إعـــــــلان

Collapse

.

,
See more
See less

هل فشلت الانسر شارك فى مصر؟

Collapse
X
 
  • Filter
  • الوقت
  • Show
Clear All
new posts

  • #61
    المشاركة الأصلية كتبت بواسطة som3aa مشاهدة المشاركة
    الكلام دا اللى مطلعه المصريين بناء على سعر العربيات المبالغ فيه فى مصر انما الكلام دا مش صح اساسا
    المشاركة الأصلية كتبت بواسطة mohammmed مشاهدة المشاركة
    حضرتك كلامك مش مضبوط
    ال لانسر شارك بتتقارن بره بالكورولا والمازدا 3 فعلا
    كلام الراجل سليم

    بيتقارنو ببعض و معاهم الكروز و السيراتو و الالنترا

    بس هو الكلام بيبقى تقيل على قلب اللي دافع كتير هنا فمش عايز يصدق انه دافع فلوس بزيادة

    ممكن تكون عربية احسن بس ماتستاهلش فرق السعر الكبير ده
    [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

    Comment


    • #62
      المشاركة الأصلية كتبت بواسطة Ahmed Samy مشاهدة المشاركة
      كلام الراجل سليم

      بيتقارنو ببعض و معاهم الكروز و السيراتو و الالنترا

      بس هو الكلام بيبقى تقيل على قلب اللي دافع كتير هنا فمش عايز يصدق انه دافع فلوس بزيادة

      ممكن تكون عربية احسن بس ماتستاهلش فرق السعر الكبير ده

      طيب ياباشا ممكن تجيبلى اى review ليها مع السيراتو !!!

      Comment


      • #63
        المشاركة الأصلية كتبت بواسطة Mohammmed مشاهدة المشاركة
        طيب ياباشا ممكن تجيبلى اى review ليها مع السيراتو !!!
        Kia Forte vs. Mitsubishi Lancer Review

        Kia Forte vs. Mitsubishi Lancer car comparison, compare auto pricing, specs, and features=



        وده مع المازدا الجديدة من ادموندز مش من موقع تحت بير السلم

        "Comparison Test: 2010 Kia Forte SX vs. 2010 Mazda 3 i Touring" Edmunds Daily

        ودي مقارنة بين المازدا و السيراتو و الكورولا و الشارك

        شوف الأسعار

        - Yahoo! Autos


        وده بقى مقارنة Topspeed بين السيراتو و المازدا و السيفيك

        Comparison Test: Kia Forte, Mazda 3 and Honda Civic - Top Speed



        ______________________________________
        احنا بس اللي عايشين الوهم ده هنا
        [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

        Comment


        • #64
          معلش انا لا عندى السيراتو و لا عندى اللانسر فمش متحيز لدى و لا لدى علشان اوضح ان مليش مصلحة من كلامى!!

          موضوع ان صاجها او اكصدامها اضعف من عربيات تاينة كتير دى مش حاجة محتاجة اثبات او تجربة , دى حاجة الشعب المصرى كله عارفها و متجربة مليون مرة , اكصدامات اللانسر بالذات اول لما يتريح عليها جامد او تتخبط خبطة خفيفة بتدخل لجوه و انا واحد قريبى خبط و هو بيركن بشويش فى اكصدام لانسر شارك و اتفق مع صاحبها يصلحها على حسابه و صاحبها قاله و الله دى كانت مخبوطة نفس الخبطة و كانت لسه متصلحة و الموضوع دا مكرر و معروف فى الشارك و بيحصل كتير و الناس عارفاه و اى حد عنده لانسر يقدر يخش يشهد بسهولة.

          اما عن انتشارها فدا لانها عربية كويسة اوى و عيوبها قليلة جدا ملوش علاقة بضعف صاجها و كل عربية و ليها عيوبها و مش معنى ان اى عربية فيها عيب بسيط او عيب فى مصر زى الصاج الخفيف لان العربية مش معمولة انها تبقى عربية تصادم فى ملاهى تبقى عربية وحشة بالعكس , اللانسر البومة اثبتت كفائة و بقت العربية نمرة واحد فى مصر و اللانسر الشارك عربية كويسة بس فشلت فشل زريع فى مصر بسبب 0 فى الدعاية - مبالغة غريبة فى تمن العربية - موتور العربية اللى الناس حاسة انه ضعيف عليها (هتقولى موتور الاوكتافيا و لا الجيتا اللى فوى) اقولك لا مع ان الناس بتدفع 200 الف و اكتر و لا الباسات ب 255 و موتورها ضعيق جدا عليها بس هى حسبة الناس بتحسبها تكسب ايه و تخسر ايه مقابل المبلغ اللى بتدفعه علشان كدا البومة انجح عربية فى مصر و الشارك من افشل العربيات اللى نزلت مصر , مين يدفع 155 فى عربية دى و يسيب السيراتو اللى ب 126 يعنى فرق 29 الف جنيه و تقريبا نفس الكماليات و مستوى الجودة بتاع السيراتو جيد جدا مع وجود عيوب فيها زى ما فى عيوب فى اى عربية مهما كان نوعها , اللى بيحكم على نجاح او فشل اى عربية بيعها مش رايى الناس , يعنى عربية موديل 2009 (الشارك) و احنا فى سنة 2010 تبقى عربية مستعملة ب 137 الف جنيه؟؟؟ دا كلام؟؟
          انا بقول ان كل عربية فيها عيب السيراتو فيها عيب و الشارك فيها عيب و ال s-500 فيها عيوب و كل عربية و حسب اللى بيدفع عايز يدفع كام فى ايه بالظبط.
          بعدين المرسيدس الc-class واطية جدا (العربية على الارض) يبقى معنى كدا انى اقول العربية دى وحشة؟؟ مرسيدس صنعت عربية تمشى فى الشارع مش فى ميدان حرب , الغلط فى شوارعنا.
          انا كل اللى بقوله ان اللانسر لو كانت نزلت ب 128 الهاى لاين (يعنى بتمن السيراتو) كانت المنافسة هتبقى شرسة بينهم بس بسبب استهبال و حاجات تانية زى الموتور دى نجحت و بيتباع منها 2011 و بالحجز و دى فشلت و فى منها 2008 و محدش بيشترى.

