اقتراح مقابلة لمالكى ميتسوبيشى

[DrMax]

السلام عليكم

كان استاذ احمد نوح تفضل بطرح فكرة اننا نتفق على يوم ونتقابل فيه عشان نتعرف ببعض لان فعلا كل الاقسام بيعملو كده الا احنا ليه مش عارف

فانا بقترح اننا نتفق على يوم نتجمع فيه ونتعرف ببعض
عن نفسى انا من طنطا بس ممكن نظبط المعاد فى القاهرة مثلا وليكن يوم خميس ولا حاجة عشان اللى عندو شغل وكده فيبقى اغلبنا فاضى

فياريت كل واحد يقترح المعاد والمكان ونحاول نتفق ونظبط المقابلة دى عشان نتعرف ببعض
وياريت لو حد يتفضل مشكورا ويتبنى عملية تنظيم المقابلة لان وقتى وشغلى لا يسمحو...بخش تخاطيف الصراحة :)....وكمان غالبا المقابلة هتبقى فى القاهرة قياريت يتولى حد من المقيمين بالقاهرة عملية التنظيم عشان المكان وكده
فى انتظار اقتراحاتكم

[devilishtigers]

انا فعلا نفسي في المقابلة دي من زمان
بس.......

دلوقتي في مذاكرة علشان الامتحانات هتبدأ 7 وتخلص على يوم 28

[kemoelord]

طبعا فكره المقابلة دي فكره ممتازة جدا وانا الحقيقه كنت فاكر ان اعضاء القسم كانوا بينظموا مقابلات قبل كده , لكن اتضح ان عمرهم ما اتقابلوا او كانت المقابلات تقتصر على مقابلات " المنتدى " فقط . لكن فيه مشكله وهي ان عقبال لما ننظم مقابله ويحضر فيها عدد كبير من الناس هنا ويتفقوا على المكان ثم الاهم وهو الموعد كل الكلام ده هياخد وقت طويل بسبب انشغال كل الناس تقريبا اما في شغلها او السفر او الامحتانات المنعقدة في الفتره دي ده غير البطولات الرياضيه المهمة الموجوده في الفتره دي سواء " كأس مصر " او " كأس العالم " , لكن ممكن نتخطى العقبات دي ان شاء الله

[Ahmed Nouh]

ياريت والله وانا معاكم فى اى ميعاد فى اى مكان

بس المهم نلاقى التفاعل

[أبو إياد]

انتوا سيبتوا الشتا وجايين فى الصيف تعملوا الموضوع ده
هو ياريت والله بس المشكله صعب تلاقى عدد كبير يكون متفرغ فى وقت واحد

[Evo]

خلوها الشهر اللي جاي بعيد عن الإمتحانات .

[FunnyMickey]

انا موافق
وزايط في اي زيطه

والافضل نعملوا في وقت الامتحانات
عشان انا صايع ومعنديش امتحانات
وحروح المقابله لوحدي


المقابله انهارده بالليل تحت بيتنا
موافقون
موافقون

هههههههههههههه

[أبو إياد]

طالما انتوا كده بقا انا معنديش اى مانع تكون المقابله الليلادى وممكن العجوزه او ليموزين مدينه نصر اللى يريحكوا حسب الاقرب للناس اللى موافقه

[FunnyMickey]

ههههههههههههههههههههههههههههههههههه

وادي كمان ابو اياد زايط معايا

any body want to ziiiiiiiiita with us?????

ايه رأيكو بقي رخامه برخامه نخلي المقابله في حته عجيبه

فين معرفش

بس احنا بقي مش اي اعضاء

احنا لانسراويه

ها ايه الاقتراحات؟؟؟؟؟؟؟

[m_waheed]

خلاص علي بركة الله

بس يكون في مكان سهل الكل يوصل ليه

بقترح الربوة تقاطع الدائري عند مدخل العاشر

[FunnyMickey]

انا عارف الربوه
بس فين ليموزين دي
انا سمعت عنها

[kemoelord]

يعني يا جماعه يوم لما تفكروا تتقابلوا تعملوها فجأة , وصاحب الموضوع اساسا مش هيقدر يجي لانه في طنطا

[أبو إياد]

طيب ياجماعه الحبايب النهارده متجمعه فى ليموزين كافيه الساعه 9 م والاساسى باذن الله اشرف فتحى وابو صلاح وخالد طلعت ونقراشى والعبد لله وطبعا نتمنى نشوف الناس ونتعرف عليها

[FunnyMickey]

ههههههههههههههههههههه
دي مفاجأه لصاحب الموضوع نفسه
يصحي الصبح بلاقي المقابله اتعملت
وخلصت
يفتكر نفسه نام شهر

ياباشا احنا بنهزر

المقابله طبعا مش حتتم انهارده
لو كام عضو عاوزين يتقبلوا يبقي زي الفل
انما مقابله بعد شهر الامتحانات دي ان شاء الله زي ما هيا

[أبو إياد]

انا عارف الربوه
بس فين ليموزين دي
انا سمعت عنها

انت عارف الشهر العقارى اللى فى سوق السيارات ؟ لو وصلت ليه يبقا وصلت لليموزين كافيه

يعني يا جماعه يوم لما تفكروا تتقابلوا تعملوها فجأة , وصاحب الموضوع اساسا مش هيقدر يجي لانه في طنطا

احلى حاجه فى الدنيا المفاجاءت بس يا استا كيمو تقريبا المجوعه دى بتتقابل كل اسبوع او اسبوعين فانا قلت اضم الناس فى مقابله واحد لحين تظبيط مقابله لانسراويه
ودكتور ماكس >>>>> اكيد لسه هانظبط المقابله الكبيره وتكون من بدرى علشان الناس اللى هاتيجى من سفر وياريت تقدر تيجى الليلادى