الروااااس ,,, عاد اليكم من جديد !!

[Ahmed Nouh]

فى ظل الكلام الكتير والرغى اللى ملوش لزمه اللى بناخده من حظاظا كل يوم سبت فى عمود الاسرار وحريه الاختيار المخصص فى الصفحات الاولى من اخبار اليوم واللى لله الحمد ملوش اى لزمه من يوم ما اتعمل أطل علينا رجل المخابرات المصرى الهمام خالد اباظه بخبطه صحفيه جهنميه عن سر من اسرار حياه فرج الرواس الشخصيه

خير اللهم اجعله خير ومن مصادر خالد السريه اللى بيموت فى استعراضها فى مقالاته تحت عنوان ( فى محاوله لإعاده المياه الى مجاريها ) ان فرج الرواس توجه الى دبى يوم الاثنين الماضى للإجتماع مع العضو المنتدب لميتسوبيشى فى مكتبها الاقليمى للشرق الاوسط لعرض خطه عمل جديده تستمر لمده 12 شهر بهدف تحقيق متطلبات سبق وان طالبت بها ميتسوبيشى الرواس خلال العام الماضى ولم يستجيب

الطلبات على حد تعبير خالد اباظه كانت مراكز خدمه جديده للتوكيل وضخ مبلغ مالى كبير فى مجال قطع الغيار و تجديد مكتب الشركه الرئيسى فى القاهره وعمل ترتيب وتنظيم شامل لإداره الشركه فى مختلف النواحى وحتى القيام بتعديلات فى المناصب العامله بالشركه , ايضا شملت الخطه استيراد كميات اكبر من اللانسر ( الله يخربيت اللانسر اللى معنودش غيرها ) وبعض السيارات الاخرى

وعلمت اخبار اليوم ان الرواس عرض فتح اعتمادات فوريه تصل قيمتها الى 300 مليون جنيه يخصص لإستيراد موديلات 2011 , وفى عصر نفس اليوم اجرى الرواس مكامله مع مديره المالى للبدء فى فتح تلك الاعتمادات تأكيدا منه لميتسوبيشى على حسن نيته ومحاوله لكسب رضاهم


واوضح خالد اباظه ان الرواس لم يصطحب معه اى من افراد عائلته او موظفيه ولكن اكتفى فقط بمحاميه الخاص د. سمير صبرى والذى لحق بالرواس فى اليوم التالى مساءا ليلحق بالجلسات التى استمرت من الاربعاء وحتى الخميس بين الطرفين , ويأمل الرواس اقناع ممثلى ميتسوبيشى بمد العقد لمده سنه واحده كفتره تجربه استعدادا لفتح عقد جديد مدته 5 سنوات يتعهد خلالها بمواصله دهم اسم ميتسوبيشى فى مصر

المصيبه فين بقا !!! , المصيبه فى الحته الجايه دى

وأبدى الجانب اليابانى موافقته الفعليه على اعطائه مهله اخيرة حتى يوم 30 يونيو القادم لتقييم عمليه اصلاحه لجميع الاخطاء وتنفيذ كل مطالبهم ويمكن بعدها ان يتراجعوا عن سحب التوكيل منه وتمديد مده العقد لعام اخر قابل للتجديد ووعدهم الرواس بأنه سوف يكون اكثر جاهزيه لإداره التوكيل على اكمل وجه خلال الفتره القادمه



يعنى بالعربى البسيط الرواس راجع , بعد كل اللى شوفناه راجع , بعد ما افتكر انه وقع الشركه راجع , بعد ما نسينا معاه ان ميتسوبيشى دى شركه وان لانسر دى العربيه وبدأنا نقول العكس راجع , بعد الفلوس اللى اكلها مننا بدون وجه حق راجع

ومن المقاله نفهم ان ميتسوبيشى من السنه اللى فاتت طلبت منه تجديدات ومراكز خدمه وخطط عمل جديده وهو كبر دماغه , ده حتى الناس بتشتكى من مكتب التوكيل الرئيسى انه محتاج تجديد ( حاجه تكسف ) , ده بجانب انه الحمد لله اعتمد 300 مليون لأستيراد عربيات جديده ولانسر طبعا وكأن ميتسوبيشى خلاص تجسدت جسدا وروحا عنده فى العربيه السيدان اللى مش هنشوف غيرها دى

معنديش كلام تانى اقوله , وكل توكيل وانتم طيبين

والله يكرمك يا خالد يا اباظه سواء كتبت مقاله مفيده او هايفه برده متخصص فى التنكيد علينا

