مبروووووك المتسوبيشى راحت ابو الفتوح

[ahmed-moga]

اولا : بالنسبه لصاحب الموضوع عاوزين مصدر الخبر ده لاننا عاوزين نتاكد

ثانيا :- انا واحد من الناس مش بثق في تقفيل الكوري ولا المصري ولا المغربي ولا حتى الجنوب افريقي(الي يوم ما سمعت الكرولا هتتقفل هناك قولت الله يرحمها ) ومفش احسن من تقفيل بلد المنشأ الي بتنتج عربيات محترمه زي اليابان والمانيا وامريكا وايطاليا وفرنسا

ثالثا :- بالنسبه للنسيان صني انا بحترم العربيه دي جدا وهي ممتازه جدا جدا لكن الي خلى عيوبها تظهر بسبب .... التقفيل المصري الي بهت عليه زي الفرش والتقفيل الداخلي للعربيه من تابلوه وكراسي وغيره

رابعا : التقفيل المصري يحترم فقط فقط فقط في المرسيدس والbmw (اذا كانت بتتقفل هنا ) لان الموضوع حساس جدا بالنسبه للماركات دي والشركه الام من اهم وافضل الشركات في العالم فلن تقبل باي هفوات في منتجاتها ,ده غير ان العربيات بتتباع بنصف مليون ومليون واكثر من كده فمش من المقبول الواحد كمان يجي يشتريها يلاقي فيها عيوووووووووووووووب !

خامسا : الميتسيوبيشي علشان طول عمرها بتتقفل في اليابان بنسبه 100% فما ظهرش فيها عيوب تذكر وكانت الناس مبسوطه منها والكلام ده من ايام التسعينيات حتى 2010 فيوم ما تتقفل فيه مصر هنتبدي نشوف المشاكل الي بنشوفها في معظم العربيات الي بتتقفل هنا وانا اضمنلكوا انها مش هتبقى زي الاول وبعدين الدنيا مش ناقصه دماااااااااااااااار

+111111111111111111111111111111111111111

الموضوع ده لو حصل صح فااللي معاه لانسر يحتفظ بيها ولو حب يبعها سعر أعادة

البيع هيكون عالي في مواجهة اللانسر تقفيل مصري

[mada121977]

موضوع تقفيل البوما هنا فى مصر اعتقد بنسبه 100% انه لن يتم نهائيا وكلها اشاعات وخلاص .. متسوبيشى الام معتقدش انها هاتوافق على الموضوع ده هما عاوزين عربياتهم زى ماخرجت من عندهم محدش يصنعها غيرهم والا كانوا عملوا الموضوع ده من زمان ... بالنسبه لمين اللى هيروحله التوكيل فاتمنى انه يكون الحبتور وليس ابوالفتوح

[Ahmed Nouh]

لسه مفيش اخبار اكيده عن مين اللى أخد التوكيل ولسه موضوع الرواس نفسه مخلصش اساسا

اخبار ان حد خلاص خد التوكيل دى هنشوفها كتير الفتره الجايه , متستعجلوش

وشخصيا , متحمس جدا جدا جدا لتجميع البومه فى مصر لو اخدها ابو الفتوح

اهو اخيرا سعرها ينزل بقا شويه وتعرف تنافس صح فى السوق

[mmffor]

الكلام ده إشاعه ياريت ذكر المصدر لأن الكلام كله دلوقتي على الحبتور مش على ابو الفتوح

الحبتور ده توكيل ميتسوبيشي في الامارات و سمعته محترمه جدا

[mohamedwahid]

طبعا الخبر مش اكيد

[human]

والله شعب غررررريب

يجيب العربيه من اى حته فى العالم الا بلده

معلش بس حضرتك راكب تيدا ليه و مش نيسان صنى او حاجه متجمعه فى بلدك؟

[mahamedaraby]

