السلام عليكم . رحت اول امبارح التوكيل في قليوب قلت اعمل فحص كامل للعربيه و كمان اشوف صوت ونه عندى , المهم وصلت الساعه 8 والعربيه دخلت و شويه و المهندس جالى و صدمنى قالى ان صوت الونه الى عندك من الفتيس و حيتعملو مقايسه تمنها 500 جنيه ونشوف ايه الى عطلان فيه ونغيرو قلتلو طب انت شايف الموضوع يتكلف كام قالى من 6 الى 7 الاف جنيه طبعا ارقام تزعل وبعدين قالى العربيه محتاجه مساعدين امامى و 3 قواعد مكنه و جلب مقصات و بيض مقصات و بوجيهات بصراحه مش عارف اعمل ايه ؟؟اشتري فتيس استعمال خارج ؟؟ وخايف لو اشتريت واحد العربيه متظبتش, و مش عارف اشترى منين ؟؟ارجو النصيحه ....
X
-
المهندس طارق زويل موجود هناك في توكيل قليوب
وكمان نعرف ان ده لو فتيس cvt مش بيتصلح وفكرة الإستيراد افضل طبعا
انا رايي تروح مرة تانية وتعرف اي العيب بالظبط
كل الحاجات التانية اللي ذكرتها مش مكشلة مقارنة بالفتيس
وان شاء الله يكون خير
ويا ريت تطمنا
Comment
-
إزاى المهندس عرف كل الحاجات دى قبل المقايسة؟[CENTER][aldl]http://www.jewelsf.com/up/uploads/542f6eee3a.gif[/aldl]
[/CENTER]
[CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
[CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
[CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
[/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]
Comment
-
المشاركة الأصلية كتبت بواسطة mostafa727050 مشاهدة المشاركةالسلام عليكم . رحت اول امبارح التوكيل في قليوب قلت اعمل فحص كامل للعربيه و كمان اشوف صوت ونه عندى , المهم وصلت الساعه 8 والعربيه دخلت و شويه و المهندس جالى و صدمنى قالى ان صوت الونه الى عندك من الفتيس و حيتعملو مقايسه تمنها 500 جنيه ونشوف ايه الى عطلان فيه ونغيرو قلتلو طب انت شايف الموضوع يتكلف كام قالى من 6 الى 7 الاف جنيه طبعا ارقام تزعل وبعدين قالى العربيه محتاجه مساعدين امامى و 3 قواعد مكنه و جلب مقصات و بيض مقصات و بوجيهات بصراحه مش عارف اعمل ايه ؟؟اشتري فتيس استعمال خارج ؟؟ وخايف لو اشتريت واحد العربيه متظبتش, و مش عارف اشترى منين ؟؟ارجو النصيحه ....
محدش هيقدر يفيد حضرتك بدون معلومات عن العربيه
أساسا الفتيس مانوال ولا أتوماتك و العربيه 1600 ولا 1300 و موديل كام و ماشيه قد ايه؟؟؟؟؟ كل ده مهم عشان نقدر نفيدك!
Comment
-
المشاركة الأصلية كتبت بواسطة mostafa727050 مشاهدة المشاركةالعربيه 2005 1600
يعني cvt
مبيتصلحش اصلاً واعتقد بالسعر ده ممكن تجيب واحد استيراد وممكن كمان تشوف ستيبترونيك استيراد (شفته في الحرفيين)
Comment
-
هو الفتيس اتوماتيك ؟؟؟المشاركة الأصلية كتبت بواسطة mostafa727050 مشاهدة المشاركةالونه اثناء التباطوء
والونه دى موجوده على طول ولا فى البدايه بس وبعد لما تمشى شويه تروح ؟؟؟
ياريت ترود عليا لأن ممكن يكون عندى نفس المشكله ....
Comment
-
وإيه المشكلة فى الونة؟
هيجرى إيه لو تفضل من غير ما تغيّر حاجة خالص؟
هل فيه تأثير على النقل أو السحب؟[CENTER][aldl]http://www.jewelsf.com/up/uploads/542f6eee3a.gif[/aldl]
[/CENTER]
[CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
[CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
[CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
[/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]
Comment
-
المشاركة الأصلية كتبت بواسطة mostafa727050 مشاهدة المشاركةالعربيه 2005 1600
استاذى الفاضل العربيه أصلا مانوال ولا اتوماتك (ده أهم معلومه) حضرتك بخيل فى معلوماتك جدا ......... الناس عماله تخمن نوع الفتيس اللى عند حضرتك و تجاوب عليك وخلاص و ممكن تكون حضرتك محتاج حاجه تانيه خالص؟!!!!!!
