المشوره من اهل الخبره ؟

[imi]

السلام عليكم

اخوتى ناوى ان شاء الله اشترى اول عربيه خاصه ليه و بصراحه بعد التفكير قرارت اشترى نيو اكسنت الشيب العادى اوتو الى ب 82 الف
بس فى ناس كتير نصحونى بدل ماشترى عربيه اوتومتك كورى اجيب لانسر اوتو مودل 2006 او 2007 فبريكا بالكامل
فانا عايز اخد رايكم فى كام حاجه :

- ايه رايكم فى النيو اكسنت اوتومتك فى ناس شكرتنى فيها و فى ناس قالت لى ابعد عنها فيها مشاكل كتير ؟
- ايه رايكم فى فكره اشترى اللانسر المستعمل استعمال نظيف جدا بدل النيو اكسنت ؟
- و لو عايز اجيب لانسر اوتو 2007 كلاسيك مش عامله اكتر من 50000 ك و فبريكا كامله و مش محتاجه اى مصاريف تعمل كام ؟؟؟؟

ياريت تساعدونى بجد عشان انا اقربت اجنن بقالى 4 شهور مش عارف اخذ قرار من اول ما كنت هجيب مانويل الى اوتومتك و من جديد الى مستعمل

انا العارف ان الجديد جديد بس انا بدور على عربيه تعيش معايه سنين مفكرش ابيعها و لو حبيت ابيعها تجيب لى سعر كويس و صيانتها رخيص و عمر قطع الغيار طويله !!!!!

[HeMa_LanCeR]

من فضلك انقل اطلب نقل الموضوع للمقارنات
لأن حضرتك جاي في قسم المتسوبيشي وبتطلب مقارنه فا طبيعي هيكون الانحياز للانسر
ومعلش خد بالك انك بتقارن كوري بياباني وفي الحاله دي الياباني يكسب
انا بصراحه مش هقدر افيدك في المقارنه لأني معرفش حاجه عن النيو اكسنت بس كفايه انك لو قارنت خامات اللنسر بخامات الاكسنت يبقي اللانسر هتكسب بأكتساح كمااااااااااااان
استخير ربنا وربنا يوفقك

[د.محمود صلاح]

حيرتك في محلها بس اصبر عشان ما تدبسش وتندم

[imi]

اشكر الجميع على الردود السريعه بس انا مش عامل الموضوع عشان اقارن بالنيو اكسنت انا كنت عايز اخد راي راكبى المتسوبيشى هل البومه كويسه لي وان فى بدايه حياتى يعنى صيانته و تصلحيها رخيص مابتعضلش بسرعه
وكنت عايز اعرف رايكم العربيه بالموصفات الى انا قولت عليها 1600 تعمل كام ؟

[m_waheed]

أكيد المقارنة ظالمة ما ينفعش تقارن الياباني بالكوري خصوصا بالنسبة للأكسنت

حتي كمان الفئة مختلفة
اللانسر ممكن تتقارن بالسيراتو او النترا

[M!SHO]

بصرف النظر ان حضرتك بتقارن يابانى بكورى او حتى صينى بس انا شايف ان الزيرو أحسن وحضرتك متضمنش العربيه اللى هتجيبها فيها ايه حتى لو كانت كسر زيرو والله بيبقى فيهم بلاوى ....
لو هتقدر تجيب النيو اكسنت زيرو يبقى توكل على الله ,,عربيه جميله فى الفئه بتاعتها وقطع غيار رخيصه ومنتشره ....
وربنا يوفقك للخير ان شاء الله ..

[SkyBird]

زيرو كوري افضل من مستعمل ياباني والماني كمان (مجرد راي)

[ahmed_eng2001]

زيرو كوري افضل من مستعمل ياباني والماني كمان (مجرد راي)

انا على العكس تماما من الرأى ده , , وجهة نظرى العكس تماما و عن تجربة
انا مقدرش احكم على الكورى عشان مجربتوش , انا معايا لانسر بومة و ماشية معايا كويس

[imi]

انا متفق معاكم ان مفيش احسن من الجديد بس انا قولت بدل ما اجيب ب 82 الف عربيه جديده اجيب مثلا عربيه مستعمله نضيفه زى اللانسر و اكشف عليها فى التوكيل .... والا ممكن بعد ماكشف عليها و اشتريها القى فيها عيوب ؟؟؟؟
بس السؤال المهم هى اللانسر صيانتها و تصلها غالى و الا ممكن يكون قريب من مصاريف النيو اكسنت ..... المشكله برده انا داخل فى اقساط و عايز عربيه ماصرفش عليها كتير
وجزاكم الله عنى كل خير

[m_waheed]

انا على العكس تماما من الرأى ده , , وجهة نظرى العكس تماما و عن تجربة
انا مقدرش احكم على الكورى عشان مجربتوش , انا معايا لانسر بومة و ماشية معايا كويس

+1111111111
وانا زيك بالظبط لانسر بومة مستعملة وزي الفل

[hugan]

الانسر طبعا هاتبقي افضل لكن لااااااااااااااازم ولابد انك تتاكد من العربيه نضيفه وسليمه وده شيء نادر في السوق المصري او ربنا يكرمك وتقع في عربيه كويسه من حد انت واثق فيه غير كده الزيرو افضل وموضوع اليا باني والكوري العربيات كلها في رايئ علشان ماحدش يهاجم استعمالك النضيف ومتابعه العربيه وصيانتها والمحافظه عليهاها تعيش معاك ومش ها تخذلك ومش ها تفرق ياباني اوكوري او اوربي او صيني كله با المحافظه بيعيش

[nab!l]

البوما تمام وسيبك من النيو اكسنت
لو روحت قسم الهيونداى هتلاقى ناس شاريين عربياتهم زيرو وبيلاقو فيها عيوب صناعه

[imi]

يارجاله متعرفوش لانسر 1600 اوتومتك 2006 2007 مش عامله اكتر من 50000 ك كلاسيك حاله نضيفه جدا جدا فبريكا بالكامل تعمل فى حدود كام

[M!SHO]

يارجاله متعرفوش لانسر 1600 اوتومتك 2006 2007 مش عامله اكتر من 50000 ك كلاسيك حاله نضيفه جدا جدا فبريكا بالكامل تعمل فى حدود كام

من 78 الف ل 84 الف لو فابريكا

[maged]

على فكرة انت ممكن تضرب عصفورين بحجر واحد يعنى تركب زيرو وفى نفس الوقت يابانى برضه
يعنى تكمل زياده 7000 جنيه عن الاكسنت وتجيب نيسان صنى اتوماتيك زيرو وبكده تبقى حققت المعادله الصعبه
صحيح ان اللانسر احسن من النيسان بس طبعا النيسان زيرو افضل من اللانسر المستعمل ايه رأيك