الرواس يجدد عقد الوكالة مع ميتسوبيشى اليابانيه 5 سنوات

[DrMax]

من جريدة الاهرام:

نجح رجل الاعمال فرج الرواس رئيس مجلش ادارة شركة مصرية وكلاء ميتسوبيشى فى مصر فى تجديد عقد الوكالة لمدة 5 سنوات مقبلة مع الجانب اليابانى.وسيتم توقيع تجديد عقد الوكالة الاتنين المقبل.واشترط الجانب اليابانى ان يتم توقيع العقد الجديد باسم فرج الرواس منفردا . وذلك داخل مقر المكتب الاقليمى لميتسوبيشى اليابانيه بدبى . حيث يوقع العقد كوبياشى عن الجانب اليابانى وهو المديرالاقليمى لميتسوبيشى بالشرق الاوسط.

وأكد فرج الرواس لسوق السيارات بالاهرام ان المفاوضات مع الجانب اليابانى كانت مثمرة خاصة بعد ان تمت الاستجابة لجميع مطالبه وتم فتح الاعتمادات اللازمة بمبلغ 550 مليون جنيه مصرى تضم 250 مليونا اعتمادا لقطع الغيار.وقد وصلت الى البلاد بمخازن الرواس يوم الخميس الماضى اول رسالة منها.

ويضيف الرواس لقد تم فتح اعتماد مالى للسيارات باجمالى 300 مليون جنيه وكنت قد قمت قبل المفاوضات بفتح اعتماد بمبلغ 140 مليون جنيه مصرى تمت زيادتها حتى وصلت الى 300 مليون جنيه, واضاف "لقد أبلغنى مسئولو شركة مصرية فى مصر بوصول 65 سيارة باجيرو قادمة من الشركة الأم كذلك 386 سيارة لانسر .

ويضيف الرواس: لقد طلبت فى اجتماعات مع الجانب اليابانى ضرورة زيادة خط انتاج السيارة الباجيرو فى اليابان حيث انه لدى شركة مصرية حجوزات عليها تقدر بنحو 400 سيارة.

ووافق الجانب اليابانى على اعتماد مركز خدمة وصيانة الرواس بالعبور مركزا معتمدا وتبلغ قيمة ما انفق عليه 186 مليون جنيه

[DrMax]

ايه رايكو ياجماعة فى التجديد ده؟؟
انا عن نفسى زى مقولت قبل كده الرواس احسن بكتير من توكيلات تانية...وبالنسبة لموضوع مستوى مراكز الخدمة وتجديدها بحيث تليق بمستوى علامة ميتسوبيشى اكيد ده هيتم الفترة الجايه وهيبقى فى عروض وتحسين لمستوى الخدمه
لان اكيد دى كانت هزة جامدة للرواس ووصلتلو رسالة ان ممكن التوكيل يتسحب منه فى اى لحظة
يعنى انا شايف ان معظم الشكاوى كانت من مستوى مراكز الخدمة ودى مقدور عليها..لكن بالنسبة لاسعار العربيات اعتقد انها معقولة بالنسبة للسوق ومش هتنزل عن كده لكن نتمنى ان قطع الغيار سعرها ينزل شوية لانها غالية شوية فى التوكيل بالنسبة لعربية منتشرة اوىىىىىىىىىىىىىىىىى زى اللانسر
وانا كنت من البداية مؤيد للاستقرار لان الرواس احسن بكتير من توكيلات تانية وكفاية ان التوكيل فيه شخصية محترمة زى المهندس طارق اللى بيساعدنا على قد ميقدر ومبيبخلش علينا باى حاجة
منتظر ارائكم

[turch]

خدتها من على الكيبورد ههههه كنت لسه هاكتب الموضوع

الحمد لله ان الموضوع اتحسم قبل السنه الجديده وعلى الله تكون دي قرصة ودن يتعلم منها كتير بعد كده اتمنى ان التوكيل يتحسن ويتطور عن كده وترجع اللانسر تملى الشوارع من جديد ومبروك علينا مركز العبور هو شكله تحفه ومتشطب على سنجة عشره انا بعدي عليه كل يوم واقول امتى هايفتح .

