قدر الله وما شاء فعل ....الفانوس ؟؟؟

[M!SHO]

من كام يوم كنت راكن وقاعد فى العربيه وفجأه سمعت حاجات بتكسر ,,,,نزلت لقيت واحد بعجله من اللى ليها صندوق صغير قدام دخل فى العربيه وكسر الفانوس الخلفى (الحته بتاعت الاشاره بس )...
المهم واحد صاحبى ودانى عند واحد بيشتغل فى تعديل الفوانيس خد الفانوس بتاعى وادانى واحد امشى بيه مؤقتا"
المهم انا لسه جاى من عنده ولقيته صب الحته اللى تحت بس (الجزء بتاع الاشاره ونور الرجوع للخلف ) وحاسس انها باينه وشكلها مش ظريف خالص ...
اعمل ايه دلوقتى ؟؟؟ ..... أجيب وش كامل واركبه وفيه جاهز ولا هيتعمل ,,,
ولا اجيب فانوس جديد وخلاص واجيبه ايه صينى ولا تايوانى ولونه هيغير بعد فتره ولا ايه ؟؟؟

[hobaz]

في رأيي لو الفانوس بيأدي مهمته الأساسية (الأضاءة بوضوح) يبقى فكك وخليه زي ماهو وانا عارف ان شكله بيبقى رخم بس عادي خليه لغاية لما يودع وبعدين اتصرف في واحد جديد لأن الفلوس ده انت اولى بيها..........
ده من وجهة نظري والقرار يرجعلك.....

[QaTaR]

فيم الفانوسين وخلاص

[أبو إياد]

الحمد لله على كل شىء انا شايف لو تفيم الفانوسين ( اسود 0-0) هاتكون راضى عن شكله
اما لوحبيت تجيب فانوس جديد وبما ان عربيتك اوتوماتيك نصيحه منى ماينفعش غير الاصلى علشان ميحصلش مشكله مع اى حساس لان فيشه الفوانيس الصينى فعلا بتعمل مشاكل
والغى من تفكيرك فكره الوش بشكل نهائى

[M!SHO]

فيم الفانوسين وخلاص

طب الشكل العام هيبقى حلو لو عملت كدا ؟؟

الحمد لله على كل شىء انا شايف لو تفيم الفانوسين ( اسود 0-0) هاتكون راضى عن شكله
اما لوحبيت تجيب فانوس جديد وبما ان عربيتك اوتوماتيك نصيحه منى ماينفعش غير الاصلى علشان ميحصلش مشكله مع اى حساس لان فيشه الفوانيس الصينى فعلا بتعمل مشاكل
والغى من تفكيرك فكره الوش بشكل نهائى

أبواياد ازى حضرتك يا فندم ,,,,,
كويس ان حضرتك حذرتنى ,,كنت هشترى فانوس صينى ب 130 جنيه واركبه بس الحمدلله انى اخدت رأيكم
ولو فيمت الفانوسين ممكن فى اى وقت اشيل الفاميه ولا هيبوظ منظر الفانوس السليم,,,وشكل الفاميه عليهم هيبقى عامل ازاى علما" بأن لون العربيه شامبين ؟؟

في رأيي لو الفانوس بيأدي مهمته الأساسية (الأضاءة بوضوح) يبقى فكك وخليه زي ماهو وانا عارف ان شكله بيبقى رخم بس عادي خليه لغاية لما يودع وبعدين اتصرف في واحد جديد لأن الفلوس ده انت اولى بيها..........
ده من وجهة نظري والقرار يرجعلك.....