[Ralliart]

تصدق انا مبسوط ومش مبسوط
مبسوط لان التوكيل ما راحش لحد هينكد علينا زي المنصور مثلاً ومراحش لحد زي غبور (عنده تيل فرامل المازدا ب1100 جنيه أغلى من المرسيديس !)
ومش مبسوط لان لما يكون مجبر على حاجه مش هيعملها صح والتجديدات هتبقى شوية حاجات هدفها ارضاء الشركه مش العميل وطبعاً هيستمر مسلسل اللانسر ومش هنشوف الاوتلاندر ولا الـrvr ولا اللانسر سبورت باك ولا الكولت
وطبعاً السياسه التسعيريه الخاطئه هتفضل زي ما هي وكمان هيحاول يرفع قضايا على بتوع الخليجي ويحتكر العربيه ويغليها ويتكرر موضوع السيفيك اللي وصلت لاسعار خرافيه

[kemoelord]

انا مش عارف امتى هنسمع عن اخبار الفحوصات المجانيه والخصومات على قطع الغيار زي ما بعض التوكيلات بتعمل واخرها توكيل
" نيسان " والاهتمام بخدمة العملاء من حيث احترامهم وتقدريهم واراحتهم بالشكل المطلوب والمناسب , وبعدين يعني هو هيعمل كل الحاجات دي علشان بس بس ارضاء شركة ميتسيوبيشي مش علشان العملاء بتوعه الي حفره اسمه في السوق المصريه وجعلوه في هذا المنصب والشهرة والجاه والمال ,, حسبي الله ونعم الوكيل فيه وربنا ينتقم منه بجد والله انا الي مخليني اؤيد بقاؤه لانه احسن من غيره وزي ما قلت واكرر اننا ماشين بنظريه " احسن الوحشين " وكفايه انه بيستورد اللانسر وعربياته بصفه عامه تقفيل ياباني 100 %

[Abo el-Seoud]

حسبي الله ونعم الوكيل
ربنا على المفتري

[د.محمود صلاح]

أنا أؤيد الإستقرار ...

[Ralliart]

أنا أؤيد الإستقرار ...

ما هو التغيير مطلوب يا دكتور واديك شايف الحال وصل بينا لفين نتيجة الاستقرار لمدة 30 سنه (مع التوكيل مش مع حد تاني اوعى تفهمني صح )

[mada121977]

يعنى يبقى الحال كما هو عليه وعلى العميل ان يشرب من البحر ...
يعنى كل اللى هيعمله انه يدى مركز قليوب وش دهان ويغير بوابات الدخول وكده يبقى طور مركز الخدمه الرئيسى وتبقى الحياه زى الفل ويعدل اسعار قطع الغيار والمصنعيات الى سعر اعلى طبعا علشان يعوض المبلغ اللى دفعه فى التجديد للشركه وعلشان تكمل يزود سعر موديلات 2011 عشره ولا 15 الف جنيه واللى مش عاجبه مايشتريش ... وهاتستمر نفس السياسه التسويقيه والاعلانيه الفاشله وغالبا بدل مايعمل اعلان واحد كل اسبوع فى الاخبار هيزود الاعلانات ويعمل كمان اعلان فى اهرام الجمعه ويبقى كده زود الاعلانات الى الضعف

[DrMax]

فى اعتقادى ممكن سياسته الحالية تتغير
وممكن يبقى فى عروض واهتمام اكتر بالعملاء ومراكز الخدمه لان برضو ياجماعة مننساش ان دى كانت هزة قوية للرواس واكيد الحركة دى وصلتلو رسالة ان سهل فى اى لحظة التوكيل يتسحب منو
فاعتقد ان هيبقى فى تغيير للاحسن ان شاء الله
وانا برضو شايف فى كل الاحوال ان الرواس كويس بالنسبة للتوكيلات التانيه واحسن بكتير من غيرو

[ahmed-moga]

ياجماعه مش عايزين نسبق الأحداث انا متفائل خير ان شاء الله اننا هنسمع اخبار حلوه من الرواس قريبا

هتفرحنا كلنا وبكره تقولوا احمد موجه قال ههههههههههههههه

[M.Osman]

عااااااااااااااااااااااااا

انا مع التغيير !