[DrMax]

خدتها من على الكيبورد ههههه كنت لسه هاكتب الموضوع

الحمد لله ان الموضوع اتحسم قبل السنه الجديده وعلى الله تكون دي قرصة ودن يتعلم منها كتير بعد كده اتمنى ان التوكيل يتحسن ويتطور عن كده وترجع اللانسر تملى الشوارع من جديد ومبروك علينا مركز العبور هو شكله تحفه ومتشطب على سنجة عشره انا بعدي عليه كل يوم واقول امتى هايفتح .

هههههههه واحد ياباشا ولا يهمك
انا برضو شايف انها قرصة ودن واكيد هنشوف تطور للاحسن ان شاء الله ونتمنى ان الشارك تملى شوارع مصر زى البومه والكريستالة ولانسر تكتسح السوق كالعادة
بس زى مقولت اتمنى قطع الغيار سعرها ينزل شوية فى التوكيل لانها غالية بالنسبة لانتشار اللانسر
ده اسعار قطع غيار الفورد فوكاس فى التوكيل ارخص من اللانسر!!!!
ونتمنى ان مراكز الخدمة تتطور وتبقى زى مراكز دايهاتسو واحسن ان شاء الله

[د.محمود صلاح]

الأيام الجاية ستبرهن الجدية على الإحتفاظ بالماركة العريقة دي ولا لأ .

[MaZaGAngeE]

من بين 17 منتج مختلف الرواس جايب اتنين بس !!!! و كمان مش فئات مختلفة الفروقات في شوية كماليات قليلة خالص
ما الشركة عندها موديلات من أول الحجم اللي زي الماروتي لحد الحجم اللي زي مرسيديس اس 600
ده كمان غير الموديلات الاسبور

السوق السعودي فيه 10 موديلات و طبعا كل موديل ليه فئاته المختلفة , و أوتوبيس , و نص نقل , و 5 عربيات نقل
السوق الأمريكي فيه 8 موديلات مختلفة بفئاتها , و معرفتش حاجة عن العربيات النقل و لا الاتوتوبيسات
السوق الانجليزي فيه 8 موديلات مختلفة بفئاتها , و معرفتش حاجة عن العربيات النقل و لا الاتوتوبيسات

مصدر المعلومات : موقع ميتسوبيشي MITSUBISHI MOTORS.com

[Dr.SherifMansy]

من بين 17 منتج مختلف الرواس جايب اتنين بس !!!! و كمان مش فئات مختلفة الفروقات في شوية كماليات قليلة خالص
ما الشركة عندها موديلات من أول الحجم اللي زي الماروتي لحد الحجم اللي زي مرسيديس اس 600
ده كمان غير الموديلات الاسبور

السوق السعودي فيه 10 موديلات و طبعا كل موديل ليه فئاته المختلفة , و أوتوبيس , و نص نقل , و 5 عربيات نقل
السوق الأمريكي فيه 8 موديلات مختلفة بفئاتها , و معرفتش حاجة عن العربيات النقل و لا الاتوتوبيسات
السوق الانجليزي فيه 8 موديلات مختلفة بفئاتها , و معرفتش حاجة عن العربيات النقل و لا الاتوتوبيسات

مصدر المعلومات : موقع ميتسوبيشي MITSUBISHI MOTORS.com

نفس المشكلة دى سألتها قبل كده و رد على فيها المهندس طارق...

http://www.nilemotors.net/Nile/105685-1600-2010-a-4.html

و لكن بصراحة لسه باسأل نفسى ... هل ميتسوبيشى هى اللى بتنزل لنا لانسر و باجيرو بس ؟؟؟ ولا الوكيل هو اللى بيطلبهم بس ؟؟؟

[kemoelord]

