بخصوص البارات

[ahms10]

سلام عليكم
معايا لانسر 1300 2006 بدات اسمع صوت تكة عند لف الدركسيون سنة صغيرة يمين او شمال فى مكان ثابت وروحت اشوف الصوت دا من اة طلعت بارات الدركسيون ونزلت بنفسى تحت العربية وخليت واحد يحرك الدركسيون وانا ماسك البار من تحت فعلا لقيتة فى رجة وبيطلع التكة د المهم عايز اعرف هل دة حاجة خطر ولا زم تتغير ولا ممكن استنى هل ينفع تكبس وهل بعد الكبس هتبقة كفاءة كويسة ولا ملهاش لزوم قلولى الصح بعد ازنكوا ولو كدة يا ريت اعرف اسعارها لانى سمعت انى البارات فى باى خارجى وداخلى هل كل بيتغير ولا حسب ولا اة الدنيا اصلى التوكيل الى كلة بيتغير بس طبعا عشان دا اسهل للتوكيل لاكن انا عايز اعرف الصح
الف شكر للجميع مقدما

[ahmed_h_g]

غيرهم متكبسهمش
وهما فعلا" اللى بيعملوا صوت مع لفة الدريكسيون
وبيبوظوا أول ما جلدة الحمايه بتاعتهم بتنشف وبتتقطع بتفضى شحم وبتبوظ

[ahms10]

ممكن يا باشا تقلى اة السبب اصلى ناس كتير قلولى اكبسهم عادى والتوكيل طبعا الى لازم جديد

[ahmed_h_g]

عن تجربه
ولا البارات الداخليه والخارجيه والتياش بيرجعوا زى الأول لما بيتكبسوا
كله كلام
يادوب هيكملوا شهر واحد وهيرجعوا زى الأول

[ahms10]

طيب تمام هل لازم اغير كلة داخلى وخارجى ولا اة؟؟؟ ولا حسب البايظ مثلا اصلى التوكيل بيقلى انوا طقم كلة على بعضة

[re3ooo]

انا سالت للنسر الكرستاله
البار الدخلي والخرجي كان 180و130
بس الصراحة مش فاكر 180 للدخلي ولا الخرجي او العكس

[hobaz]

متابع باهتمام....

[Ralliart]

انا لسه مغيرهم في التوكيل الطقم كله ب1200 جنيه تقريباً وطبعاً احساس تاني خالص والصوت بتاع الدركسيون اختفى واكيد جودتهم احسن من انك تكبس القديمه وهتكون اضمن انها متطقطقش تاني

[ahmed_h_g]

لا لا الطقم الداخلى منفصل عن الطقم الخارجى
الطقم الخاص بالدريكسيون هو الطقم الداخلى وهو أرخص من الخارجى .

[m.aligamal]

ممكن اعرف ايه الى يحصل لو مشيت و التكه دى شغاله

[ahmed_h_g]

مش هيحصل حاجه بس كده ممكن تضغط على علبة الدريكسيون وممكن تفتح معاك شغل
بلاش تعملها فى التوكيل أنزل شارع دمشق وأشترى طقم وروح ركبه عند أى ميكانيكى مش هياخد وقت فى التركيب . متقلقش الموضوع مفيهوش فن .