كاوتش للبومه 1300

[أبو إياد]

بعد تجربه 1000كم قولت انقل ليكوا اخبار الكاوتش الجديد

بعد تجربتى فى العربيه ال 2007 للكاوتش للكومهو والجى تى والماكسيس ريديال

قولت اجرب بقا نوع سمعت عنه وعرفت انه مناسب لشوارعنا اسمه نيكسن nexen
النوع ده بولندى

ونظرا لان العربيه دى مافيهاش جنوط وهى باردو 1300 موديل 2008 حبيت ادور على ثبات اعلى فقررت انى اغير المقاس
المقاس الاصلى طبعا 14\185\65 وسعره فى النوع ده كان 300ج
انا جيبت مقاس تانى 14\195\60 سعره كان 350ج اخدته بـ 320ج بالبلف والترصيص والنايتروجين

اولا العربيه باقت ناعمه اكتر والصوت مش عالى زى الكومهو والجى تى وفيها ثبات اعلى من الاول وشكلها عاجبنى جدا

وادى الصور

..

..

..

[eltorky]

أيوه كده يا أبو أياد أرجع هيصلنا المنتدي تاني بموضيعك الجامده ديه فعلا انا سمعت ان نوع الكاوتش داه كويس و ليه واحد صاحبي حاطه في جيتا و بيشكر فيه جدا أن شاء الله المره الجايه لما اغير هابقي أجيبو مدام أنتي كمان بتشكر فيه كده يبقي هو فعلا كوتش محترم

[Ahmed Nouh]

سمعت عنه كتير انه حلو بس مجربتوش , الكومهو كويس قوى فى الثبات بس عيبه الصوت العالى

انا بستعمل SPT , ومرتاح فيها جدا بعيدا عن الصوت وانها بتلم حصى



اجرب النيكسن بقا لما أجنط :)

[أبو إياد]

انا باردوا علشان اول مره اجربه قولت انقل التجربه بعد استخدامه شهر وهو فعلا يستاهل بس للاسف مش لاقى نفس النقشه دى فى المقاس الـ 15 رغم انى باعشق نقشه الكومهو الا انى متعقد منه

[abo yassin]

ماشاء الله النقشه شكلها جامد . بس اخبار الصوت ايه ؟