صيانة 20.000 فى قليوب

[segsauer]

أولا أحب أشكر الأستاذ طارق زويل على كل حاجة عملها معايا قبل و أثناء و بعد الصيانة :)
بصراحة كل اللى أنا عملته هو أنى سلمتهم العربية وأنتظرت فى مكتب المهندس طارق
و الرجالة فى الصيانة عملوا كونسولتو على العربية وخلصوا الصيانة فى 15 دقيقة
والمهندس محمد عبد العال طالع و نازل فى عز البرد علشان يتابع الشغل فى العربية بنفسه
و الحقيقة المجموعة اللى موجودة فى التوكيل سواء مهندسين أو فنيين محترمين جدا وفاهمين وعارفين بيعملوا أيه وبيردوا على كل سؤال بأدب وأحترام
بالنسبة لأسعار الصيانة 20.000
120 جنيه على المصنعية
42.5 جنيه فلتر الزيت
215 جنيه جركن 4 لتر شل ألترا (أنا كنت جايبه من بره التوكيل)
+10% ضريبة

[مصراوي جدا]

شرفتنا يا عمرو باشا ومعملناش غير الواجب

[segsauer]

شرفتنا يا عمرو باشا ومعملناش غير الواجب

العفو يا باشمهندس طارق
وأنا لاحظت بعد الصيانة أن صوت الموتور هدى كتير عن الأول وكمان أداء العربية أرتفع :)

[samehlow]

بحب احيي جميع الاصدقاء المشاركين في المنتدي الجميل
عشاق السيارات الميتسوبيشي
وعلي الاخص اخص بالشر الاستاز طارق زويل المصري
علي كل اهتمامة بجميع الاعضاء
وشكرا
والي الامام دائما
اخوكم سامح

[ahmedamee]

بصراحة انا من مشجعي التوكيل , بس انا فالبحر الأحمر , يعني 600 ك لحد قليوب , عملت صيانة الألف و العشر تلاف , بعدين يصراحة صعب عليا اروح القاهرة دلوقتي , عملت صيانة العشرين الف هنا , و انا اللي عملتها , فلتر هواء أصلي 210 جنية , فلتر زيت مضروب 45 جنية , كان في فلاتر ب 20 بس انا استنضفت العالي , زيت شل 225 العشر تلاف , بوجيهات 2 شمعة Hight Proformance ب 65 جنية , تيل الفرامل 360 جنية , طبعا الحاجة كلها من التوكيل من معروف مصرية ,,