          السيراتو انا بدافع عنها لانى و مش انا بس معظم الشعب المصرى شايفها صفقة ناجحة بكل المقاييس و عربية حتى لو فيها بعض العيوب مقابل تمنها ممتاز جدا و كل واحد بيحسب هيكسب ايه و يخسر ايه و يحدد.
          يعنى لما عربية ب 126 الف ضمان 5 سنين فيها options رهييييبة مش موجودة فى عربيات بتتباع رز ب 300 الف و شكل رهيب و تابلوه جميل و عربية شيك و توكيلها ممتاز فى الصيانة و بتتباع بالسعر دا لاااازم تنجح نجاح رهيب لما منافسينها مازدا3 ب 158 الف تكييف بكر!!!! و مفيهاش حاجات كتير زى الفرش الجلد و الsmart key و كدا و الكورولا الجنوب افريقى ب 160 الف!!!! و مفيش جلد و لا فتحة سقف و لا parking sensor و الهوندا السيفيك ب 158 فاضية خالص و 190 كاملة و لانسر شارك ب 137 موديل 2009 مستعملة!!!! يبقى الصراحة لازم ادافع عن العربية انما العربية لا هى عندى و لا عمرى هشتريها و لا انا شغال فى كيا!!
          الشارك برده لو كانت اتباعت كان بان عيوبها لان اى عربية فى العالم فيها عيوب و كتير المبيعات بيبين العيوب يعنى توكيل بيبيع 2000 عربية فى الشهر لازم لو نسبة صغيرة معيوبة (دا مجرد مثال من عندى للتوضيح) قول 2% يعنى 40 عربية معيوبة كل شهر يعنى لحد النهاردة مثلا فى 640 عربية معيوبة هتبان هتبان انما توكيل عنده 2008 يعنى اخره باع 200-300 عربية يعنى لو فى عيب فى 2% من العربيات اللى باعها يعنى عيب فى 5-6 عربيات عمرنا ماهنسمع عنه اساسا !! دا سبب ان عيوب الشارك مش معروفة زى عيوب السيراتو و على فكرة فى عيوب فردية , طيب لو سمعت عن شخص اشترى E-class و غيروله الموتور فى التوكيل هتقولى المرسيدس معيوبة ؟ اكيد هتقول حالة فردية و حصلت فعلا و فعلا فردية و العربية مفيهاش عيب فى الموتور.
          نفس الكلام بالنسبة للسيراتو.

          Comment


          • #65
            بصراحة كلامك مقنع وجميل جدا

            ونصيحة لاى حد هايشترى عربية

            كل العربيات فيها عيوب ومميزات بس المهم انك لما تكون بنحبها هاتحافظ عليها اكتر
            زى الشغل بالظبط بنحب شغلك هاتنجح فيه مهما كان نوعه
            بتكرة شغلك لو قاعد على مكتب وتحتك 50 موظف هاتفشل هاتفشل

            وكلامى فى حدود فئة عربيات دول مش فى كل العربيات
            يعنى
            هوندا
            كورولا
            مازذا
            لانسر شارك
            سيراتو
            كروز

            كلهم فيهم عيوب وفيهم مميزات بس انت بتحب ايه وكأنك هاتتجوز وقدامك 5 عرايس واحده عيونها ملونة بس قصيرة قوى قوى والتانية اطول منك والتالتة تخينة قوى .......................الخ
            وفيهم واحدة انت بتحبها من زمان من ساعة لما شوفتها بس كل اللى حوليك بيقولك هتلاقى احسن من كدة
            هاتعمل ايه ............... ؟
            ومش عايز حد يفهمنى غلط انا مش بشبه الزوجة بالعربية او العربية بالزوجة
            انا بوضح فايدة الحب فأى حاجة
            يعنى الفئة دى تقريبا زى بعض هما فئة السوق المصرى دلوقتى والشباب المصرى تقريبا يعنى اختار اللى انت بتحبها وحافظ علشها وربنا يكفيك شرها وتبقى مبروكة عليك
            يعنى اللانسر مش فاشلة الفشل هو انك تشترى حاجة وتفضل عينك على الحاجة اللى كنت بتحبها وسمعت كلام الناس وبتقول ياريت هى مش وحشة قوى كدة زى الناس ما كانت بتقول عليها
            [SIZE=5][SIZE=5]عربيتى لازم تكون المانى[/SIZE] :verygood:
            [SIZE=3]والمشكلة ان الانسر شارك يابانى[/SIZE] :majd(4):

