استفسار من المهندس طارق ؟؟؟؟

[kemoelord]

دلوقتي انا كنت عملت صيانه الالف بتاريخ 20/11 / 2009 , وطبعا غيرت فيها زيت (10000 كليو)+فلتر والعربيه دلوقتي عامله 5500 كيلو فنظرا لاني مش هكمل على الزيت الموجود دلوقتي ال 10 الاف كلها فالمفروض اني اروح امتى تاني ؟ وان شاء الله بحاول جاهدا اني اجي لحضرتك في الفرع الرئيسي فيا ريت حضرتك تقولي الموعد الي هاجي فيه وهل اذا جيت لازم احجز قبلها ولا لا

[مصراوي جدا]

اهلا بيك في اي وقت وبدون حجز انما انا مش فاهم جزئية انك مش عاوز تكمل العشرة آلاف

الطبيعي ان الصيانات بتتم كل 10 آلاف كيلو متر وبيتم فيها تغيير زيت موبيل وان علشان بيقعد 10 آلاف كيلو بالتالي خلال الـ10 آلاف كيلو مش بتحتاج تعمل اي حاجة في العربية

الا لو كنت بتعمل ال 10 آلاف في فترة اكتر من سنة فوقتها هتغير الزيت بحد اقصى سنة ثم تعمل الصيانة نفسها كل 10 آلاف

فطالما العربية لسه عاملة 5500 كيلو فمفيش داعي لتغيير الزيت الا لو فيه سبب لتغييره

[kemoelord]

شكرا يا بشمهندس طارق جدا , لكن انا قصدي ان الزيت له مده محددة قبل انتهاء صلاحيته وهي من 6 الى 8 شهور والمشكله عندي اني مش هكمل ال 10 الالاف خلال هذا المده يعني المده هتنتهي وانا مش عامل ال 10 الالاف , لكن مادام حضرتك بتقول ان المده المتاحه سنه كامله يعني 12 شهر يعني المفروض اغير زيت بتاريخ 20 /11/2010 صح كده ؟ ,,,, انا بس كنت عاوز اجي علشان اغسل موتور واكشف على ماء البطاريه (لاني المفروض اكشف عليها كل شهر حسب ما الكتالوج بيقول وطبعا البطاريه فيها سايله) فطبعا اجي وادخل ان شاء الله حتى لو هعمل الحاجات البسيطه دي ولا هيرفضوا في التوكيل