معلش بس حضرتك راكب تيدا ليه و مش نيسان صنى او حاجه متجمعه فى بلدك؟

ايه البديل فى التقفيل المحلى لتيدا

وبالنسبه للنيسان صنى التيدا كفئه اعلى فعلشان كده انا جبتها ومجبتش الصنى

وبعدين مش كفايه ال 128 ومكتوب عليها نصر وبتورينى الصناعه المصريه بجد كانت ممكن توصل فين

انت تعرف ان شركه النصر للصناعه السيارات كانت بدا تصنيع وتجميع قبل شركه هيواندى وكانت عامله شراكه مع اكبر الشركات فى الوقت ده وهى فيات وكانت ممكن تنقل التكنولوجيا بتاعتها بكل سهوله بس للاسف ولا حكومه ولا شعب عندوا استراتيجه واضحه فى مجل تصنيع السيارات

[human]

ايه البديل فى التقفيل المحلى لتيدا

وبالنسبه للنيسان صنى التيدا كفئه اعلى فعلشان كده انا جبتها ومجبتش الصنى

وبعدين مش كفايه ال 128 ومكتوب عليها نصر وبتورينى الصناعه المصريه بجد كانت ممكن توصل فين

انت تعرف ان شركه النصر للصناعه السيارات كانت بدا تصنيع وتجميع قبل شركه هيواندى وكانت عامله شراكه مع اكبر الشركات فى الوقت ده وهى فيات وكانت ممكن تنقل التكنولوجيا بتاعتها بكل سهوله بس للاسف ولا حكومه ولا شعب عندوا استراتيجه واضحه فى مجل تصنيع السيارات

عارف يا فندم و احنا فى نفس المرحله من ايام العربيه رمسيس

[hugan]

المو ضوع ده لو جد يبقي عليه العوض في اسبرانزا ابو الفتوح ها يهملها ويتجه للا نسر بس ها يخلي الا نسر العربيه رقم 1 في مصر الراجل ده عقليته تجاريه 100/100 ويعرف يخلي اي عربيه تنجح من ايام الدايو وها يعرف يخليها رقم واحد حتي لو مش جايه من بلد المنشاء

[mahamedaraby]

المو ضوع ده لو جد يبقي عليه العوض في اسبرانزا ابو الفتوح ها يهملها ويتجه للا نسر بس ها يخلي الا نسر العربيه رقم 1 في مصر الراجل ده عقليته تجاريه 100/100 ويعرف يخلي اي عربيه تنجح من ايام الدايو وها يعرف يخليها رقم واحد حتي لو مش جايه من بلد المنشاء

فعلا واالله الراجل ده عقليه محترمه جدا وبيعمل على مبدا الانتشار يعنى ينزل عربيه كويسه وبسعر قليل حتى لو هيخسر فيها المهم تنتشر فيتوفر ليها قطع غيار و سوق اعاده بيع بعدين يعلى السعر شويه وكده

دى كفايه الاسبرانز اللى محقق نجاح معاها عمر شركه الصين ما تحلم بيه فى مصر ده واخد تانى اكبر موزع فى العالم

والاسبرانز دى اللى هى شيرى اصلا لسه مع توكيل سعودى جروب ومعرفش يعمل بيه اى حاجه خلاص

[el931]

لو الموضوع حقيقى فعلا ً ان ابو الفتوح هيجمع العربية فى مصر يبقى مش فل ودة :-
اولا ً تجربة غبور مع الاكسنت القديمة وعندما تم تجميعها فى مصر بعد ان كانت كورى من مشاكل وعيوب فى التقفيل وكان
- لابد من ادخال صناعات مصرية بقيمة 10 % من ثمن السيارة حتى يكتب عليها انها محلى مثل البطارية والكاوتش والشكمان والفرش الداخلى والزجاج .... وجميعها نقاط ضعف بالعربية
- ممكن تشوف قريب جدا ً قطع غيار صينى للسيارة وتحت بير السلم مش قطع غيار معتمدة
- النيسان الصنى من بعد 2002 اصبحت مصرى وتلاقى واحد معاة موديل 2001 ومعتز بيها جدا ً خصوصا ً لما يشوف الحديث منها ويقول " انا عربيتى يابانى " واكيد الكلمة دى تعنى الكثير من اختلاف فى التقفيل والجودة فى الخامات وغيرها
انا شايف ان الميتسوبيشى تقف الان على قدم المساواة مع التويوتا بل - وجة نظرى الشخصية - ان الانسر فاقت التويوتا بعد ان تم تجميع الاخيرة فى جنوب افريقا (كأيدى عاملة فقط وبخامات يابانية )
تفتكر الميتسوبيشى المصرى هتكون مكانها فين بين العربيات ؟؟!!