            [SIZE=1]من [/SIZE][SIZE=5]Golf[/SIZE] [SIZE=1]الى[/SIZE] [SIZE=4]BMW 316[/SIZE][SIZE=1]الى[/SIZE][SIZE=3]لانسر شارك[/SIZE]
            [SIZE=1]ليت الزمان يعود[/SIZE] يومــــــــــــــ:120146bــــــــــــــا
            [/SIZE]

            Comment


            • #66
              الوكيل إتغر فى سمعة اللانسر(بومه) وفكر إن الشارك من غير
              دعاية وإعلان الناس هتجبها وهيا مغمضة على حساب سمعة البومه
              طبعا خطأ فادح من الوكيل وفريق التسويق والدعاية
              لكن الشارك عربية جميلة جدا وماتستحقش إنها تكون أقل من البومه
              فى الدعاية والإعلان
              ليه مايحاولش يعمل إعلانات ليها فى كل وسائل الإعلام ماعنده التليفزيون والراديو والصحف والمجلات سواء المتخصصة فى مجال السيارات أو العامة وإعلانات على الطرق وبعدين الاعلانات دية تستمر فترة كبيرة من الزمن عشان يبقى فى تواصل بين الوكيل والمستهلك
              تحياتى

              Comment


              • #67
                المشاركة الأصلية كتبت بواسطة Ahmed Samy مشاهدة المشاركة
                واضح ان حضرتك عندك تعريف شخصي للـفئه

                كل العربيات اللي حضرتك ذكرتها فوق هي من نفس الرتبة
                ان كان في احسن او اوحش (و الفروق قريبة جدا) أو أغلى أرخص علشان في توكيلات بتحاول تفرض أمر واقع و فروق وهمية بفرض اسعار مبالغ فيها للخروج من المنافسة مع سيارات بعينها فده لن ينفي حقيقة ان كب هذه السيارات من نفس الرتبة . Category C .

                ولو مش مصدقني اعمل سيرش على كل واحدة و شوف فئاتهم وكمان اسعارهم برا متقاربه ازاي

                دايما اغلاهم الهوندا بس بفروق لا تتعدي الألفين دولار يعني في مصر لا يجب ان تتعدى الأربعة ألآف دولار يعني عشرين الف مثلا (ده أقصى رقم ممكن تلاقيه بين التجهيزات المتماثلة)

                أما ان كنت حضرتك بتقيس الفئه بالسعر يبقى حضرتك اللي مش قادر تستوعب كويس
                ابتسم ....انت فى مصر ,,,
                يا دكتور واحنا من امتى بنقارن اسعار العربيات عندنا ببره ,,,
                احنا ولله الحمد عندنا اسعار مبالغ فيها فى كل حاجه ....
                وفعلا" انا بتكلم من حيث الفئه السعريه وشايف ان الشارك مش مبالغ فى سعرها لما تبقى نفس سعر الكورولا ,,,تفرق ايه عنها ؟؟!!
                لما يكون سعر البومه السام 133 الف وسعر الشارك Sport مابين 133 الى 137 الف بعد تخفيض سعرها,,, يبقى فين المشكله ؟؟!!
                اذا كان فيه حاجه مبالغ فى سعرها هى البومه (بغض النظر ان كل العربيات مبالغ فى سعرها ) بس البومه زياده شويه شويتين كدا ,,,
                وللعلم ان لما جيبت سيرة السيراتو (انا عارف انكم مبتحبوش حد يجيب سيرتها ) عشان العضو اللى قال انها لو كانت نزلت بنفس سعر السيرانو كانت هتبقى منافس قوى وهتنتشر اكتر ...

                ولو الانتشار مقياس فشل العربيه يبقى معظم عربيات مصر فاشله (خد عندك الليون والبرافو واللينيا برغم ان سعرها مش مبالغ فيه و...........)
                ومع ذلك الشارك اكتر انتشار من العربيات دى وبنقول عليها فاشله ...

                يا دكتور أنا معاك فى كل كلامك بالنسبه لبره اكن بالنسبه لمصر فيه مقاييس تانيه خالص ...
                هو حضرتك لما بتشترى عربيه اول حاجه بتفكر فيها أيه ؟؟!!

                Comment


                • #68
                  المشاركة الأصلية كتبت بواسطة som3aa مشاهدة المشاركة
                  معلش انا لا عندى السيراتو و لا عندى اللانسر فمش متحيز لدى و لا لدى علشان اوضح ان مليش مصلحة من كلامى!!

                  موضوع ان صاجها او اكصدامها اضعف من عربيات تاينة كتير دى مش حاجة محتاجة اثبات او تجربة , دى حاجة الشعب المصرى كله عارفها و متجربة مليون مرة , اكصدامات اللانسر بالذات اول لما يتريح عليها جامد او تتخبط خبطة خفيفة بتدخل لجوه و انا واحد قريبى خبط و هو بيركن بشويش فى اكصدام لانسر شارك و اتفق مع صاحبها يصلحها على حسابه و صاحبها قاله و الله دى كانت مخبوطة نفس الخبطة و كانت لسه متصلحة و الموضوع دا مكرر و معروف فى الشارك و بيحصل كتير و الناس عارفاه و اى حد عنده لانسر يقدر يخش يشهد بسهولة.