[MaZaGAngeE]

فى اعتقادى ممكن سياسته الحالية تتغير
وممكن يبقى فى عروض واهتمام اكتر بالعملاء ومراكز الخدمه لان برضو ياجماعة مننساش ان دى كانت هزة قوية للرواس واكيد الحركة دى وصلتلو رسالة ان سهل فى اى لحظة التوكيل يتسحب منو
فاعتقد ان هيبقى فى تغيير للاحسن ان شاء الله
وانا برضو شايف فى كل الاحوال ان الرواس كويس بالنسبة للتوكيلات التانيه واحسن بكتير من غيرو

أنا معاك ان دي هزة جامدة و هتخليه يشتغل شوية و يحرك سوق العربية

[ahmed322]

ممكن فعلا يتغير وتبقى حاجه فى صالح كل الناس ..

[MITSUKERO]

[overline][overline]طبعا زي كل المصدومين انا ساعة ما قريت الخبر كنت هعيط لان الراجل ده مش بياكل العملاء بس لا ده بياكل الناس اللي شغاله في التوكيل كمان !!! في صاحب شركة كبيرة او صغيرة في العالم مبيديش عيدية للموظفين اللي عنده في العيد او رمضان او اي مناسبة ؟ في صاحب شركة بيعمل المواعيد الغريبة بتاعت مراكز الخدمة دي ؟ في توكيل في مصر حاليا افشل من التوكيل ده ؟ في توكيل بيدبح العملاء بالمنظر ده ؟ في توكيل فيه مهندسين استقبال بيتنكوا علي العملاء زي بتوع ميتسوبيشي؟ ياريت حد يرد انا عايز اجابة و مش هتكلم علي مستوي قطع الغيار اللي بقت كلها تيلاندي و بتبوظ قبل ميعادها و سيبوني ساكت بقي[/overline][/overline]

[Ralliart]

[overline][overline]طبعا زي كل المصدومين انا ساعة ما قريت الخبر كنت هعيط لان الراجل ده مش بياكل العملاء بس لا ده بياكل الناس اللي شغاله في التوكيل كمان !!! في صاحب شركة كبيرة او صغيرة في العالم مبيديش عيدية للموظفين اللي عنده في العيد او رمضان او اي مناسبة ؟ في صاحب شركة بيعمل المواعيد الغريبة بتاعت مراكز الخدمة دي ؟ في توكيل في مصر حاليا افشل من التوكيل ده ؟ في توكيل بيدبح العملاء بالمنظر ده ؟ في توكيل فيه مهندسين استقبال بيتنكوا علي العملاء زي بتوع ميتسوبيشي؟ ياريت حد يرد انا عايز اجابة و مش هتكلم علي مستوي قطع الغيار اللي بقت كلها تيلاندي و بتبوظ قبل ميعادها و سيبوني ساكت بقي[/overline][/overline]

عندك حق في موضوع التناكه بس دا للاسف حال معظم التوكيلات (إلا من رحم ربي) يعني عندك المنصور وصل للشتيمه بالاب والام علشان تغير حاجه في الضمان!!
ودا طبعاً ميمنعش وجود ناس محترمه جداً زي البشمهندس طارق مثلاً

موضوع قطع الغيار يا ريت لو عند حضرتك معلومه مؤكده تقولنا
وبلاش تخليك ساكت فضفض معانا ولو حصل مع حضرتك موقف لازم اقل واجب انك تفضحهم

[mada121977]

[overline][overline]طبعا زي كل المصدومين انا ساعة ما قريت الخبر كنت هعيط لان الراجل ده مش بياكل العملاء بس لا ده بياكل الناس اللي شغاله في التوكيل كمان !!! في صاحب شركة كبيرة او صغيرة في العالم مبيديش عيدية للموظفين اللي عنده في العيد او رمضان او اي مناسبة ؟ في صاحب شركة بيعمل المواعيد الغريبة بتاعت مراكز الخدمة دي ؟ في توكيل في مصر حاليا افشل من التوكيل ده ؟ في توكيل بيدبح العملاء بالمنظر ده ؟ في توكيل فيه مهندسين استقبال بيتنكوا علي العملاء زي بتوع ميتسوبيشي؟ ياريت حد يرد انا عايز اجابة و مش هتكلم علي مستوي قطع الغيار اللي بقت كلها تيلاندي و بتبوظ قبل ميعادها و سيبوني ساكت بقي[/overline][/overline]

ياريت معلومات اكثر من حضرتك .. وفضفض ولا يهمك احنا كلنا سامعينك وهانتناقش سوا فى كلامك