جبت الأسبورت

[Hitham2010]

أخيراً ربنا كرمنى وأشتريت أمبارح لانسر سبورت 2007 عربية زى الفل والحمد لله العربيه زى الفل بس أنا كنت عايز أسئل على حبة حاجات فى الصيانة بتاعتها زى أفضل زيت ليها أيه وأغير زيت الفتيس كل أد أيه يعنى أى معلومه تفيد فى الحفاظ على السيارة وأكون شاكر ليكو جداً

[M!SHO]

الف مبروك يا فندم وربنا يديك خيرها ان شاء الله ...
بالنسبه للزيت التوكيل شغال بموبيل وان وزيت الفتيس بيتغير كل 40 الف ,,,وياريت تاخد لفه فى القسم وانت تعرف كل حاجه ان شاء الله ومبروك مره تانيه ..

[m_waheed]

الف مبروك يا ريس
ان شاء الله هتلاقي هنا معلومات كتيرة في الصيانة وقطع الغيار

بالنسبة لزيت الموتور من وجهة نظري جيب فيسكو 3000 او شل

زيت الفتيس موبيل atf او شل atf وبيفضل 40 الف لو غيرت التسعة كيلو كلهم


حضرتك مقولتش اشترتها بكام

[Hitham2010]

ألف شكر يا باشوات
بس هى فى غلطة فى الموديل مش متعمده هى موديل 2006
واللبس ده نتيجة كتر ما أتفرجت على عربيات
وجبتها بمبلغ 82 ألف يا ترى السعر كويس ولا أيه

[SkyBird]

مبروك يا باشا
ربنا يديك خيرها ويكفيك شرها
العربية مانيوال ولا اوتو
عايزين شوية معلومات وصور للعربية شقاوة كده

[DrMax]

الف مبروك يا فندم وربنا يديك خيرها ان شاء الله ...
بالنسبه للزيت التوكيل شغال بموبيل وان وزيت الفتيس بيتغير كل 40 الف ,,,وياريت تاخد لفه فى القسم وانت تعرف كل حاجه ان شاء الله ومبروك مره تانيه ..

+11111111111
وانا رايى تخليك فى موبيل وان لان الافضل متغيرش نوع الزيت المستخدم
والف مبروك عليك العربية وربنا يديك خيرها ويكفيك شرها
بالنسبة للسعر مش عارف كويس ولا لا الصراحة بس اكيد حد من الاخوة الافاضل هيفيدك فى نقطة السعر دى
تحياتى

[devilishtigers]

الف مبروك يا باشا على العربية وربنا يديك خيرها ويكفيك شرها.
بالنسبة للزيت انا بصراحة ناس كتييييير شكروا في شيل ولما غيرت لشيل حسيت بفرق شوية. علشان بيقولوا ان موبيل دلوقتي وحشة جدا. والاخوة الاعضاء قالوا لحضرتك بالنسبة لزيت الفتيس انوا كل 40000 كيلو. ومبروك عليك العربية.

[SkyBird]

أنا كنت عايز أسئل على حبة حاجات فى الصيانة بتاعتها زى أفضل زيت ليها أيه وأغير زيت الفتيس كل أد أيه يعنى أى معلومه تفيد فى الحفاظ على السيارة وأكون شاكر ليكو جداً

لازم تفصص الموضوع ده لان فيه حاجات مفيده عن انواع الزيوت ومواعيد تغييرها هي والفلاتر والسيور وكده

http://www.nilemotors.net/Nile/60728-2.html

[Ralliart]

مبروك بقينا زمل ،هي العربيه ماشيه كام كيلو ؟؟.. طبعاً الفتيس cvt لما تيجي تغير الزيت غيره في التوكيل بزيت cvt مش زيت اوتوماتيك عادي علشان تحافظ على عمر اطول للفتيس اللي هو اغلى حاجه في العربيه

[SkyBird]

هيثم ساب المنتدى وراح يلف بالعربية
مش هنشوفو غير بعد ما يطلع عينها

[Hitham2010]

شكراً يا جماعة على كل اللى رد عليا وربنا ما يحرمنى من أستشاراتكم شكراً يا بشوات