                  اما عن انتشارها فدا لانها عربية كويسة اوى و عيوبها قليلة جدا ملوش علاقة بضعف صاجها و كل عربية و ليها عيوبها و مش معنى ان اى عربية فيها عيب بسيط او عيب فى مصر زى الصاج الخفيف لان العربية مش معمولة انها تبقى عربية تصادم فى ملاهى تبقى عربية وحشة بالعكس , اللانسر البومة اثبتت كفائة و بقت العربية نمرة واحد فى مصر و اللانسر الشارك عربية كويسة بس فشلت فشل زريع فى مصر بسبب 0 فى الدعاية - مبالغة غريبة فى تمن العربية - موتور العربية اللى الناس حاسة انه ضعيف عليها (هتقولى موتور الاوكتافيا و لا الجيتا اللى فوى) اقولك لا مع ان الناس بتدفع 200 الف و اكتر و لا الباسات ب 255 و موتورها ضعيق جدا عليها بس هى حسبة الناس بتحسبها تكسب ايه و تخسر ايه مقابل المبلغ اللى بتدفعه علشان كدا البومة انجح عربية فى مصر و الشارك من افشل العربيات اللى نزلت مصر , مين يدفع 155 فى عربية دى و يسيب السيراتو اللى ب 126 يعنى فرق 29 الف جنيه و تقريبا نفس الكماليات و مستوى الجودة بتاع السيراتو جيد جدا مع وجود عيوب فيها زى ما فى عيوب فى اى عربية مهما كان نوعها , اللى بيحكم على نجاح او فشل اى عربية بيعها مش رايى الناس , يعنى عربية موديل 2009 (الشارك) و احنا فى سنة 2010 تبقى عربية مستعملة ب 137 الف جنيه؟؟؟ دا كلام؟؟
                  انا بقول ان كل عربية فيها عيب السيراتو فيها عيب و الشارك فيها عيب و ال s-500 فيها عيوب و كل عربية و حسب اللى بيدفع عايز يدفع كام فى ايه بالظبط.
                  بعدين المرسيدس الc-class واطية جدا (العربية على الارض) يبقى معنى كدا انى اقول العربية دى وحشة؟؟ مرسيدس صنعت عربية تمشى فى الشارع مش فى ميدان حرب , الغلط فى شوارعنا.
                  انا كل اللى بقوله ان اللانسر لو كانت نزلت ب 128 الهاى لاين (يعنى بتمن السيراتو) كانت المنافسة هتبقى شرسة بينهم بس بسبب استهبال و حاجات تانية زى الموتور دى نجحت و بيتباع منها 2011 و بالحجز و دى فشلت و فى منها 2008 و محدش بيشترى.

                  السيراتو انا بدافع عنها لانى و مش انا بس معظم الشعب المصرى شايفها صفقة ناجحة بكل المقاييس و عربية حتى لو فيها بعض العيوب مقابل تمنها ممتاز جدا و كل واحد بيحسب هيكسب ايه و يخسر ايه و يحدد.
                  يعنى لما عربية ب 126 الف ضمان 5 سنين فيها options رهييييبة مش موجودة فى عربيات بتتباع رز ب 300 الف و شكل رهيب و تابلوه جميل و عربية شيك و توكيلها ممتاز فى الصيانة و بتتباع بالسعر دا لاااازم تنجح نجاح رهيب لما منافسينها مازدا3 ب 158 الف تكييف بكر!!!! و مفيهاش حاجات كتير زى الفرش الجلد و الsmart key و كدا و الكورولا الجنوب افريقى ب 160 الف!!!! و مفيش جلد و لا فتحة سقف و لا parking sensor و الهوندا السيفيك ب 158 فاضية خالص و 190 كاملة و لانسر شارك ب 137 موديل 2009 مستعملة!!!! يبقى الصراحة لازم ادافع عن العربية انما العربية لا هى عندى و لا عمرى هشتريها و لا انا شغال فى كيا!!
                  الشارك برده لو كانت اتباعت كان بان عيوبها لان اى عربية فى العالم فيها عيوب و كتير المبيعات بيبين العيوب يعنى توكيل بيبيع 2000 عربية فى الشهر لازم لو نسبة صغيرة معيوبة (دا مجرد مثال من عندى للتوضيح) قول 2% يعنى 40 عربية معيوبة كل شهر يعنى لحد النهاردة مثلا فى 640 عربية معيوبة هتبان هتبان انما توكيل عنده 2008 يعنى اخره باع 200-300 عربية يعنى لو فى عيب فى 2% من العربيات اللى باعها يعنى عيب فى 5-6 عربيات عمرنا ماهنسمع عنه اساسا !! دا سبب ان عيوب الشارك مش معروفة زى عيوب السيراتو و على فكرة فى عيوب فردية , طيب لو سمعت عن شخص اشترى e-class و غيروله الموتور فى التوكيل هتقولى المرسيدس معيوبة ؟ اكيد هتقول حالة فردية و حصلت فعلا و فعلا فردية و العربية مفيهاش عيب فى الموتور.
                  نفس الكلام بالنسبة للسيراتو.
                  على فكره انا معايا لانسر بومه ,,,
                  وبقولك البومع عربيه والشارك عربيه تانيه خالص ,,,
                  ومش شايف ان البومه بتتفوق ولو نقطه واحده عن الشارك ,,,
                  ازاى حضرتك عايز الهاى لين منها تبقى ب 128 ألف والبومه السوبر اكشن 133 الف ...