من ناحية بيأدى مهمته ,,,ايوا ومش بيبان غير الصبح لو دققت فيه اوى ...
وجهة نظر حضرتك تحترم لأنى فعلا فكرت فى كدا بس كحل اخير لو ملقتش بدايل كويسه.....وشكرا على الرد

[mmffor]

حصلت نفس المشكله معايا

[tigernet]

ياباشا افضل حل فيم الفانوس بفامية خفيف هايبقا شكلة كويس
و لما يتفيم مش هيبان انة مصبوب

[engahmedsamy]

للتوضيح فامية الفوانيس مش هو فاميه الزجاجولو حد عمل بتاع الزجاج مش هيلف معاه فامية الفوانيس درجة واحدة مش درجات و تحس انوو استيكر مش فامية عن تجربة و علي فكرة اغلي من فامية الزجاج

[أبو إياد]

للتوضيح فامية الفوانيس مش هو فاميه الزجاجولو حد عمل بتاع الزجاج مش هيلف معاه فامية الفوانيس درجة واحدة مش درجات و تحس انوو استيكر مش فامية عن تجربة و علي فكرة اغلي من فامية الزجاج

علشان هو درجه واحده بيكون غامق جدا انا كنت مركبه امامى وخلفى وسعر الفاميه كان 40 ج
واضطريت اشيلهم بعد قانون المرور الجديد
والبديل فى الحاله دى فاميه عادى علشان تتحكم فى اللون ومايكونش ظاهر واقل درجه هى 0\0

[mohamed Gamal]

هات الفانوس ال depo بحوالي 220 ومفيش فرق بينه وبين الأصلي
بس انقل اللمض الأصلية من فانوسك للفانوس الجديد

[engahmedsamy]

علشان هو درجه واحده بيكون غامق جدا انا كنت مركبه امامى وخلفى وسعر الفاميه كان 40 ج
واضطريت اشيلهم بعد قانون المرور الجديد
والبديل فى الحاله دى فاميه عادى علشان تتحكم فى اللون ومايكونش ظاهر واقل درجه هى 0\0

افهم من كدة ان انا ممكن اخد مخالفة ؟؟؟؟؟؟؟؟؟؟؟؟؟؟؟

[exact]

في رأيي لو الفانوس بيأدي مهمته الأساسية (الأضاءة بوضوح) يبقى فكك وخليه زي ماهو وانا عارف ان شكله بيبقى رخم بس عادي خليه لغاية لما يودع وبعدين اتصرف في واحد جديد لأن الفلوس ده انت اولى بيها..........
ده من وجهة نظري والقرار يرجعلك.....

فيم الفانوسين وخلاص

أؤيــــــــــــد وبشدة

[Ralliart]

مفيش فايده في الصب بالذات لو الفوانيس شفافه بتبان
وانا كنت صبيت الباغه وشكلها كان غبي فجبت فانوس ديبو تايواني من عند السرساوي في الدقي
ومفيش فرق بينه وبين الاصلي خالص ومستحيل تطلع فرق ومعملش اي مشاكل في الكهربا الحمد لله بقاله سنتين

[el931]

- لو الفانوس مش اصلى لونة بيغير بعد فترة
- ممكن تشوف فانوس استيراد بس لتلأكد انة اصلى
- او الحل الاخير فانوس اصلى جديد ( من التوكيل ايا كان ثمنة )
لانك ممكن تجيب فانوس مش اصلى و ترجع تجيب الاصلى وهنا بتبقى تكلفة زيادة

[turch]

هات الفانوس ال depo بحوالي 220 ومفيش فرق بينه وبين الأصلي
بس انقل اللمض الأصلية من فانوسك للفانوس الجديد

هو ده افضل حل واسأل مجرب انا فانوسي كسره واحد بتاع ميكروباص منه لله المهم رحت الحرفيين وجبت الفانوس الديبو التايواني الجميل ب 160 جنيه ومتدفعش فيه اكتر من كده ولو عايز رقم المحل ممكن اديهولك وفعلا هاتشيل لمبة الاشاره بس من الفانوس القديم تحطها في الجديد وعيش ملك ولونه مبيغيرش بقاله عندي 6 شهور تقريبا مخصلوش حاجه وهو شبه الاصلي بالظبط ومحدش عارف حاجه.