت انقلها لاصحابي هنا علي المنتدي
واسف علي الاطالة

يا كبير اللي انت شديت معاها دي استرا 1200cc مانوال التانية بتبقى 1600cc a\t وفيها sport drive ودي مستحيل تطلع منها على طريق سريع بموتور المكوه ممكن تطلع منه أول تاني بس لكن سريع لأ
وأخيرًا الجري مش كل حاجة والمكوه حلوة محدش قال انها ضعيفة ولا حاجة بس متقارنهاش بمواتير 1600 عشان كده تبقى بتظلمها

[shooter123]

والله عندك حق يا ماندو وانا مش بقارنها بس حبيت اعرف الناس انها مش وحشة بل العكس هو الصحيح
وشكرا علي معلوماتك عن الاسترا ومشكور علي مرورك وردك