                  وحكايتك الصاج اللى حضرتك بتتكلم عليه ...قريب جدا" من صاج السيراتو لأن صاج السيراتو طرى جدا" ولما بيتخبط بيرد لوحده وممكن تتأكد من ملاكها وعلى فكره دى ميزه مش عيب ولو كان عيب مكنتش الشركه وضحته فى اعلانتها ....

                  ومع ذلك انا متفق مع حضرتك فى أغلب كلامك ...

                  Comment


                  • #69
                    المشاركة الأصلية كتبت بواسطة ahmed samy مشاهدة المشاركة
                    واضح ان حضرتك عندك تعريف شخصي للـفئه

                    كل العربيات اللي حضرتك ذكرتها فوق هي من نفس الرتبة
                    ان كان في احسن او اوحش (و الفروق قريبة جدا) أو أغلى أرخص علشان في توكيلات بتحاول تفرض أمر واقع و فروق وهمية بفرض اسعار مبالغ فيها للخروج من المنافسة مع سيارات بعينها فده لن ينفي حقيقة ان كب هذه السيارات من نفس الرتبة . Category c .

                    ولو مش مصدقني اعمل سيرش على كل واحدة و شوف فئاتهم وكمان اسعارهم برا متقاربه ازاي

                    دايما اغلاهم الهوندا بس بفروق لا تتعدي الألفين دولار يعني في مصر لا يجب ان تتعدى الأربعة ألآف دولار يعني عشرين الف مثلا (ده أقصى رقم ممكن تلاقيه بين التجهيزات المتماثلة)

                    أما ان كنت حضرتك بتقيس الفئه بالسعر يبقى حضرتك اللي مش قادر تستوعب كويس
                    هي فعلا الفروقات قريبة من بعضها بالخارج لكن حضرتك لو لاحظت بالخارج اهتماهم بالسيارات الياباني اكتر وافضل ولا يهتموا الا بالكوري العالي زي السوناتا يعني لا السيراتو ولا الالنترا لها سوق نهائيا وده مش فتي الكلام ده عن تجربه بالسعوديه

                    المشاركة الأصلية كتبت بواسطة som3aa مشاهدة المشاركة
                    الكلام دا اللى مطلعه المصريين بناء على سعر العربيات المبالغ فيه فى مصر انما الكلام دا مش صح اساسا
                    المشاركة الأصلية كتبت بواسطة hesham_7amza مشاهدة المشاركة
                    ولو الانتشار مقياس فشل العربيه يبقى معظم عربيات مصر فاشله (خد عندك الليون والبرافو واللينيا برغم ان سعرها مش مبالغ فيه و...........)
                    ومع ذلك الشارك اكتر انتشار من العربيات دى وبنقول عليها فاشله ...

                    يا دكتور أنا معاك فى كل كلامك بالنسبه لبره اكن بالنسبه لمصر فيه مقاييس تانيه خالص ...
                    هو حضرتك لما بتشترى عربيه اول حاجه بتفكر فيها أيه ؟؟!!
                    +1111111111111111111111

                    المشاركة الأصلية كتبت بواسطة som3aa مشاهدة المشاركة
                    معلش انا لا عندى السيراتو و لا عندى اللانسر فمش متحيز لدى و لا لدى علشان اوضح ان مليش مصلحة من كلامى!!

                    موضوع ان صاجها او اكصدامها اضعف من عربيات تاينة كتير دى مش حاجة محتاجة اثبات او تجربة , دى حاجة الشعب المصرى كله عارفها و متجربة مليون مرة , اكصدامات اللانسر بالذات اول لما يتريح عليها جامد او تتخبط خبطة خفيفة بتدخل لجوه و انا واحد قريبى خبط و هو بيركن بشويش فى اكصدام لانسر شارك و اتفق مع صاحبها يصلحها على حسابه و صاحبها قاله و الله دى كانت مخبوطة نفس الخبطة و كانت لسه متصلحة و الموضوع دا مكرر و معروف فى الشارك و بيحصل كتير و الناس عارفاه و اى حد عنده لانسر يقدر يخش يشهد بسهولة.

