تعديل عدادات الكريستالة rpm

[casper_Dj30]

انا معايا عربية كريستالة اتوماتيك العداد فيها من غير rpm
هل لو جبت طقم عدادات استيراد بتاعها الاصلي اللي فية rpm هيركب عادي
و لا هاعدل حاجة
بمعني اخر هل العربية مجهزة اني اشيل القديم و اركب الجديد علي طول و لا لازم اعدل في حجة
انا عارف ان عربيات زي الفيرنا مثلا فيها الفيشة بتاعة rpm يعني لو غيرت طقم العدادات هتشتغل علي طول
هل الكريستالة كدة برضة؟؟؟

[HeMa_LanCeR]

علي حسب بس مدام هي اوتو يبقي 98% هيشتغل علي طول
ولو مشتغلش مش بيحتاج اكتر من سلكه بتطلع من الموتور في 5 دقايق

[casper_Dj30]

شكرا يا هيما و الله كنت حاسس ان انت اللي هترد
بس ممكن اركبة بايدي و لا اي كهربائي ممكن يركبة و لا لازم واحد محترف؟؟

[bmya]

يركب عادي يباشا ا

[momo44]

انت هتبدله وتدفع فرق ولا هتشترى واحد على طول

[casper_Dj30]

مش عارف و الله يا مومو انا قولت اتأكد الاول و بعدين اسئل بقة ممكن ابدلة و لا لا

[armadillo]

بص يا باشا ، انا معايا لانسر ٩٩ اوتوماتيك gl و غيرت العدادات علشان ال ار بي ام (glx) والحكاية سهلة جدا هاتفك دة وتركب دة مكانه بنفسك!
بس خللى بالك لازم العدادات الجديدة يكون فيها مؤشرات نقلات الاوتوماتيك (هى لمبات خضراء صغيرة جنب رموز النقلات،)
وعداد السرعة لازم يكون زي اللي معاك، يعنى لو اللى عندك آخره ٢٠٠ كم لازم تجيب العدادات فيها عداد السرعة اخره ٢٠٠ برضة علشان انا قبلها كنت جبت واحد اخره ٢٢٠ و ركبته بس ال ار بي ام كان بيرعش و يبرجل و رجعته و جبت اللي معايا وزي الفل و اشيك من القديم
لكن العيب الوحيد ان عداد الكيلوات اللي جاي فيه كان عامل ٢٤٥٠٠٠كم و القديم الاصلي كان عامل ٩٣٠٠٠ كم و قلت ايامها مش مشكلة لانى مش هابيعها !
هو دة هايبقى المشكلة بس ان العربية هاتبقى عاملة كيلوات ماحصلتش !
اتمنى اكون افدتك وتحت امرك لأى استفسار او سؤال .

[momo44]

انت بدلت ولا اشتريت
والسعر او الفرق كان عامل كام

[armadillo]

انت بدلت ولا اشتريت
والسعر او الفرق كان عامل كام

لا انا اشتريت ، لان كان التاجرعايز يحسب القديم ب ٥٠ جنية قلت لا طبعا اخليه عندى احتياطي ، و اللي جبته كان سعره ٢٥٠ جنية بس دة من سنة ٢٠٠٤