تجربتى مع الشارك

[explorist]

اشتريت شارك 2008 مانيوال والسيارة بصورة عامة جميلة وفخمة وافضل من البومة وتمتاز بكبر حجم الصالون , موتور رياضى عالى الاداءلا يتأثر مع تشغيل التكييف ,ثبات رائع على السرعات العالية,لوحة عدادات جميلة ومزودة بكمبيوتر بيانات واضاءة حمراء غاية فى الروعة,باور ستيرينج ناعم جدا . لكن بها بعض العيوب الظاهرية اوجزها فى النقاط التالية "
1- الخامات الداخلية للصالون تعتبر متوسطة الجودة بالمقارنة بالسيارات اليابانية الاخرى مثل هوندا سيفيك او تويوتا كورولا لكنها افضل من الكورى
2- صغر حجم الشنطة ولكن يمكن زيادة حجم الشنط عن طريق ازالة الجزء الفبر اسفل دواسة الشنطة
3- الكاسيت عادى وليس مشغل اسطوانات
4- عد م وجود غطاء للموتور ولا ادرى سببا لقيام شركة عالمية لان تجعل من غطاء المحرك نوعا من الكماليات ولكن قمت بشراء غطاء الموتور وعليع علامة لانسر وكلمة مافيك من مركز بيع مصرية بالكيت كات

[M.Akef]

اولا الف مبروك عليك السياره و اختيار موفق ان شاء الله
لكن السياره فيها سي دي و سي دي شارشر يحمل حتي 6 اسطوانات و تم تغييره من المالك الي قبلك
و العربيه بتنزل بغطاء بيكون مكتوب علي ميفاك بالانجليزي لونه اسود و شكله شيك جدا و تم نزعه

[kemoelord]

اولا الف مبرووووووووووك عليك العربيه وربنا يديك خيرها ويكفيك شرها
ثانيا : انا اتفقك معاك تماما في العيوب الي حضرتك ذكرتها , بس ممكن تقولنا تفاصيل الشراء ايه يعني بكام ومنين وايه كماليتها وايه اخبار استهلاك البنزين معاك ؟ كده يعني

[د.محمود صلاح]

الف مبروك وشكراً للتوضيح

[mr_sameh]

الف مبروك بس معرفش ليه العربيه دي مش منتشره

[sherif0333]

ممكن تقولنا اشتريت غطاء الموتور بكام

[H_A_T_Em]

هو واضح يا باشا من كلامك ان كان معاك بومه او انك كنت مجربها قبلها فياريييت توضحلنا نقاط التفوق لان انا معايا بومه و بفكر اجيب الشارك مانوال فياريت تقولنا كده الفروق و هل السحب فارق عن البومه كتير ؟

[explorist]

الله يبارك فيك عربيتى glx ودى بتنزل من غير غطاء الموتور والكاسيت عادى بخلاف gls

[explorist]

اشتريت غطاء الموتور ب 294 جنيه + 26 جنيه مسامير التركيب

[explorist]

فعلا انا كان معايا بومة 2006 هاف سبورت بس الشارك افضل بمراحل شكلا واداء وحتى اسعار قطع الغيار متقاربة واعتقد ان اهم اسباب عدم انتشار هذا الموديل من لانسر السعر العالى نسبيا وعدم قيام الوكيل بالدعاية المناسبة لتوضيح مزايا السيارة

[TAMER2020]

أنا من أشد المعجبين بالشارك بس فى ناس كتير بتقول موتورها ضعيف يا ريت حد يفيدنا و يكون عن تجربه ما مدى صحه الكلام ده
ويا ريت لو حد ليه تجربه شراء من ناشيونال موتورز يقولنا عليها لأنى عايز اجيب السبورت من عندهم اللى ب 130000

[explorist]

اولا الف مبروك عليك السياره و اختيار موفق ان شاء الله
لكن السياره فيها سي دي و سي دي شارشر يحمل حتي 6 اسطوانات و تم تغييره من المالك الي قبلك
و العربيه بتنزل بغطاء بيكون مكتوب علي ميفاك بالانجليزي لونه اسود و شكله شيك جدا و تم نزعه

الله يبارك فبك و بالمناسبة عربيتىglx والموديل دا بيكون من غير غطاء للموتور والكاسيت عادى بخلاف موديل gls

[explorist]

اولا الف مبرووووووووووك عليك العربيه وربنا يديك خيرها ويكفيك شرها
ثانيا : انا اتفقك معاك تماما في العيوب الي حضرتك ذكرتها , بس ممكن تقولنا تفاصيل الشراء ايه يعني بكام ومنين وايه كماليتها وايه اخبار استهلاك البنزين معاك ؟ كده يعني

الله يبارك فيك والعربية كاملة مانيوال , اير باج سائق, فرامل abS ,طابلوه ابانوس, فابريقة بالكامل, السعر85000 , استهلاك البنزين حوالى 300كم/20 لتر

[explorist]

أنا من أشد المعجبين بالشارك بس فى ناس كتير بتقول موتورها ضعيف يا ريت حد يفيدنا و يكون عن تجربه ما مدى صحه الكلام ده
ويا ريت لو حد ليه تجربه شراء من ناشيونال موتورز يقولنا عليها لأنى عايز اجيب السبورت من عندهم اللى ب 130000

موتور السيارة قوى ويعتبر افضل من سيارات كثيرة 1600 بما فيهم البومة والنيو سيراتو ,الموتور عزمه قوى ولا يتاثر بتشغيل التكييف لكن صوته مرتفع نسبيا

[explorist]

ممكن تقولنا اشتريت غطاء الموتور بكام

عطاء الموتور 294 جنيه شامل الضريبة + 26 جنيه مسامير التركيب وقمت بتركيبه بنفسى لانه سهل فى التركيب ويعطى الموتور شكل اشيك وياريت تسرع فى شراء الغطاء والمسامير لان من الواضح فى مشكلة فى التوكيل بخصوص توفر المسامير لانى اشتريت الغطاء من حوالى 20 يوما وكانت المسامير غير موجودة وبقيت اتصل بمركز البيع بصورة يومية حتى وصلت الشحنة بسلامة الله منذ يومين فقط