                    اما عن انتشارها فدا لانها عربية كويسة اوى و عيوبها قليلة جدا ملوش علاقة بضعف صاجها و كل عربية و ليها عيوبها و مش معنى ان اى عربية فيها عيب بسيط او عيب فى مصر زى الصاج الخفيف لان العربية مش معمولة انها تبقى عربية تصادم فى ملاهى تبقى عربية وحشة بالعكس , اللانسر البومة اثبتت كفائة و بقت العربية نمرة واحد فى مصر و اللانسر الشارك عربية كويسة بس فشلت فشل زريع فى مصر بسبب 0 فى الدعاية - مبالغة غريبة فى تمن العربية - موتور العربية اللى الناس حاسة انه ضعيف عليها (هتقولى موتور الاوكتافيا و لا الجيتا اللى فوى) اقولك لا مع ان الناس بتدفع 200 الف و اكتر و لا الباسات ب 255 و موتورها ضعيق جدا عليها بس هى حسبة الناس بتحسبها تكسب ايه و تخسر ايه مقابل المبلغ اللى بتدفعه علشان كدا البومة انجح عربية فى مصر و الشارك من افشل العربيات اللى نزلت مصر , مين يدفع 155 فى عربية دى و يسيب السيراتو اللى ب 126 يعنى فرق 29 الف جنيه و تقريبا نفس الكماليات و مستوى الجودة بتاع السيراتو جيد جدا مع وجود عيوب فيها زى ما فى عيوب فى اى عربية مهما كان نوعها , اللى بيحكم على نجاح او فشل اى عربية بيعها مش رايى الناس , يعنى عربية موديل 2009 (الشارك) و احنا فى سنة 2010 تبقى عربية مستعملة ب 137 الف جنيه؟؟؟ دا كلام؟؟
                    .
                    للمره التانيه انا اتحدى اي عربيه الاقي صاجها حلو ومتين والكلام الحمصي ده كله وررررررررررق ده اولا , ثانيا مين الي قال الي حضرتك ان الشارك والسيراتو نفس الكماليات ؟؟؟ للاسف انا مش هقعد اكرر كلامي في كل موضوع بيتكلم عن نفس الحاجات لكن انا قبل كده وضحت ان فيه فروقات في الكماليات لصالح الشارك وقولتها قبل كده بالتفصيل والاستاذ عتريس يشهد , ده غير اساسا في فروقات من حيث الثبات والوسع والاعتماديه الي يمكن تكون حضرتك ناسيهم فقولت اني افكرهم بيهم للتذكره فقط وطبعا لصالح الشارك , نيجي بقى لفرق السعر الطبيعي الي موجود خارج مصر وعلى سبيل المثال في بلد زي السعوديه هنا السيراتو تعملها 60 او بالكتير 65 الف انما الشارك هنا ب 77 الف ريال " الكامله " . لكن في مصر الاسعار الخزعبلية الموجوده دي فحسبي الله ونعم الوكيل فيهم
                    [CENTER][URL]http://www.nilemotors.net/Nile/93497-a-2.html[/URL][/CENTER]

                    [CENTER][URL]http://www.nilemotors.net/Nile/152592-a.html[/URL] امثال محرمة [/CENTER]
                    [CENTER][URL]http://quran.muslim-web.com/sura.htm?aya=002&[/URL] تفسير القران بالماوس[/CENTER]
                    [CENTER][SIGPIC][/SIGPIC][/CENTER]

                    Comment


                    • #70
                      المشاركة الأصلية كتبت بواسطة Ahmed Samy مشاهدة المشاركة
                      Kia Forte vs. Mitsubishi Lancer Review

                      Kia Forte vs. Mitsubishi Lancer car comparison, compare auto pricing, specs, and features=



                      وده مع المازدا الجديدة من ادموندز مش من موقع تحت بير السلم

                      "Comparison Test: 2010 Kia Forte SX vs. 2010 Mazda 3 i Touring" Edmunds Daily

                      ودي مقارنة بين المازدا و السيراتو و الكورولا و الشارك

                      شوف الأسعار

                      - Yahoo! Autos


                      وده بقى مقارنة Topspeed بين السيراتو و المازدا و السيفيك

                      Comparison Test: Kia Forte, Mazda 3 and Honda Civic - Top Speed



                      ______________________________________
                      احنا بس اللي عايشين الوهم ده هنا

                      ياباشا كل الريفيوهات دى على راسى بس انا بصيت على السيراتو لاقيتها
                      بماتور 2010 Kia Forte SX 4dr Sedan (2.4L 4cyl 5A)
                      غير اللى فى مصر خالص فلازم كان تتقارن بالسيفيك !

                      Comment


                      • #71
                        المشاركة الأصلية كتبت بواسطة Mohammmed مشاهدة المشاركة
                        ياباشا كل الريفيوهات دى على راسى بس انا بصيت على السيراتو لاقيتها
                        بماتور 2010 Kia Forte SX 4dr Sedan (2.4L 4cyl 5A)
                        غير اللى فى مصر خالص فلازم كان تتقارن بالسيفيك !
                        وهي السيفيك اللي جنبها يعني هي السيفيك اللي مصر :)



                        kemoelord

                        فعلا في السعودية و الخليج الكوري مالوش اي لازمة و كمان في الدنيا كلها الياباني مازالت سمعته سابقاه و معروف انه افضل من الكوري و الكوريين بيحاولوا يغيروا الفكرة دي و بدأوا يحققوا نجاح ولو نسبي ..


                        hesham_7amza
                        فعلا انا اول ما باشتري عربية بافكر في الي ممكن تطوله ميزانيتي بس برضه بانقي اللي محتاجه
                        يعني وقت شراء السيراتو كنت باقارن بين المازدا و الشارك و بدأت اأميل للمازدا بس لما الكيا نزلت ....عجبتني أكتر لأني كنت عارف ان المازدا مشكلتها في الصيانة و المساحات الصغيرة نوعا ما و حتاجات تانية بسيطة بس مؤثرة ليا . و استبعدت الهوندا لفقر تجهيزها و شعوري انها اغلى مما تستحق .

                        الكلام ده لما كانت الكيا ب136 الف يعني بنفس سعر المازدا أيامها تخيل لو حد مكاني دلوقتي و لاقي الكيا ب122 ألف و المازدا اللي تكييفها بكر ب 158 الف !!! و الفارق فعلا ما يستاهلش 40 الف فرق .


                        اما ...

