هغير الكرستاله ان شاء الله

[saeed85]

ان شاء الله هغير الكرستاله و هجيب بيجو 307 موديل 2007 عشان نحدث بقا
بس الانسر 99 مريحه و ناعمه و تكييفها جامد في عز الحر و عفشتها ناعمه
بس واطيه و لو معاك ناس في العربيه ربنا يتولاك بقي
بس ال307 بصراحه تحفه و الانسر كده معايا بقالها 7 سنين كفايه اديها لاختي بقي و اخش علي البيجو عقبالكم جميعا

[HeMa_LanCeR]

بنا يباركلك فيها ويديلك خيرها ويكفيك شرها
بس في نقطه صغيره
انت تعرف اسعار الصيانه الدوريه للبيجو ايه ؟؟؟؟؟؟

[zoro007]

ربنا يباركلك فيها ويديلك خيرها ويكفيك شرها
بس في نقطه صغيره
انت تعرف اسعار قطع الغيار للبيجو ايه ؟؟؟؟؟؟ :)

[world_of_kill]

بنا يباركلك فيها ويديلك خيرها ويكفيك شرها
بس في نقطه صغيره
انت تعرف اسعار الصيانه الدوريه للبيجو ايه ؟؟؟؟؟؟

و الله نفس اللي كنت حقولو

انت راجل متعود علي الاسكودا و بعدها فليشيا ابعد عن الرينو و البيجو و الاوبل و البي ام و المرسيدس لانها عربيات بجد بس قطع غيار جد الجد

انت لو حبيت تسأل شوف سعر الكشاف البيجو و شوف انت في محافظه ايه و عشان تلاقيه حتسافر فين

و ربنا يوفقك

[HeMa_LanCeR]

اصل انا ابن خالتي كان معاه لانوس وباعها وجاب 307
وبيقولي فين ايامك يالانوس علشان قطع الغيار والصيانه فقط لا غير
لكن طبعا لا يوجد وجه مقارنه مابينهم :)

[saeed85]

يا جماعه قطع غيارها مش غاليه اوي كده زيها زي لانسر الجديده والانترا او اغلي سنه بس الي مضايقني فيها ان زيت الفتيس مش بيتعمل غير في التوكيل و بيتكلف 900 جنيه بس بيتغير كل فتره كبيره يعني مش هتفرق قوي و لقيت واحده 307 عامله 61000 كم ب 85000 موديل 2007 و عمل صيانه ال60 في التوكيل و فابريكه كلها و كمان يا جماعه انا بحب الانسر بس بصراحه ال307 و خصوصا الهاي لاين منها فارقه عنها جداا
و ربنا يسهل ان شاء الله و تكون مناسبه ليا

[saeed85]

و الله نفس اللي كنت حقولو

انت راجل متعود علي الاسكودا و بعدها فليشيا ابعد عن الرينو و البيجو و الاوبل و البي ام و المرسيدس لانها عربيات بجد بس قطع غيار جد الجد

انت لو حبيت تسأل شوف سعر الكشاف البيجو و شوف انت في محافظه ايه و عشان تلاقيه حتسافر فين

و ربنا يوفقك

يا باشا شكرا اولا بس قطع الغيار البيجوا مش مولعه قوي كده زيها زي لانسر الجديده والانترا او اغلي سنه بسيطه بس طبعا مش لانسر كرستاله احنا قطع غيارنا عند البقال يا باشا بس الرفاهيه موجوده في 307 الهاي لاين تحفه ماشاء الله انا ابن عمتي كان مسافر و ركنها عندي مقدرتش اسبها بصراحه اليومين مسبتهاش فبصراحه شدتني جداا و الستب ترونيك و جنوط 16 اصلي و فتحه السقف و مالتي فنكش و السحب مقولكش و كمان جربت زرار السبورت و في واحد تاني للمطر اصلي قعدت اكتشف فيها