طقطقه فى العربيه

[SkyBird]

الاسكاترا تعمل طقه واحده بس لما تلف الدريكسيون والعربية واقفه
الكوبلن طقطقة مستمره تظهر في الملفات والعربية ماشيه
الاتياش(او البارات)طقطقه مستمرة تظهر والعربية ماشيه للامام مستقيما

[FunnyMickey]

ماحنا معندناش كل ده
احنا عندنا ريمكس
الطقطقه بتظهر احيانا واحيانا لا
وانتا واقف بالعربه وبتسخن
تلف الدركسيون يمين او شمال للاخر تظهر

مش شرط وانتا بتلف ملف

تفتكر ده ليه علاقه بالكلاكس ؟؟؟
:) :)

[m.aligamal]

فعلا احيانا و احيانا
حاجه غريبه ريمكس شعبى جدا زى ما صبحى بيقول
مش عارف احكم على العربيه هلى بتقطقق فى وضع الثبات بس ولا فى الملفات ولا فى الطوالى
مستنى الردود برده استفاده
ومستنيك يا صبحى

[Memo_Lancer]

بس الكشافات تحفه يا صبحي

[FunnyMickey]

ياعم بدل مانتا عامل فيها تاجر فوانيس رمضان
متفتح موضوع وتحط صور ام الفوانيس اللي زاللنا بيها دي
وقولنا جبتها منين وبكام
هوا احنا ملناش نفس يعني


هوا احنا لازم نشتري زينون يعني عشان تقول

[د-محمود اسامة]

انا عندي الرجة بتظهر علي النقر والحفر
يا تري ده من اه

[FunnyMickey]

يعني ايه الرجه

انهارده عندي بقي العربيه بقالها اسبوع مركونه
وركبتها انهارده

اوركسترا روبابيكيا سيمفوني اصلي
كركبه ايه وطقطقه ايه
كنت حاسس اني راكب قرده مش كريستاله

في اقرب وقت حوديها للعفشجي يشوفلي حل

[bido]

أنا كان عندى صوت الطقطقة دة لما بكون واقف على مطلع أو منزل وأكسر الدركسيون جامد وفى بداية الحركة أسمع صوت الطقة
رحت للعفشجى غيرلى بارات الدركسيون وكله بقى تمام دلوقتى

[m.aligamal]

أنا كان عندى صوت الطقطقة دة لما بكون واقف على مطلع أو منزل وأكسر الدركسيون جامد وفى بداية الحركة أسمع صوت الطقة
رحت للعفشجى غيرلى بارات الدركسيون وكله بقى تمام دلوقتى

ممكن برضه ده احتمال

[shady3335]

انا عندى طقة و خصوصا فى الركن و تظهر فى اغلب الاحيان عند الرجوع للخلف و غيرت تفريبا كل حاجة فة العفشة و الصوت لم يختفى