شكرا على الخبر يا عم ميدو والله انا كنت داخل اعمل الموضوع حالا بس عمرك اطول من عمري ,, بالنسبه لاستمرار توكيل الرواس فانا كنت اؤيده بشده نظرا لكون هناك اشاعات بتفيد بان التوكيل كان هيصبح من حق ناس زي منصور وابو الفتوح كانوا هيودوا العربيه في داهيه وكانت هتتجمع في مصر وليلة زرقه كده , انا شايف زي ما مهم جدا لينا انه يحسن ويطور مراكز الخدمه (في كل الفروع) ويرتقي بخدمة العملاء زي ما مهم لينا اننا نلاقي عروض على الصيانات الدوريه وتخفيضات على اسعار قطع الغيار والفحوصات المجانيه زي ما بنشوف بعض التوكيلات بتعمل ده وانا قولت الكلام ده كتييييييييييييير بجد وياريت يوصل للتوكيل عن طريق المهندس طارق لان ساعتها هنحس ان فلوسنا ما راحت هدر واتصرفت على ماركه احنا كلنا بنحبها ومؤمنين بيها وتوكيل يستحق ان الواحد يشتري السيارة من اجله

[DrMax]

شكرا على الخبر يا عم ميدو والله انا كنت داخل اعمل الموضوع حالا بس عمرك اطول من عمري ,, بالنسبه لاستمرار توكيل الرواس فانا كنت اؤيده بشده نظرا لكون هناك اشاعات بتفيد بان التوكيل كان هيصبح من حق ناس زي منصور وابو الفتوح كانوا هيودوا العربيه في داهيه وكانت هتتجمع في مصر وليلة زرقه كده , انا شايف زي ما مهم جدا لينا انه يحسن ويطور مراكز الخدمه (في كل الفروع) ويرتقي بخدمة العملاء زي ما مهم لينا اننا نلاقي عروض على الصيانات الدوريه وتخفيضات على اسعار قطع الغيار والفحوصات المجانيه زي ما بنشوف بعض التوكيلات بتعمل ده وانا قولت الكلام ده كتييييييييييييير بجد وياريت يوصل للتوكيل عن طريق المهندس طارق لان ساعتها هنحس ان فلوسنا ما راحت هدر واتصرفت على ماركه احنا كلنا بنحبها ومؤمنين بيها وتوكيل يستحق ان الواحد يشتري السيارة من اجله

+11111111111
فعلا اللى ينقصنا فى التوكيل الارتقاء بمراكز الخدمة وعروض على الصيانات الدورية وتخفيضات على قطع الغيار...نتمنى ده يحصل
ونورت الموضوع ياكيمو

[DrMax]

من بين 17 منتج مختلف الرواس جايب اتنين بس !!!! و كمان مش فئات مختلفة الفروقات في شوية كماليات قليلة خالص
ما الشركة عندها موديلات من أول الحجم اللي زي الماروتي لحد الحجم اللي زي مرسيديس اس 600
ده كمان غير الموديلات الاسبور

السوق السعودي فيه 10 موديلات و طبعا كل موديل ليه فئاته المختلفة , و أوتوبيس , و نص نقل , و 5 عربيات نقل
السوق الأمريكي فيه 8 موديلات مختلفة بفئاتها , و معرفتش حاجة عن العربيات النقل و لا الاتوتوبيسات
السوق الانجليزي فيه 8 موديلات مختلفة بفئاتها , و معرفتش حاجة عن العربيات النقل و لا الاتوتوبيسات

مصدر المعلومات : موقع ميتسوبيشي mitsubishi motors.com

اعتقد ان الشركة الام اللى بتحدد متطلبات كل سوق..وفى انتظار مشاركة المهندس طارق لتوضيح النقطة دى..وشكرا لردك

الأيام الجاية ستبرهن الجدية على الإحتفاظ بالماركة العريقة دي ولا لأ .

بالظبط كده...ونورت الموضوع يا د.محمود

نفس المشكلة دى سألتها قبل كده و رد على فيها المهندس طارق...

http://www.nilemotors.net/nile/10568...-2010-a-4.html

و لكن بصراحة لسه باسأل نفسى ... هل ميتسوبيشى هى اللى بتنزل لنا لانسر و باجيرو بس ؟؟؟ ولا الوكيل هو اللى بيطلبهم بس ؟؟؟

فعلا سؤال محتاج اجابة ومنتظرين توضيح البشمهندس طارق
ونورت الموضوع يا د.شريف

[Ahmed Nouh]

طبعا الجانب اليابانى عينه زغللت من العربيات الجديده اللى التوكيل اشتراها والفلوس اللى اتحطت على الطرابيزه