Comment
-
معلش يا جماعه العربيه 2005 1600 اوتوماتيك الونه بتظهر لما اابقى ماشى على 60 و اكثر واشيل رجلى من على البنزين تظهر الونه وتفضل موجوده لغايه لما السرعه تنزل ومفيش اى مشاكل فى السحب ولا اى حاجه بس المشكله انو صوت رخم محسسنى انى راكب عربيه قديمه,,,,,, ممكن اعرف ايه موضوع الستبترونيك ممكن يركب عندى و بكام ؟؟؟
Comment
-
المشاركة الأصلية كتبت بواسطة mostafa727050 مشاهدة المشاركةمعلش يا جماعه العربيه 2005 1600 اوتوماتيك الونه بتظهر لما اابقى ماشى على 60 و اكثر واشيل رجلى من على البنزين تظهر الونه وتفضل موجوده لغايه لما السرعه تنزل ومفيش اى مشاكل فى السحب ولا اى حاجه بس المشكله انو صوت رخم محسسنى انى راكب عربيه قديمه,,,,,, ممكن اعرف ايه موضوع الستبترونيك ممكن يركب عندى و بكام ؟؟؟
الفتيس عندك cvt وده مافيهوش تروس أصلا عشان يعمل ونه و هو عبارة عن بكرتين متغيرتين القطر بينهم سير معدنى و دائم التغيير وانت ماشى......... ما دام العربيه سحبها مافيهوش مشاكل و أداء الفتيس تمام يبقه فى الغالب صوت الونه ده جايه من تروس الكرونه و ده فى عربيات الجر الأمامى بتبقه مدمجه مع الفتيس فى صندوق واحد و لكنها بتبقه فى أخر الفتيس و مالهاش دور فى نقلات الفتيس خالص و لكن بتقوم بدور الـكرونه (الكورونه بتبقه موجودة فى عربيات الجر الخلفى منفصله لوحدها بين العجلتين الخلفيتين و متوصله بالفتيس عن طريق عمود الكردان و الموتور و الفتيس فى هذه الحالة بيبقوا راكبين بالطول مش بالعرض)..
بالنسبه لحالة حضرتك عشان الكرونه يتعمل فيها أى شغل لازم الفتيس يتفتح و هذا الفتيس حسب كلام شركة متسوبيشى و تجارب عديده ما بيتصلحش و لما بيبوظ لازم يتغير كله لكن فى حالة حضرتك الفتيس مش بايظ ولكن هيتفك عشان تروس الكورونه تتصلح و بصراحه مش عارف مجرد فكرة فتح الفتيس ممكن يرجع زى الأول ولا لأ..........ما دام قالولك فى التوكيل هنصلحه يبقه أكيد هينفع يتصلح ولكن السعر اللى بيقولوه لحضرتك يجيب فتيس كامل استيراد........إذن لا جدوى من الإصلاح خصوصا ان ممكن حالة البكر و السير ما تكونش 100% و يبوظو هم كمان بعد فترة قصيرة (انتهاء طبيعى لعمرهم الإفتراضى) فأنا مش مع ان التوكيل يصلحه و ياخد المبلغ ده كله....
بالنسبة للإستبترونك ده نزل بديل للcvt فى موديلات 2010 (أخر الcvt كان 2009 ) وده عبارة عن فتيس اتوماتك عادى يعتمد على التروس و به 4 نقلات عادى زى اللى بينزل فى الـ1300 طول عمرها و لكن به تعديل بسيط فى السوفت وير و العصاية ليسمح لك بالتحكم بطريقة مانوال فى الفتيس عن طريق اختيار النقله بمزاجك عن طريق +و- فى العصاية و انا من رأيى ان الفتيس ده أحسن من ناحية الإعتمادية و يوم ما تبوظ فيه حاجه ممكن يتفك و يتصلح عادى و فيه حاجات بتتغير و يبقه كله تمام و مش حساس قوى كده زى الcvt
لو حضرتك أخدت قرار بتغيير الفتيس كله استيراد و كان متاح انك تركب الفتيس الإستبترونك بدل الcvt من رأييى هيكون أفضل ولكن الموضوع مش سهل لأنك هتغير معاه الضفيرة و الكنترول بتاع العربية و احتمال الكبالن كمان و هتغير لوحة عدادات التابلوه و هتغير الكونسول بعصاية الفتيس و تركب التانية........و عشان يتعمل كل ده بشكل مضبوط و سليم لازم اللى يعملهولك يكون حد محترف فى تعديل السيارات و حافظها و عمل الموضوع ده قبل كده و اكيد فى الحرفيين هتلاقى الناس دول بس انا معرفش حد معين متجرب و ممكن ناس من المنتدى يدلوك و لازم تتفق مع اللى هيبعلك الفتيس انك هتاخده بكل حاجته و كل الحاجات اللى هتتبدل مش هتتدفع تمنها ولكن هياخد مكانها اللى كانت عندك...
لو عملت كده و التجربه نجحت قولى مين اللى عملهالك عشان ممكن أبقه أركبه فى عربيتى (مع العلم ان عربيتى مانوال هيزيد على اللى قولتهولك تغيير رادياتير و دواسة فرامل).
فى النهاية لو الونة خفيفة و انت بس اللى بتسمعها لأنك مركز مع العربية زيادة عن اللزوم يبقه كبر دماغك و كمل على الفتيس لغاية ما يبوظ و تبقه تغيره كله ساعتها عن حق لأنه خلى بالك الفتيس هيبوظ هيبوظ لأنه له عمر افتراضى وزى ما قولتلك ما بيتصلحش و هيبقه علاجه التغيير.
Comment

Comment