فوجات بوما

[moghazi666]

سلام عليكم يا شباب

انا عندي بومة 2010
كنت عاوز اركب فوجات عشان انا بحس الاضاءة ضعيفة و الزينون ممنوع
تمنها كام و هل بيركبلها زرار مخصوص

و بتتركب فبن

جزاكم الله خيرا

[أبو إياد]

250 ج عند اى محل كماليات بالزرار والتركيب

[moghazi666]

كتر خير حضرتك

[zzaaqqww]

ام 250 تيوانى او صينى ودى بتنكسر مع السخونية بسرعه الاصلى تقريبا 3500 فى التوكيل

[kemoelord]

ام 250 تيوانى او صينى ودى بتنكسر مع السخونية بسرعه الاصلى تقريبا 3500 فى التوكيل

حضرتك تقصد 3500 ولا 350 ج لان الصراحه الفرق شاسسسسسسسسسع فمعلش كنت عاوز اتاكد من الرقم ده اولا

ثانيا : لو عاوز اركب الفوجات دي بره في اي محل اكسسوارت وليكن مثلا " ادريان " وعاوز اجيب نوعيه نضيفه بتبقى بكام هي والتركيب ونوعها ايه

ثالثا : كنت عاوز اعرف هل اللانسر كلها بتبقى جاهزة للتركيب والزرار جاهز للتركيب مباشرة ولا لازم يتعمل شغل في الكهرباء ؟ للعلم انا معايا " شارك "

[el931]

انا سألت التوكيل لانى معى لانسر بوما 2010 خليجى كلاسيك
- سعرها فالتوكيل 3000 ( ثلاثة الاف جنية ) دة طبعا ً + الضريبة + التركيب يعنى ستتجاوز 3500 جنية !!!!!
سألت فالتوكيل عن طريقة التركيب والمهندس ورانى فيشة اسفل الكلاكس وقلى دى عالضفيرة وهى فيشة واحدة والفوجات بيجى معاهم ضفيرة للاثنين تركب مباشرة وتنور لمبة البيان فالعدادات
اما الزرار بيركب بجوار زرار تعلية وخفض نور التابلوة ويوجد مكان لة وبياخد كهرباء من خلفة مباشرة من لوحة الفيوز بفيشة خاصة
- سألت فى التوكيل ممكن اجيبهم من برة واركبهم عندكم ( علشان الضمان فعربيتى خليجى امارتى بضمان الرواس )
قالوا لى ( لا ) " طالما الحاجة موجودة عندنا مينفعش تجيبها من برة "
- عند منسى كار ( معرض سيارات ميتسوبيشى ) فالدقى قلى 350 ج فقط بالزرار وقلى " نخليك تروح التوكيل تركبها عندنا " على اعتبار انة موزع معتمد لميتسوبيشى ( على حد قولة ) ولكنى لم اتأكد من التوكيل من صحة الكلام خاصة وانى اخذت الكلام بجد لانى فى شهر 11 / 2009 وانا بدور على الانسر 2010 لم تكن موجودة فى مصر الا فى توكيل الرواس الرئيسى وعند منسى كار فقط
- فية واحد هنا مركب الفوجات من برة وسألتة عن شدة اضائتها وهل هى قريبة من الاصلى وهو شكر لى فيها جدا ً وهو مركبها بـ 250 جنية
هأحاول ادور لحضرتك على اللينك واضعة هنا
- انا فى انتظار الجديد من حضرتك

[Ralliart]

هو قصده 3500 علشان التوكيل بيحسبها كماليات بيطلبها مخصوص ليك وبياخد عليها نسبه علشان الطلب

طبعاً صعب حد يدفع التمن ده في فوجات وكل الناس شغاله بالصيني ومعملش مشاكل مع حد ومش شايف فرق شاسع بينه وبين الاصلي (على فكره عربيتي فيها الاصلي واتلمس لمسه في الرصيف كلبساته اتكسرت ورابطه بمسامير )
والصيني بيبقى جي مخصوص للعربيه بالمقاس بسلوكه بالزرار نسخه من الاصلي
اهم حاجه متركبوش عند اي حد لان لو سلوكه مش جاهزه في العربيه التابلوه بيتفك ومش اي حد بيعرف يفكه ويركبه تاني بسهوله
وادريان كويسين جداً وبيفهمو

[kemoelord]

يعني التابلوه في اللانسر بيتفك بالكامل ؟؟؟؟؟؟؟؟؟

[Ralliart]

معرفش على حسب العربيه لو فيها السلوك جاهزه على التركيب (وغالباً هتكون موجوده في اللانسر) يبقى مش هتحتاج فك
ومتقلقش من بتوع ادريان هما فاهمين اللي بيعملوه انا مجربهم قبل كده في كذا حاجه

[Dr Ahmed]

الصينى معايا وشغال بقاله سنة
ضوئه مش هيعمل فرق كبير لكن هينجدك فى يوم زى يوم الشبورة الشهيرة
التابلوه مش بيتشال مع التركيب
سعر التوكيل فعلا 3600 للزوج
اللى ممكن يزود الإضاءة ومش زينون تركيب كتاوت للكشافات مع استخدام لمبات أقوى

[limo]

انا عربيتى نازله بالفوجات الاصىلى ونصيحه منى لو هجبهم عشان تزود اضائه العربيه يبقى بلاشى علشان مش هتحس بفرق جامد لاكن لو هتجبهم علشان لو مسافر وفيه شبوره ماشى ويسلام لو هتركب فيهم زينون

[kemoelord]

انا عربيتى نازله بالفوجات الاصىلى ونصيحه منى لو هجبهم عشان تزود اضائه العربيه يبقى بلاشى علشان مش هتحس بفرق جامد لاكن لو هتجبهم علشان لو مسافر وفيه شبوره ماشى ويسلام لو هتركب فيهم زينون

انا فعلا هجيبهم علشان ازود بيهم الاضاءة لان ساعات بحتاج نور يركز ويكون قريب من الارض مباشرة ودي بتحققها الفوجات , وبالنسبه للزينون والله نفسي اركبه وبيفرق جامد بس انا بجد بتجنب اي حاجه ممكن حتة امين شرطة يوقفني علشانها ويلبسني مخالفه وساعتها هيكون عنده حق , زي موضوع ال v-cool نفسي كمان اركبه حتى لو الدرجه الخفيفه بس حرصا اني اقف في اي لجنه ويقولي شيلوا وساعتها هضرب نفسي بالناااااااااااااااااااااااار

[A.Saad]

انا عربيتى نازله بالفوجات الاصىلى ونصيحه منى لو هجبهم عشان تزود اضائه العربيه يبقى بلاشى علشان مش هتحس بفرق جامد لاكن لو هتجبهم علشان لو مسافر وفيه شبوره ماشى ويسلام لو هتركب فيهم زينون

اعتقد ان النور الاصفر افضل فى الشبورة