                        (انا عارف انكم مبتحبوش حد يجيب سيرتها )


                        أنا ماعنديش المشكلة دي خالص على فكرة لا السيراتو أول و لا أخر عربية و فيها عيوب زي أي عربية و ممكن "كعربية" تخسر قدام اي عربية تانية في نقط معينة انما كصفقه ....هي انجح عربية .



                        أما عن ان البرافو و اللينيا فالعربيات دي فعلا بتفشل مع انها عربيات -من رأيي- في قمة الجمال و القوة ...بس وكيلها ناس كتير خايفة منه غير ان في عربيات دمرت اسم قيات في مصر في أول الألفينيات و ده مازال ليه أثر ..

                        غير ان مبيعات الهاتش في مصر أساسا ضعيفة يعني 200 300 عربية يبقى كويس قوي
                        وماتنساش ان الللينيا كمان كانت مانيوال و ده كان عازلها عن طبقة كبيرة من العملاء ....اعتقد لما الأوتو ينزل ..هاتفرق جامد .

                        بس لحد دلوقتي مانقدرش نقول فشلوا لأنهم لسه في المنافسه ...لما العربية موديلها يقف ممكن يبان قوي هي محققه ثبات ولا لأ ..

                        الانسر خسرت الصراع و هي لسة شغالة ....وجود موديل 2008 لحد النهاردة و عدم نزول 2010 و سقوط السعر بشكل واضح ....معناه ان التوكيل فشل في بيع العربية مش فشل للعربية نفسها ...
                        [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                        Comment


                        • #72
                          المشاركة الأصلية كتبت بواسطة ahmed samy مشاهدة المشاركة

                          أنا ماعنديش المشكلة دي خالص على فكرة لا السيراتو أول و لا أخر عربية و فيها عيوب زي أي عربية و ممكن "كعربية" تخسر قدام اي عربية تانية في نقط معينة انما كصفقه ....هي انجح عربية .
                          انا اسف يا دكتور اذا كنت دايقت حضرتك بس انا كنت بهزر,,,
                          وحضرتك من اكتر الناس حياديه فى المنتدى ( بس ده ميمنعش ان فى ناس كتير مش كده )
                          ومش محتاج أقول لجضرتك تانى انك من اكتر الناس اللى حببتنى فى المنتدى وشدتنى ليه ,,,

                          وانا مع حضرتك ...ان كل عربيه ليها مميزاتها وليها عيوبها وان تفوق عربيه على التانيه بيبقى فى نقط معينه ...

                          اما حوار الصفقه.... فده بيتوقف على مفهوم كل شخص لمعنى الصفقه واللى بيختلف من شخص للتانى ,,,
                          ممكن تقولى ايه هة مفهوم الصفقه الناجحه ؟؟!!

                          المشاركة الأصلية كتبت بواسطة ahmed samy مشاهدة المشاركة

                          أما عن ان البرافو و اللينيا فالعربيات دي فعلا بتفشل مع انها عربيات -من رأيي- في قمة الجمال و القوة ...بس وكيلها ناس كتير خايفة منه غير ان في عربيات دمرت اسم قيات في مصر في أول الألفينيات و ده مازال ليه أثر ..

                          غير ان مبيعات الهاتش في مصر أساسا ضعيفة يعني 200 300 عربية يبقى كويس قوي
                          وماتنساش ان الللينيا كمان كانت مانيوال و ده كان عازلها عن طبقة كبيرة من العملاء ....اعتقد لما الأوتو ينزل ..هاتفرق جامد .

                          بس لحد دلوقتي مانقدرش نقول فشلوا لأنهم لسه في المنافسه ...لما العربية موديلها يقف ممكن يبان قوي هي محققه ثبات ولا لأ ..

                          الانسر خسرت الصراع و هي لسة شغالة ....وجود موديل 2008 لحد النهاردة و عدم نزول 2010 و سقوط السعر بشكل واضح ....معناه ان التوكيل فشل في بيع العربية مش فشل للعربية نفسها ...


                          على فكره مش البرافو واللينيا بس فيه عربيات كتير فى مصر كويسه ومنتشرتش ,,,
                          ( عندك الميجان والتيدا والمازداوالأفنسيس والسوناتا القديمه وغيره كتير ...)

                          اما حوار الشارك ده ,,,علشان نقدر نحكم صح ,,,
                          هل حضرتك عارف الوكيل كان جايب كام عربيه شارك سواء 2008 او 2009 ؟؟
                          وباع كام عربيه لغاية دلوقتى ؟؟
                          وبرغم كده العربيه مفشلتش بالشكل الزريع ده ,,,
                          انا شايف أن انتشارها زى المازدا 3 وأكتر من العربيات اللى فوق ؟؟!!

                          يبقى فين الفشل ,,,
                          ما يمكن الوكيل كان جايب كميات كبيره على أساس انها هتبيع زى البومه وهتسوق نفسها ....

                          Comment


                          • #73
                            المشاركة الأصلية كتبت بواسطة hesham_7amza مشاهدة المشاركة
                            انا اسف يا دكتور اذا كنت دايقت حضرتك بس انا كنت بهزر,,,
                            وحضرتك من اكتر الناس حياديه فى المنتدى ( بس ده ميمنعش ان فى ناس كتير مش كده )
                            ومش محتاج أقول لجضرتك تانى انك من اكتر الناس اللى حببتنى فى المنتدى وشدتنى ليه ,,,

                            وانا مع حضرتك ...ان كل عربيه ليها مميزاتها وليها عيوبها وان تفوق عربيه على التانيه بيبقى فى نقط معينه ...