بس انا شخصيا مش هقتنع بتغيير جذرى غير لما اشوفه بعينى ونشوف العربيات الجديده اللى جابها عنده دى هيبيعها ازاى وهو اساسا غرقان فى اللى عنده واتوقف حاله فى السوق

وربنا يفرجها بقا ونشوف مركز خدمه بيحترم العميل زى مراكز الخدمه اللى ملت مصر وناخد منه على قد ما بندفع فعلا

وكان نفسى نشوف دماء جديده بس يظهر ان الامل بعيد فى التغيير :(

من بين 17 منتج مختلف الرواس جايب اتنين بس !!!! و كمان مش فئات مختلفة الفروقات في شوية كماليات قليلة خالص
ما الشركة عندها موديلات من أول الحجم اللي زي الماروتي لحد الحجم اللي زي مرسيديس اس 600
ده كمان غير الموديلات الاسبور

السوق السعودي فيه 10 موديلات و طبعا كل موديل ليه فئاته المختلفة , و أوتوبيس , و نص نقل , و 5 عربيات نقل
السوق الأمريكي فيه 8 موديلات مختلفة بفئاتها , و معرفتش حاجة عن العربيات النقل و لا الاتوتوبيسات
السوق الانجليزي فيه 8 موديلات مختلفة بفئاتها , و معرفتش حاجة عن العربيات النقل و لا الاتوتوبيسات

مصدر المعلومات : موقع ميتسوبيشي mitsubishi motors.com

اذا كان اللانسر مش عارف يسوقها والعربيه وقعت فى السوق , يبقى هيجيب موديلات تانى

فى طبعا على الاقل 3 موديلات تانيه غير اللانسر تنفع لمصر وتتباع كويس قوى كمان وكان منهم الكولت اللى ربنا قدره وجاب اجلها واتباعت فى اخر ايامها تصفيات

[m.aligamal]

الحمد لله على نعمه الاستقرار بجد اعتقد ان مصر البلد الوحيده التى لا يتغير فيها شىء يمكن بس حال المواطن غير كده كله على الكرسى بتاعه بستغرب جدا رجال اعمال كانت فى السجن و رجال اعمال هربانه و ترجع تانى نجوم مجتمع ويشتغلوا من جديد اكيد انتا فى مصر الكل كان فى دماغه الحبتور ولا ابو الفتوح ولا غبور ولا ولا لكن يبقى الرواس تمنياتى بالتوفيق فى المرحله المقبله

[dr-mohamed]

من بين 17 منتج مختلف الرواس جايب اتنين بس !!!! و كمان مش فئات مختلفة الفروقات في شوية كماليات قليلة خالص
ما الشركة عندها موديلات من أول الحجم اللي زي الماروتي لحد الحجم اللي زي مرسيديس اس 600
ده كمان غير الموديلات الاسبور

السوق السعودي فيه 10 موديلات و طبعا كل موديل ليه فئاته المختلفة , و أوتوبيس , و نص نقل , و 5 عربيات نقل
السوق الأمريكي فيه 8 موديلات مختلفة بفئاتها , و معرفتش حاجة عن العربيات النقل و لا الاتوتوبيسات
السوق الانجليزي فيه 8 موديلات مختلفة بفئاتها , و معرفتش حاجة عن العربيات النقل و لا الاتوتوبيسات

مصدر المعلومات : موقع ميتسوبيشي mitsubishi motors.com

معاك مليون في المية الماركة فيها موديلات جديدة بس الرواس مش عايز يوجع دماغه في دعاية لموديل جديد ومش بيعرف بدليل الكولت اللى جاب اجلها
هو فاشل جدا من ناحية لدعاية
ومراكز الصيانة زي الزفت مقارنة بماركات تانية او بمكاسبه اللى المفروض يصرف جزء منها على العربية
يخرج 10 مليون كل سنة من ال50 مليون دولار اللى قال انه بيكسبهم كل سنة في القضية اللى رفعها على الشركة ويصرفهم على مراكز الصيانة والدعاية
ويرخص سعر العربية شوية للسعر المعقول زي ما عمل وحرق في السعر اول ما سحبوا منه التوكيل ونزل العربية ما بين 10 الى 20 الف جنيه

