عيوب لانسر

[hegazy]

يا جماعة اي سيارة زي ما لها مزايا اكيد ليها عيوب
وزي ما في ناس بتشتري في ناس بتبيع
انا ناوي اشتري الاسبوع الجاي ان شاء الله
ممكن اسمع نصائح الناس الي بتبيع لانسر؟ فيها عيوب اية غير ارتفاع سعر قطع الغيار؟

[Dr Ahmed]

السيارة عندى من 4 شهور تقريبا وبفضل الله مقدرش أقول ان فيه عيوب لكن فيه حاجات كنت متوقعها أحسن من كده...

مثلا استهلاك البنزين، عموما (مدينة وعلى السريع سويا) حوالى 12 ونص كيلو للتر 92 ، (كان عندى سيارة كانشيل 850 سى سى بتعمل 20 كم فى اللتر 90)
التكييف كنت فاكره هيكون جبار لأنها خليجى ووجدته عادى خالص حتى فيه صفارة رخمة لو قفلت الهوا الخارجى...

غير كده تقريبا مافيش حاجة تستاهل التعليق السلبى، سحبها ممتاز وقوية وناعمة وثابتة وصالونها واسع وشنطتها واسعة...

[ABU HAMZA]

أهم مشكله لها هي و اليباني عموما

تغيير الشكل كل عامين، و لو لا تفرق معاك موضوع تغيير الشكل فهي ممتازه و بالتوفيق

[lord]

انا معايا لانسر 1600 وشايف انها عربيه ممتازة وكل عيوبها بسيطه جدا يعنى مثلا الشكل لكنها افضل سياره فى حدود سعرها

[Abonora]

مثلا استهلاك البنزين، عموما (مدينة وعلى السريع سويا) حوالى 12 ونص كيلو للتر 92 ، (كان عندى سيارة كانشيل 850 سى سى بتعمل 20 كم فى اللتر 90)

هيا كام cc بالمناسبة؟؟

[Dr Ahmed]

1300 cc manual

[Abdallah]

Re: أهم مشكله لها هي و اليباني عموما

تغيير الشكل كل عامين، و لو لا تفرق معاك موضوع تغيير الشكل فهي ممتازه و بالتوفيق

الشكل الحالى للانسر والذى يطلق عليه البومة منذ سنة 2003 والشكل الحالى للتويوتا منذ سنة 2002 , اين هوا التغيير كل عامين الذى تتحدث عنه سيادتك ؟

[M_ElSabaa]

العربية ممتازة ومفيش فيها تقريبا مشاكل لو انت هتجييب زيرو يبقى ان شاء الله مش هتشوف اى مشكلة وتوكل على الله

[Sharky]

السلام عليكم

خلى بالك التوكيل بتاعها مقرف و دا عن تجربة لما كان معايا لانسر و مهندهومش ضمير

[Ramytoyota]

اوعى تجبها 1300cc و لا تكون بضمان الوكيل

1300 سحبها وحش و خصوصا فى السفر و بالاخص لو العربية راكب فيها خمسة او حتى اربعة و بالنسبة للوكيل هو وكيل ضعيف جدا جدا انا روحت مرتين و بعد كدة حلفت ما هروح تانى

[ahmed-moga]

هقول لحضرتك هات 1600 الجديدة 2010 الخليجي الكويتي اللي بضمان الرواس عليها ضمان 3 سنوات او 100000 كيلو ايهما اقرب وكمان الفتيس بتاعها تربتونك وشكل الطارة والعدادات اتغير وبلاش 1300 ومتغلطش غلطتي اللي بندم عليها لحد دلوقتي ومش عارف اصلحها علشان خلاص مش هاينفع

[fox4]

هقول لحضرتك هات 1600 الجديدة 2010 الخليجي الكويتي اللي بضمان الرواس عليها ضمان 3 سنوات او 100000 كيلو ايهما اقرب وكمان الفتيس بتاعها تربتونك وشكل الطارة والعدادات اتغير وبلاش 1300

[DeMhA]

مثلا استهلاك البنزين، عموما (مدينة وعلى السريع سويا) حوالى 12 ونص كيلو للتر 92 ، (كان عندى سيارة كانشيل 850 سى سى بتعمل 20 كم فى اللتر 90)
التكييف كنت فاكره هيكون جبار لأنها خليجى ووجدته عادى خالص حتى فيه صفارة رخمة لو قفلت الهوا الخارجى

حضرتك دلوقتى بتقارن 850 سي سي بـ 1300 سي سي أكيد ال800 اقل فى الاستهلااك بالمنطق

اما بالنسبة للتكييييييييييييييف فمش عارف انا معايا خليجى بس 1600 مفيييش المشكله دى والتكيف بتاعها حلو جدا ومشكلة الصفارة دى ماظهرتش الا بعد فترة ودى معناها ان فلتر التكيف محتاج يتنظف وفيه نقطة مهمة ان فى الشتا على الاقل كل اسبوع تشغل التكيف مرة واحده

اما من رايي فالعربية امام نظيرها من عربيات من نفس الفئة فافضل بكتييييييير ودا كلامى على البومة او الشكل القديم لأنى لغاية وقتنا الحالى مؤمن انها افضل من الشكل الجديد الشارك حتى يثبتلى العكس

فلو ليها عيوووووب فعيبها الوحييييد عدم اهتمامهم بالشكل والمظهر والتابلووه فالعربية دى محتاجة منك شغل علشاااااان تحليييها بس سمعت انى 2010 فيها شوية تعديلات فى التابلووووه

[ahmed322]

عن تجربه اشترى 1600 موديل 2010 فى تغيير فى الفتيش وشكل العدادات وعلى فكره تكييف العربيه حلو برده وهى اساسا عربيه تستحق الشراء بس المشاكل اللى فيها انا اللى وجهتها لما جبت عربيتى لانسر 1600 سى سى موديل 2009 التوكيل سئ جدا جدا جدا مش يليق بشركه متسوبيشى خالص استهلاك البنزين عالى شويه بس برده ارجع واقولك على حسب الاستخدام يعنى بتمشى سريع هتسحب كتير بتمشى هادى هتسحب عادى جدا وهتلاقى البنزين معاك كويس اوى هو دا بس اللى انا شفته فى العربيه

[DeMhA]

هو ممكن يكون العيب اللى فيها (بس دا انا مش شايفه عييييب اللى يشوفه عيب اللى اتعود على البور الكهربا ) انه بورها زييييت فتحس انى البور تقيل معاااااااك بالذات فى الزحمة وداخل المدينة