والله شعب غررررريب

يجيب العربيه من اى حته فى العالم الا بلده

يعنى رحتوا دفعتوا 150 الف جنيه فى عربيه جنوب افريقى اول مره نسمع انها بتصنع عربيات وقولتوا تويوتا ومش هتاختر باسمها

رحنا جبنا اللوجان التقفيل المغربى واللى ظهر فيه بعض العيوب اللى بالنسبه لمالكها زى العسل لانها فقط مش تقفيل مصرى

العربيه الافيو الكورى اللى ظهر فى مشاكل السماء والارض وهى كورى البرضوا الناس بتشترى الكورى المعيوب وتصيب الافيو التجميع المحلى

النيسان صنى اللى متجمعه فى مصر الناس عماله تتطلع مشاكل من الهواء فيها وعمرها ماركبوها ويقولك هيحصل زى اللى حصل فى الصنى لما اتفقلت هنا ومنتدى النيسان موجود يشهد بينا لو فيه مشاكل حصلت اصلا واللى كفيل التوكيل بتاعتها يحلها بدون اى تعب

ده حتى الاستاذ سبعاوى اللى رايه شهاده لوحده بالنسبه ليا قالك ان مفيش فرق فى تفقيل النيسان الصنى والتويوتا كورولا بتاعته الجنوب الافريقى هى بس فرق فى الخامات عايزن ايه اكتر من كده

ونيجى فى الاخر نقولك التجميع المصرى وحش

ونيجى نقولك لما ابو الفتوح يجمع الانسر هتبقى وحشه هو مش ابو الفتوح اللى مجمع الانوس واللى اكتر عربيه مبيعه فى مصر وكمان من اكتر العربيات اعتماديه ليه دلوقتى بقى وحش

السلام عليكم استاذ / محمد
اعتقد انك كتبت مشاركتك بعد ما قرأت مشاركتى والاثنين موجودين بالاعلى وما ذكرتة انت بخصوص النيسان الصنى فإسمح لى ان اقول لحضرتك
بداية انا عندى قناعة قديمة بأنة عندما يسألنى او ارى شىء جديد تم شراؤة بالفعل اقول لصاحبها الف مبروك يعنى خلاص اشترى ولا اذكر عيوب لانة اشترى بالفعل بمعنى انى لست من هواة النقد ولكن :-
اولا :- بالنسبة لاتهامك لنا " بشعب غريب وعدم تشجيع الصناعة الوطنية " فاسمح لى وانا لى تجربة مع سيارة اكسنت موديل 2001 تقفيل مصرى
- استلمت السيارة من الصالة وقبل ان اصل بها الى منزلى عدت للصالة لارجاعها لانى حسيت انى راكب ( وابور زلط ) مش عربية زيرو وكانت النتيجة الذهاب للتوكيل وضبط زوايا ورصرصة العجل مع التربيط على العفشة مع تغيير مسمار كما ذكروا لى فالتوكيل وطبعا ً عطل وحرقة دم وانا شارى عربية زيرو المفروض تستمتع بالرحلة خاصة وان المسافة بين القاهرة واقامتى تتجاوز 800 كم
* اليس هذا عيب تقفيل مصرى ؟!
- واثناء فترة الضمان على السيارة وهى ( 20 الف كم او سنة ) قمت بتغير اولا ً صرة وبلى واولسيل للعجل الامامى
- ثم تغيير مساعد وشمعدان وصرة وبلى واولسيل لنفس العجلة على الضمان وان كان اخدوا منى فالمرة الثانية 1000 جنية ! لسيارة سرت بها اقل من 20 الف كم مع العلم انى حريص جدا ً عليها واظن انى محافظ الى حد الوسوسة
* اليس هذا بعيب تقفيل مصرى ؟!
- الشكمان لم يكمل الشتاء - الكاوتش المصرى نسر لم يكمل عامة الاول واستبدلتة لسوء حالتة - الفرش الداخلى قمت بإعادة تنجيدة لشعورى انى اجلس على صبة خرسانة وليس اسفنج ....
* اليس هذا عيب فالتقفيل المصرى ؟!
الان معى لانسر 2010 من 6 شهور وسرت بها قرابة 11500 كم والحمد لله الفارق شاسع بين المصرى واليابانى
.... اما بخصوص النيسان فهى قريبة منى ومع ابن خالى موديل 2001 يابانى وهو للامانة مصدر معلوماتى عنها وان كنت ركبتها على فترات وعربية ممتازة
اما النيسان المصرى فأنا لم انال شرف قيادتها وان كانت اسمع كثيرا ً عن اختلاف جودتها عن اليابانى ( واعتقد انة من خلال تجربتى السابقة مع التقفيل المصرى مع الاكسنت ستلتمس لى العذر فى تصديق هذا الكلام )
كما انة لم يشكر مرة فالتوكيل الخاص بنيسان
وفالنهاية تقبل تحياتى