اعتقد ان الشركة الام اللى بتحدد متطلبات كل سوق..وفى انتظار مشاركة المهندس طارق لتوضيح النقطة دى..وشكرا لردك

فعلا سؤال محتاج اجابة ومنتظرين توضيح البشمهندس طارق
ونورت الموضوع يا د.شريف

لا طبعا مش الشركة الام
كل وكيل ادري بالسوق بتاعه وهو اللى بيحدد عايز ايه من الشركة زي بتاع كيا لما كانت الكارينز 2000سي سي كان سعرها 300 الف ومفيش عليها طلب نهائي طلبها من الشركة 1600 سي سي وبقت عربية الموسم في المستوي بتاعها
بس الوكيل هنا مش عايز يوجع دماغه

وباشمهندس طارق اخونا الكبير منحملهوش اكتر من طاقته ونقولنا فسر لنا قرارات الوكيل لانه يا اما يجاوب اجابة صريحة و دي ممكن تعمله مشاكل او يجاوب اجابة عائمة ودي تعمل له مشاكل مع نفسه او ينفي و دي تعمله مشاكل مع الكل

كفاية ان الراجل ده يعتبر من اهم اسباب السمعة المتبقية للوكيل

طبعا الجانب اليابانى عينه زغللت من العربيات الجديده اللى التوكيل اشتراها والفلوس اللى اتحطت على الطرابيزه
بس انا شخصيا مش هقتنع بتغيير جذرى غير لما اشوفه بعينى ونشوف العربيات الجديده اللى جابها عنده دى هيبيعها ازاى وهو اساسا غرقان فى اللى عنده واتوقف حاله فى السوق
وربنا يفرجها بقا ونشوف مركز خدمه بيحترم العميل زى مراكز الخدمه اللى ملت مصر وناخد منه على قد ما بندفع فعلا
وكان نفسى نشوف دماء جديده بس يظهر ان الامل بعيد فى التغيير :(
اذا كان اللانسر مش عارف يسوقها والعربيه وقعت فى السوق , يبقى هيجيب موديلات تانى
فى طبعا على الاقل 3 موديلات تانيه غير اللانسر تنفع لمصر وتتباع كويس قوى كمان وكان منهم الكولت اللى ربنا قدره وجاب اجلها واتباعت فى اخر ايامها تصفيات

وانا بأيدك في كل كلمة قلتها ولو استمر في سياسته هيجيب رجل اللانسر كمان الارض
ده الشارك واقعة بشكل رهيب في مواجهة باقي الموديلات زي الكيا والشيفروليه وغيرها
يا راجل دي واقعة ادام البومة
عايز ايه تانى من وكيل زي ده

[DrMax]

لا طبعا مش الشركة الام
كل وكيل ادري بالسوق بتاعه وهو اللى بيحدد عايز ايه من الشركة زي بتاع كيا لما كانت الكارينز 2000سي سي كان سعرها 300 الف ومفيش عليها طلب نهائي طلبها من الشركة 1600 سي سي وبقت عربية الموسم في المستوي بتاعها
بس الوكيل هنا مش عايز يوجع دماغه

وباشمهندس طارق اخونا الكبير منحملهوش اكتر من طاقته ونقولنا فسر لنا قرارات الوكيل لانه يا اما يجاوب اجابة صريحة و دي ممكن تعمله مشاكل او يجاوب اجابة عائمة ودي تعمل له مشاكل مع نفسه او ينفي و دي تعمله مشاكل مع الكل

كفاية ان الراجل ده يعتبر من اهم اسباب السمعة المتبقية للوكيل

معاك حق

[mada121977]

اهم حاجه السياسه اللى ماشى عليها التوكيل يحصل فيها تغيير جذرى ويهتموا بالعميل ويهتموا بالخدمات المقدمه له علشان رضا العميل هو اللى هيحقق لهم المكسب والاستمرار ... وياريت يجيبوا ناس بتفهم فى الاداره والتخطيط والتفكير المنظم وعارفه اساسيات الاداره الصحيحه (زى الباشمهندس طارق والمهندس محمد ) علشان الناس دى هيا اللى هتعلى التوكيل ده مش الناس اللى ماسكه الاداره دلوقتى