                            اما حوار الصفقه.... فده بيتوقف على مفهوم كل شخص لمعنى الصفقه واللى بيختلف من شخص للتانى ,,,
                            ممكن تقولى ايه هة مفهوم الصفقه الناجحه ؟؟!!




                            على فكره مش البرافو واللينيا بس فيه عربيات كتير فى مصر كويسه ومنتشرتش ,,,
                            ( عندك الميجان والتيدا والمازداوالأفنسيس والسوناتا القديمه وغيره كتير ...)

                            اما حوار الشارك ده ,,,علشان نقدر نحكم صح ,,,
                            هل حضرتك عارف الوكيل كان جايب كام عربيه شارك سواء 2008 او 2009 ؟؟
                            وباع كام عربيه لغاية دلوقتى ؟؟
                            وبرغم كده العربيه مفشلتش بالشكل الزريع ده ,,,
                            انا شايف أن انتشارها زى المازدا 3 وأكتر من العربيات اللى فوق ؟؟!!

                            يبقى فين الفشل ,,,
                            ما يمكن الوكيل كان جايب كميات كبيره على أساس انها هتبيع زى البومه وهتسوق نفسها ....

                            كلامك ده شرف ليا اتمنى أكون قده

                            نيجي بقى لمفهوم الصفقة عندي

                            الصفقة هي هاتيدني ايه وتاخدي مني ايه

                            انا بما اني شاب و عندي عيلة صغيرة و باسافر يبقى عايز
                            أداء كويس مش سوبر بس مرضي ...شنطة واسعة ...مساحة داخلية مناسبة ...أمان و عناصر امنية كافية

                            ودو موجودين في اكتر من عربية

                            المستوى التاني ...

                            كماليات اكتر بدون مبالغة ...توكيل محترم ...قطع غيار خارجية رخيصة و سهولة اصلاح و ارتفاع عن الأرض

                            كل ده موجود فعلا ....

                            و موجود عيوب تانية بس انا يمكن مش حاسسها قوي لأنها خارج دايرة اهتماماتي زود على كده السعر المعقول

                            تلاقيها صفقة كويسة

                            بالعربي اكتر ما فيش عيوب جوهرية

                            في عربيات كويسة قوي بس فيها عيب واحد قاطم وسطها

                            وعلى فكرة ده كان سر نجاح البومة ...مش لأنها عربية خارقة لأ ...لأنها عربية بدون عيوب جوهرية



                            أما كلمة فشل اللانسر الموضوع نسبي ...يعني لو أودي أو ألف روميو أو رينو باعو زي ما هي باعت ده كان يبقى نجاح باهر لأنهم مش في وضع يؤهلهم للبيع بحكم فقد اسمهم في السوق لفترة طويلة و احتلال الألمان من فولكس و بي ام و مرسيدس "مثلا" لمكانهم

                            انما لما نيجي لميتسوبيشي ....فالكل لا إراديا هايقارن الex بالبوما وهاتلاقي فرق كبير يرسم صورة الفشل ولو بشكل نسبي و اللي زاد ان في عربيات زي الكيا مغرقة الدنيا و الناس مستغربة ازاي عربية كوري بدون تاريخ مكافىء ولا جودة مماثلة (في رأي الغالبية) تغلب الميتسوبيشي !!! و خد عندك استمرار تواجد البوما و ارتفاع سعرها اللي برضه مبروز حالة الشارك الضعيفة

                            دي كبوة الجواد ....الناس بتبصلها أكتر
                            [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                            Comment


                            • #74
                              يا اخوانا انا شايف انكم ظالمين العربيه وبعد كدا هنا فى مصر
                              العربيه بتتقيم بحاجتين اساسيين
                              كورى او يابانى او المانى او بتنجانى
                              تانى حاجه السعر
                              لو سعر الانسر 120000 اللى هى الشارك هتبقى جميله اوى فى نظر الناس ومفيش بعدها ولا قبلها
                              اما سعرها غلى حبتين بس خلاص دا بقت عربيه زباله والعربيه كذا وكذا وكذا احسن منها مش عارف انتوا بتكدبوا على نفسكم ولا على مين مين اللى يقارن السيراتو ب لانسر سواء بوما او شارك ولا النترا قصاد بوما او شارك
                              والبوما عشان خاطر باعت كتير فى مصر يبقى هى الانسر المثاليه واللى مفيش بعدها
                              شوفوا البومه دى فى الخليج بيتريقوا عليها واللى بيشترى ميتسوبيشى بيشترى شارك
                              وبالنسبه للاخوان اللى بيقولوا الصاج بيتعوج من تريحه ركنه العربيه مش بسكوت والله دا سوزوكى ماروتى صاجها مش هيعوج لو هامر ريحت عليها حتى
                              وفى الاول وفى الاخر مش المبيعات فى مصر اللى هتخلى العربيه فاشله
                              العربيه ناجحه برا مصر وليها مبيعات كتير اوى برا مصر
                              وفى كلمه عجبتنى اوى هنا فى المنتدى
                              شيل موبايل نوكياواركب لانسر بومه يبقى انت اكيد مصرى وصباح اللى بتغنى

                              Comment

                              Working...
                              X