[king1974]

ميتسوبيشى ... لانسر ... من أبو الفتوح ...عليه العوض ومنه العوض

[bmya]

السلام عليكم استاذ / محمد
اعتقد انك كتبت مشاركتك بعد ما قرأت مشاركتى والاثنين موجودين بالاعلى وما ذكرتة انت بخصوص النيسان الصنى فإسمح لى ان اقول لحضرتك
بداية انا عندى قناعة قديمة بأنة عندما يسألنى او ارى شىء جديد تم شراؤة بالفعل اقول لصاحبها الف مبروك يعنى خلاص اشترى ولا اذكر عيوب لانة اشترى بالفعل بمعنى انى لست من هواة النقد ولكن :-
اولا :- بالنسبة لاتهامك لنا " بشعب غريب وعدم تشجيع الصناعة الوطنية " فاسمح لى وانا لى تجربة مع سيارة اكسنت موديل 2001 تقفيل مصرى
- استلمت السيارة من الصالة وقبل ان اصل بها الى منزلى عدت للصالة لارجاعها لانى حسيت انى راكب ( وابور زلط ) مش عربية زيرو وكانت النتيجة الذهاب للتوكيل وضبط زوايا ورصرصة العجل مع التربيط على العفشة مع تغيير مسمار كما ذكروا لى فالتوكيل وطبعا ً عطل وحرقة دم وانا شارى عربية زيرو المفروض تستمتع بالرحلة خاصة وان المسافة بين القاهرة واقامتى تتجاوز 800 كم
* اليس هذا عيب تقفيل مصرى ؟!
- واثناء فترة الضمان على السيارة وهى ( 20 الف كم او سنة ) قمت بتغير اولا ً صرة وبلى واولسيل للعجل الامامى
- ثم تغيير مساعد وشمعدان وصرة وبلى واولسيل لنفس العجلة على الضمان وان كان اخدوا منى فالمرة الثانية 1000 جنية ! لسيارة سرت بها اقل من 20 الف كم مع العلم انى حريص جدا ً عليها واظن انى محافظ الى حد الوسوسة
* اليس هذا بعيب تقفيل مصرى ؟!
- الشكمان لم يكمل الشتاء - الكاوتش المصرى نسر لم يكمل عامة الاول واستبدلتة لسوء حالتة - الفرش الداخلى قمت بإعادة تنجيدة لشعورى انى اجلس على صبة خرسانة وليس اسفنج ....
* اليس هذا عيب فالتقفيل المصرى ؟!
الان معى لانسر 2010 من 6 شهور وسرت بها قرابة 11500 كم والحمد لله الفارق شاسع بين المصرى واليابانى
.... اما بخصوص النيسان فهى قريبة منى ومع ابن خالى موديل 2001 يابانى وهو للامانة مصدر معلوماتى عنها وان كنت ركبتها على فترات وعربية ممتازة
اما النيسان المصرى فأنا لم انال شرف قيادتها وان كانت اسمع كثيرا ً عن اختلاف جودتها عن اليابانى ( واعتقد انة من خلال تجربتى السابقة مع التقفيل المصرى مع الاكسنت ستلتمس لى العذر فى تصديق هذا الكلام )
كما انة لم يشكر مرة فالتوكيل الخاص بنيسان
وفالنهاية تقبل تحياتى

