موضوع خاص باللانسر شارك

[kemoelord]

السلام عليكم ورحمة الله وبركاته :_

دلوقتي انا استفسار بخصوص ماء الريداتير هل من الممكن تغييره في التوكيل ولا هناك بيقوموا فقط بتزويد الماء في حالة النقصان ؟ ولو ممكن تغييره بيتغير عند كام كيلو ؟ لان بصراحه مش عاوز اغير الماء خارج التوكيل نظرا لعدم الثقه في نوع الماء الموجود بالاسواق , وهو انا ممكن اروح التوكيل علشان اغسل الموتور مثلا واغير ماء الريداتير بدون ما اعمل صيانه ولازم احجز قبلها ولا مش لازم ؟ هي العربيه عامله حوالي دلوقتي 5000

[mada121977]

السلام عليكم ورحمة الله وبركاته :_

دلوقتي انا استفسار بخصوص ماء الريداتير هل من الممكن تغييره في التوكيل ولا هناك بيقوموا فقط بتزويد الماء في حالة النقصان ؟ ولو ممكن تغييره بيتغير عند كام كيلو ؟ لان بصراحه مش عاوز اغير الماء خارج التوكيل نظرا لعدم الثقه في نوع الماء الموجود بالاسواق , وهو انا ممكن اروح التوكيل علشان اغسل الموتور مثلا واغير ماء الريداتير بدون ما اعمل صيانه ولازم احجز قبلها ولا مش لازم ؟ هي العربيه عامله حوالي دلوقتي 5000

التوكيل بيقوم بتغيير مياه الريداتير وتنظيف دوره المياه به بالكامل .. والتغيير يتم على حسب حاله المياه الموجوده يعنى كل صيانه هما بيكشفوا على المياه واذا كانت محتاجه للتغيير بيتم تغييرها بس غالبا على صيانه ال 80 الف كم.. بالنسبه للحجز دلوقتى التوكيل (سابقا ) بتروح من غير حجز واهم حاجه تروح بدرى على الساعه 8 صباحا ..بس صحيح انت لسه عامل 5000 الاف كم فقط يعنى لسه بدرى جداا على تغيير مياه الريداتير !!

[kemoelord]

طبعا شكرا على رد حضرتك ,اصل انا كنت بغسل في بنزينه الوطنيه ودول لازم يعملوا شغل وخلص سواء كانت العربيه جديدة ام مستعمله فجه واحد كده قالي افتح الكبوت وشاف ماء الريداتير وقالي يعني ان فيه املاح فقولتله ازاي دي العربيه عامله 5000 قالي لا وكده فقلقت فقولت اسال وكده ,, وبالنسبه لغسيل المحرك اغسله في اي بنزينه وخلص ولا اغسله احسن في التوكيل ؟؟

[mada121977]

لا بلاش البنزينه دول خالص .. دول عاوزين يعملوا شغل عليك وخلاص والواد تلاقيه ولا فاهم فى البطيخ حتى .. خليك مع التوكيل ان شاء الله عند ال 80 الف كم

[مصراوي جدا]

انا كنت عملت موضوع تحذيري في المنتدى العام من عمال محطات البنزين لما بيجوا لصاحب عربية (والمصيبة انها كمان بتكون عربية جديدة) ويقنعه ان ماية الردياتير عنده محتاجة تغيير ويحط له سائل مركز جدا بياكل الردياتير ويسبب حدوث ثقوب فيه وده حصل بالفعل كذا مرة في عربيات لانسر موديلات 2008 و 2009

طبعا الموضوع ده ما عرفناهوش في التوكيل الا بعد لما تم تغيير ردياتير في الضمان واليابان طلبت ارسال الردياتير لها للفحص الدقيق ونتيجة الفحص كانت ان سائل التبريد مركز جدا وهو اللي سبب تآكل الردياتير من جوه وبالتالي فالحالات اللي زي دي خارج الضمان

الخلاصة يا ريت محدش يستجيب لعمال محطات البنزين معندمي الضمير اللي بيقنع صاحب عربية زيرو ان ماية الردياتير عنده لازم تتغير رغم ان هي بتتغير عند ال 80 أو 100 ألف كيلو كمان

[kemoelord]

شكرااااااااا ليك يا استاذ طارق على ردك , يعني كده انا اطمن ان الماء مش هتتغير دلوقتي خالص , طيب هل فعلا التوكيل بيكشف عن الماء في كل صيانه ولو محتاجه تتغير بيغيرها ؟ وانا دلوقتي بفكر اروح اغسل المحرك وزي ما الاستاذ mada قالي خليك مع التوكيل فهل لازم احجز قبلها واروح ولا ممكن اروح في اي وقت على اعتبار انها مش صيانه ومجرد بس غسيل محرك ؟,,,,,,

[bmw3m007]

العربيه دي عامله معاك ايه ,, هل فعلا ضعيفه زي ما بيتقال عنها ؟ و خامات التابلوه عامله ايه و التقفيل ؟ و رأيك فيها ايه عموما كده ؟

[kemoelord]

العربيه دي عامله معاك ايه ,, هل فعلا ضعيفه زي ما بيتقال عنها ؟ و خامات التابلوه عامله ايه و التقفيل ؟ و رأيك فيها ايه عموما كده ؟

العربيه الحمد لله كويسه ,وبالنسبه لموضوع ضعيفه انا مش فاهم يعني ايه بس لو حضرتك قصدك على السحب فهو ممتاز وانا عن نفسي راضي بيه , خامات التابلوه مش بالجودة العاليه اوي بس ممكن الواحد يتقبلها , التقفيل اكتر من رائع الحقيقه , راي فيها عموما انا عربيه رائعه جدا واقتصاديه وعاليه عن الارض وده عيب وميزة في نفس الوقت , التكييف والفرامل والباور والثبات كويسين جدا , الشنطه بس صغيره جدا وده من عيوبها