سؤال بخصوص اللانسر البومة

[msobhy]

السلامة عليكم ورحمة الله وبركاته
سؤال بعد أذنكم
هل فيه لانسر بومة 1600 مانيوال هاف سبورت ولا لأ؟ ........ خصوصا موديلات 2007-2010
هل فعلا انها بتوفر فى البنزين بشكل كبير ولا لأ
تقريبا لو موديل 2007 يبقى سعرها كاااااااااااااااام فى حالة انها تكون نظيفة
والف شكر على الرد مقدما

[أحمد كمال]

فيه مانيوال سبورت 2005 لحد 2007 تقريبا

[msobhy]

فيه مانيوال سبورت 2005 لحد 2007 تقريبا

الف شكر يا احمد باشا على ردك
انا قاعد من الصبح مستنى حد يرد عليه
اللى كان مجننى ان واحد صاحبى بيأكد ان فيه هاف سبورت مانيوال
مع انى دورت فى الموضوع اللى بيتكلم عن اسعار البومة مفيش حاجة اسمها 1600 مانيوال هاف اسبورت

ياريت لو حد يقدر يقول لنا تقريبا سعرها كاااااااااااااام

[أحمد كمال]

مش عارف بس هي زيرو كانت اغلى حوالي 10 الاف من المانيوال العادية

[أبو إياد]

مافيش هاف اسبورت مانيوال اللى كانت بتنزل كامله فتحه سقف واتلغى انتاجها هى 1300 وكان فيها فتحه سقف كمان الكلام ده لغايه 2006 تقريبا الشكل البومه لكن لما حبوا يعملوا اسبورت مانيوال عملوا الاستريبتونك 2010

[Dr.SherifMansy]

معلوماتى ان الهاف سبورت فى الأوتوماتيك بس ، لأنها بتقل عن السبورت ان مافيهاش سبويلر و لا فتحة سقف و لا كساحات قدام و ورا..

لكن مانيوال هاف سبورت ؟؟؟ بصراحة عمرى ما سمعت بيها ... لا توكيل و لا خليجى ..

دى معلوماتى و الله أعلم.

[msobhy]

يعنى معنى الكلام يا رجاله انى عمرى ما هلاقى لانسر 1600 مانيوال ويكون فيها asb
طيب ايه رأيكم فى ال 1600 المانيوال - هل الفرامل بتاعتها وحشة ولا كويسه
هل بيختلف الثبات بتاعها عن ثبات الهاف سبورت
ياريت لو فيه اى تخمين للسعر برضو
انا باعتذر جدا لأسئلتى الكتيره بس برضو انا مليش غيركم

[أبو إياد]

مين قال ان 1600 مانيوال مافيهاش abs ؟؟؟

لا فيها طبعا

والعربيه قويه جدا ومن اسرع العربيات فى فئتها البومه لكن ثباتها اقل نوعاما من الاوتوماتيك لان الاوتوماتيك فى اى عربيه بيكلبش العربيه شويه ياعنى بالنسبه لل 1300 اوتوماتيك تحس انها اتقل من ال1300 مانيوال
بالظبط لما تكون راكب مانيوال وتدوس فرامل الاحساس بيكون مختلف لو العربيه واخده غيار او على المور فموضوع الثبات مالوش علاقه ان كانت اسبورت او هاف اسبورت او عاديه
فبالتالى الاتوماتيك احساسها بالثبات اعلى

واحنا تحت امرك يا ابو مروان

[msobhy]

مين قال ان 1600 مانيوال مافيهاش abs ؟؟؟

لا فيها طبعا

واحنا تحت امرك يا ابو مروان

قبل اى حاجة الف شكر يا ابو اياد
فى الاسعار اللى موجوده على المنتدى وبيتكلموا فيها على صفات كل عربية مش كاتبين ان فيه 1600 مانيوال عادية فيها ABS
بالاضافة ان كل اللى فى السوق بيقولوا ان الفرق الاساسى بين الكاملة والهاف هو ABS وال EBD

سؤال الى كل اخوانى فى المنتدى - حد معاه لانسر 1600 مانيوال فيها ABS
حد يعرف اى مكان ممكن اأجر منه عربية 1600 مانيوال أو حتى انى اعمل Test drive
علشان بس حضرتكم تكونوا عارفين انا مركز قوى فى موضوع الفرامل ده ليه - انا معايه لانوس - والعربية فراملها فى الضياااااااااااااااااااااااااع وفعلا انا بدأت اترعب منها وعلشان كده بدور على ال ABS اهم من أى حاجة
وبخصوص المانيوال انا بدور علية لسببين
السبب الاول انى فعلا مش بحب العربيات الاوتوماتيك نهائيا وبحس انى مش قادر اسيطر عليها ولا حتى انى احس بالموتور - سواء عن طريق الكيك داون او زرار الباور - مع العلم انى مش من هواة الجرى والشد - انا سوقت فى حياتى 4 عربيات اوتوماتيك وفعلا مكنتش مستمتع خااااااااااااالص من ضمنهم كانت لانسر 1300 موديل 2007
السبب التانى هو التوفير - سواء فى ثمن السيارة لأنه هايفرق على الاقل 5 - 7 الف جنية - بالاضافة لأستهلاك البنزين وصيانة الفرامل

[أبو إياد]

وهانروح بعيد ليه انا امبارح كانت راكب عربيه جارى 1600 مانيوال وفيها abs ومتاكد وان كان على تجربه فرامل العربيه انا هاخليك تركب 1300 من غير abs وشوف مدى قوتها ايه
وعلى ما اتذكر انك من سكان فيصل لو كده انا بانزل من فيصل الساعه 8 بالليل على العجوزه ممكن اقابلك وجربها وفى احتمال كبير جدا اقابل حد من صحابى يكون معاه 1600 وتجربها باردو وياعم اخليك تجرب النترا 1600 مانيوال كمان يمكن تغيير رايك هههههههههههه