بصفتي احد لاك عربيه ياباني تجميع مصري
اولا بس حضرتك بتقول انك كنت قرفان من الاكسنت عشان تجميع مصري ولما ركبت لانسر تجميع ياباني حسيت بالفرق
اصلا ما ينفعش تقارن اللانسر بالاكسنت لان اللانسر لو تجميع كفر البلاص هتبقى احسن من الاكسنت القديمه دي ولو حضرتك ركبت الصني التجميع المصري العقيم على كلام حضرتك برده هتحس بفرق رهيب بينها وبين الاكسنت
بالنسبه للصني
عيوب التقفيل المصري هقولهالك زي منا حسيتها في عربيتي موديل 2008 ومن يوم ما جبتها اقسم بالله ما عملتها اي صيانه اطلاقا غير صيانه ال 1000 كيلو وتغيير الزيت فقققققققط لا غير والحمد لله زي الفل وبعاملها معامله الجيب لدرجه اني لما يبقى ورايا مشوار في منطه ارياف مثلا او مكسره بركن السيريون وباخود النيسان على اساس انها جيب مثلا

مثلا الكاوتشات اللي على الزجاج بتاع الابواب بتنشف من الشمس تقريبا وبتعمل صوت مع
نزول الزجاج وطلوعه
عندي المسوجر بتاع الباب الششمال الخلفي احيانا بيعلق وده من التراب وانا متأكد من كده
الفرش بتاع الكراسي ناشف قويي ومتعب فعلا العدادات دخلها بعض التراب

دي المعيوب اللي ابلتني في العربيه وكلها حاجات بسيطه جداااا وممكن تظهر في اجدع عربيه متقفله بره مصر
لكن نيجي لاساسيات العربيه الموتور والعفشه والاكصدامات والابواب والشنطه كلها تمام وزي الفل ومفهاش غلطه
يبقى العيب بقه في شويه حاجات بلاستيك متعبش العربيه اصلا
وده رأئي انا
وفعلا احنا عنددنا عقده الخواجه وعشان المصانع عارفين كده محدش عمره هيفكر يصنع عربيه مصري او حتى يجمعها في مصر
وعلى فكره انا اللي مرضتش اجيب لانسر مع اني والدي كان بيقولي نجيب لانسر احسن وانا مع حبي للانسر لكن استخسرت اجيبها لانها سعرها مبالغ فيه بجد ومفهاش حاجه زياده عن الصني غير الشكل
واخترت الصني لاني مقتنع بها الصراحه

وعموما لو اللانسر اتجمعت هنا هتفقد ميزه مهمه جدا في السوق المصري وهي التجميع الياباني وكن ناس كتير تبعد عنها فعلا

[l0new0lf]

انا ليا 2 اصحابى معاهم نيسان واحدة 2010 والتانية 2000 بيقولوا ما فيش فرق غير ان 2010 بتسحب بنزين اكتر

موديل 2000 دة 1300 س س اما 2010 فده 1600 س س

[vedodido]

على العموم بعيد عن التقفيل المصرى والتقفيل الخوجاتى اللى انا سمعته بقى ان الشيخ الحبتور اللى ماسك الميتسوبيشى فى الامارات انه هو دا اللى ممكن ياخد التوكيل فى مصر وفى نظرى ان دا هيكون كويس جدا ويقدر يدى للعربيه حقها هنا فى مصر