اخيرا جيت زينون لكرستاله

[m.aligamal]

الحمد لله اخيرا ركبت زينون و النتيجه ما شاء الله جميله جدا لدرجه انى ندمت على كل لمضه اشتريتها لعربيتى حقيقى فرق تانى بين اللمض الهالوجين و الزينون و هوا تقريبا الصينى hid و ما شاء الله تقفيله عشره على عشره و كرتونته نضيفه جدا و على فكره مش استيراد لمصر يعنى المشتورد بتاعه جايب نفس النوع الى بينزل لدول الاتحاد الاوربى لدرجه ان الكهربائى الى بيركبلى كان معجب قوى بوصلاته و بالفنش بتاعه و شغله وقلى ان الشغل بتاعه ده نضيف قوى و المفاجئه السعر بتاعه مش هتصدقوا 410 ارخص من الى بيتباع عندنا 120 على الاقل و من عضو اتعرفت عليه من المنتدى و هوا راجل محترم جدا جدا من المحله و جابلى الزينون لغايه عندى فى المنصوره و متجرب و شغال على فكره هوا عضو معانا برضه فى الميتسوبيشى و اسمه كابو و رقم التليفون معايا الى عايزه يبعتلى على الخاص عشان ميبقاش اعلان او الاداره لو عايزه اكتب رقم تليفونه تصرحلى بس و الله مش مجامله لحد انا بشكره جدا على الزينون و ان شاء الله يكون فى تعامل تانى فى اقرب فرصه
و شفت الكريستاله بتاعته ما شاء الله مسقطلها ماكنه 1500 و عامل شغل تمام ربنا يباركله فيه و قلى انه سقطها فى المحل و دخل المكنه بتاعته فى الجديده و دفع 2500 و استلم العربيه على التشغيل و ما شاء الله عليها

[ahmed_h_g]

مبرووووووك
الف مبروك وربنا يباركلك فيه
مفيش صور بعد التركيب ؟؟؟

[m.aligamal]

ان شاء الله هصور الفرق بس الصبر شويه عشان اصور فى منطقه ضلمه هوا على فكره 8000 كليفن و لونه ازرق و مش بيضايق الناس فى الواطى بتاعه بس خلى الكهربائى يظبط رجلاش الفانوس عشان يفرش الاضائه على الارض حتحس احساس تانى ان طريقك كله نور و ربنا ينور طرقنا كلنا و يكفينا شر المطبات و النقر و الحفر قادر يا كريم قولوا امين

[kemoelord]

الف مبروووووووووك يا باشا

[m.aligamal]

هو ده صوره الكارتونه بتاعته

http://center.jeddahbikers.com/download.php?img=513156

[IMG]file:///C:/Users/moha/Desktop/25808_362638756727_698911727_3744970_6188457_n.jpg[/IMG]

[m.aligamal]

الكرتونه من الداخل الجهاز و اللمض و الوصلات

[SkyBird]

مبرووووووك
الف مبروك وربنا يباركلك فيه
مفيش صور بعد التركيب ؟؟؟

+1

[Haitham10]

الف مبروك واكيد النور بيفرق و محمد من الناس المحترمة الي تحبها علطول

انا كان عندي سؤال .. هو اللمبة بتاعت الزينون دى الجزء المكشوف من العاكس بتاعها بيكون لفوق ولا لتحت لما تتركب جوه الفانوس ؟؟

[ahmed-moga]

ألف مبروك وربنا يبعد عنك كماين المرور

[maiae]

طيب لو ممكن تقوللى على مكان بيغهم فى المنصورة او القاهرة
انا من سكان المنصورة

[m.aligamal]

يباشا نصحيه الاسعار نار فى محلات الاكسسوارات يعنى هتسمع فى الطقم العالى و الواطى 500 او 550 عشان كده انا كبرت دماغى منهم و كلمت كابو وهوا جبهم لغايه عندى وقابلته عن الكتب الى قدام الجامعه بجد راجل محترم و ثقه

[mr_sameh]

هما عالي وواطي ولا عالي بس

[m.aligamal]

عالى و واطى

[Haitham10]

الف مبروك واكيد النور بيفرق و محمد من الناس المحترمة الي تحبها علطول

انا كان عندي سؤال .. هو اللمبة بتاعت الزينون دى الجزء المكشوف من العاكس بتاعها بيكون لفوق ولا لتحت لما تتركب جوه الفانوس ؟؟

انت نسيت تجاوبني ولا اية

[ahmed_h_g]

هو اللمبة بتاعت الزينون دى الجزء المكشوف من العاكس بتاعها بيكون لفوق ولا لتحت لما تتركب جوه الفانوس ؟؟

العاكس عندى راكب فوق