[M.Akef]

لا مفيش يامان في المودلات دي هاف اسبورت كلاسك بس
عن توفير الوقود مش هتحس بفرق كبير يعني لان الفتيس الcvt الي في الاوتوماتك موفر للوقود عموما
لكن هتحس بالقوه في المنيول طبعا

[msobhy]

وهانروح بعيد ليه انا امبارح كانت راكب عربيه جارى 1600 مانيوال وفيها abs ومتاكد وان كان على تجربه فرامل العربيه انا هاخليك تركب 1300 من غير abs وشوف مدى قوتها ايه
وعلى ما اتذكر انك من سكان فيصل لو كده انا بانزل من فيصل الساعه 8 بالليل على العجوزه ممكن اقابلك وجربها وفى احتمال كبير جدا اقابل حد من صحابى يكون معاه 1600 وتجربها باردو وياعم اخليك تجرب النترا 1600 مانيوال كمان يمكن تغيير رايك هههههههههههه

ابو زياد من الواضح كده انك هاتغرقنى بجمايلك من البداية كده
باشا بجد هاكون شاكر فضلك لو الموضوع ده نفع - انا ساكن فى الهرم وبسيطه ان شاء الله انى اقابل حضرتك فى المكان اللى ينسبك
وفعلا انا كان نفسى فى الالنترا بس للأسف غالية عليه شوية
بالمناسبة يا رجالة انا سألت على الاسعار بدل المرة 32656984 مرة
طيب نعكس السؤال - انا امكانياتى دلوقتى 70.000 وممكن بالعافية ازقها الى 75.000 - هل ده يجب لى عربية حالتها ممتازة (ممتازة مش كويسة) لأنى برضو بدور على عربية فابريكة بره وجوه بالاضافة ان الكيلو متر بتاعها يكون قليل

[أبو إياد]

ابو زياد من الواضح كده انك هاتغرقنى بجمايلك من البداية كده
باشا بجد هاكون شاكر فضلك لو الموضوع ده نفع - انا ساكن فى الهرم وبسيطه ان شاء الله انى اقابل حضرتك فى المكان اللى ينسبك
وفعلا انا كان نفسى فى الالنترا بس للأسف غالية عليه شوية
بالمناسبة يا رجالة انا سألت على الاسعار بدل المرة 32656984 مرة
طيب نعكس السؤال - انا امكانياتى دلوقتى 70.000 وممكن بالعافية ازقها الى 75.000 - هل ده يجب لى عربية حالتها ممتازة (ممتازة مش كويسة) لأنى برضو بدور على عربية فابريكة بره وجوه بالاضافة ان الكيلو متر بتاعها يكون قليل

انا تحت امرك ياباشا وياريت تبعتلى رقم تليفونك علشان ارفع عنك الحرج وانا اكلمك
وبالنسبه للسعر ده هايكون فى معادله كده ممكن تفيدك
لو 70000ج وهانبص للموديل يبقا اخرنا خالص لانسر 1300 موديل 2008 مانيوال

ولو 1600 مانيوال يبقا اخرنا 2006

بالنسبه للانترا المانيوال تقريبا سعرها زيرو 93000ج
يبقا لو 2007 مثلا تقريبا هايكون فى حدود 75000ج

[msobhy]

انا تحت امرك ياباشا وياريت تبعتلى رقم تليفونك علشان ارفع عنك الحرج وانا اكلمك

يا باشا بجد انا متشكر جدا لكرم اخلاقك - وهابعت لحضرتك رقمى على الخاص

وبالنسبه للسعر ده هايكون فى معادله كده ممكن تفيدك
لو 70000ج وهانبص للموديل يبقا اخرنا خالص لانسر 1300 موديل 2008 مانيوال

كلام منطقى بخصوص المعادلة - لكن عايزين نشيل ال 1300 من المعطيات بتاعتنا

ولو 1600 مانيوال يبقا اخرنا 2006
بالنسبه للانترا المانيوال تقريبا سعرها زيرو 93000ج
يبقا لو 2007 مثلا تقريبا هايكون فى حدود 75000ج

لو بقت 2007 يا ابو اياد تبقى ممتازة علشان الجنوط والثبات - بالمناسبة يا ابواياد وانا عارف اننا فى منتدى المتسوبيشى - لكن معلش استحملونى - لو على 75000 وقدامى النترا تبقى هيه ولا اللانسر؟

[أبو إياد]

يا باشا بجد انا متشكر جدا لكرم اخلاقك - وهابعت لحضرتك رقمى على الخاص

كلام منطقى بخصوص المعادلة - لكن عايزين نشيل ال 1300 من المعطيات بتاعتنا

لو بقت 2007 يا ابو اياد تبقى ممتازة علشان الجنوط والثبات - بالمناسبة يا ابواياد وانا عارف اننا فى منتدى المتسوبيشى - لكن معلش استحملونى - لو على 75000 وقدامى النترا تبقى هيه ولا اللانسر؟

تم استلام الرساله وهاكلمك قبل ما انزل باذن الله

اما بخصوص اللانسر ولا الالنترا ده مالوش علاقه بالقسم انما بما يرضى الله مش شرط علشان انا راكب لانسر تبقا احسن عربيه فى العالم يكفى ان مثلا البومه مش هانقول 2001 لا من 2004 والالنترا بعدها ب 3 سنوات اكيد الدنيا اختلفت وشوف المشاركه دى

http://www.nilemotors.net/Nile/151541-a.html