المكواة الرائعه ( حبيبه قلبي )

[shooter123]

اول امبارح السبت اخد اسرتي الصغيرة وطلعنا علي اسكندرية قضينا يوم في المنتزة زي الفل الصراحة والاولاد اتبسطوا
ومكانا هنا العربيات بصراحة العربية كان اسد معايا بالمناسبة هي مكواة اوتوماتيك 2003 ( اخر المكواة ) وانا رايح كنت خايف من الردارات وشكي طلع في محله بس طبعا صاحبكم حدق ومتمسكتش في الردار
وانا راجع بقي الاسرة الكريمة نامت كلها طبعا من تعب اليوم والبحر والكلام ده واللي زاد وغطا الجي ام باظ
بقيت بدور علي حد بقي اشد معايا يسليني في السكة وفعلا لقيت واحد بلانسر برده قلت تمام عشان التكافئ
وبدات لعبة اندر جراوند وصلت بعربيتي ل 140 وطبعا عديت بفارق جااااااااااامد ودي كانت اول مرة اجيب السرعه دي بالعربية
ولاحظت التالي
ثبات اقل ما يوصف انه رائع ( مركب جنوط 15 + كاوتش بيرجيستون ومعبأة نتروجين مش هوا )
عزل داخلي جيد
قمة الثبات في الغرز خصوصا علي السرعات العالية
الفرامل لو في ايدي اديها 5 نجوم ( علي الرغم انها مش abs)
تبريد السيارة روعه الروعه مع العلم اني كنت مشغل التكييف
انا حبيت اضع الملاحظات دي لسببين
اولا : ناس كتيرة بتظلم المكواة مع انها عربية جميلة جدا جدا والله
ثانياً : العربية 1300 سي سي وكنت مشغل التكييف وماشي 140 وال rpm مكنش عالي اوي
يا رب اكون افدت ناس كتيرة خصوصا المقبلين علي الشراء بس اهم حاجة انك تشتريها حالتها حلوة ( مينفعش واحد يشتري عربية اي كان نوعها ومتهانة ويحكم علي نفس الماركة انها وحش لمجرد انه اشتري عربية حالتها وحشة )
واسف علي الاطالة

[bmya]

عرربيه محترمه جداااا
ربنا يباركلك فيها

[shooter123]

الف شكر يا باشا علي مرورك وردك الجميل

[zoro007]

ربنا يبارك لك فى عربيتك واسرتك ان شاء الله

على فكره انا من الناس اللى زيك كدا اللى بعد ادور على حد اشد معاه فى السكه علشان يسلينى فى السفر
ولو قلتلك انا كنت بعمل ايه ايام زمان والحمد لله بدات ابطل نهائى من الحوار دا هتقول عليا مجنون رسمى ودا كله من لعب نيد فور اسبيد اندر جروند بشكل كبير

وخصوصا انه طريق القاهره للمنصوره بيكون فيه عربيات كتير واندر جراوند فيه بتبقى روعه كلها غرز وترافك كتير :)

لكن فى حالتك صراحه يكون معايا زوجتى واطفال اخاف اعمل كدا انا لسه مجربتش لانى مش متزوج بس اعتقد انى مرضاش هههههه

بالمناسبه انا معايا لانسر مكوه برضه بس 2001 بدايه المكوه

وللعلم العربيه دى انا مشوفتش حد بيعيب عليها دلوقتى بالعكس الناس كلها بتشكر فيها وبتقول انها افضل موديل نزل فى اللانسر كله وخصوصا الكلام دا منتشر فى المنصوره جدا

وفعلا العربيه على اد سمعتها .. فوق الممتاز صراحه ومشوفتش منها عيوب لحد دلوقتى

[shooter123]

شكرا لردك ومرورك الكريم
بالنسبة للاسرة انا فعلا بخاف لكن لما لقيت الكل نام قلت دي فرصتي بقي
وبعدين انا نادر اسافر من غيرهم اصلا وسفريات الشغل بتبقي بالديزل عشان كدا فرصة اني العب اندر جراوند تبقي محدودة
واشكرك علي المتابعه والاهتمام

[m_waheed]

ربنا يبارك ليك فيها بس لو عاوز تعرف الثبات جرب من 160 وطالع

انا الحمد لله عديت 165 وكانت العربية زي الفل

[wildwest100]

في رأيي المتواضع انها أجمل وأحسن لانسر

[powerofhelll]

ربنا يبارك لك فيها

[M.Akef]

وللعلم العربيه دى انا مشوفتش حد بيعيب عليها دلوقتى بالعكس الناس كلها بتشكر فيها وبتقول انها افضل موديل نزل فى اللانسر كله وخصوصا الكلام دا منتشر فى المنصوره جدا

العربيه اه محترمه و كل حاجه لكن مش اوي كدا يعني في المنصوره هنا هما 5علي حد نظري الي معدلين واحد حمره و دي قلبه افلوشن بالكامل مكوه 3 بيضه واحده منهم في شرعي و واحده سلفر بس هما دول الي شفتهم معدلين مكوه و معرفشي مواتيرهم ايه لكن الي اعرفه صحبي بسيراتو فارق فرق جامد اوي مرتين من واحد منهم الي جنطه اسود في نيكل علي حد نظري
هنا يا مان عشاق المرسيدس نوعا ما هتلاقي اكثر عربيات معدله لمرسيدس في المنصوره و كمان بي ام طبعا(بس الحقيقه طبعا شغل القاهره في البي ام اعلي)

عموما هي فعلا عربيه جميله و عائليه و مميزه زي الشارك لكن تجتمع مع الشارك في ضعف المحرك علي البدي و حضرتك مش هتحس بالعجز ده الا لما تطلع مع كورولا 1.3 و هتشوفه هيفرق ازاي و مع اي عربيه 1.6 طبعا مش هتشوف فوانيسه لان بختصار في عربيات موجود في مصر عادي بتجيب ال140 دي في طلعتها
ربنا يبارك لك فيها و هي الحقيقه عربيه بيريق فيها التعديلات جدا و خصوصا الي بيقلبوها لافليوشن

[zoro007]

العربيه اه محترمه و كل حاجه لكن مش اوي كدا يعني في المنصوره هنا هما 5علي حد نظري الي معدلين واحد حمره و دي قلبه افلوشن بالكامل مكوه 3 بيضه واحده منهم في شرعي و واحده سلفر بس هما دول الي شفتهم معدلين مكوه و معرفشي مواتيرهم ايه لكن الي اعرفه صحبي بسيراتو فارق فرق جامد اوي مرتين من واحد منهم الي جنطه اسود في نيكل علي حد نظري:e_braces[1]:
هنا يا مان عشاق المرسيدس نوعا ما هتلاقي اكثر عربيات معدله لمرسيدس في المنصوره و كمان بي ام طبعا(بس الحقيقه طبعا شغل القاهره في البي ام اعلي)

عموما هي فعلا عربيه جميله و عائليه و مميزه زي الشارك لكن تجتمع مع الشارك في ضعف المحرك علي البدي و حضرتك مش هتحس بالعجز ده الا لما تطلع مع كورولا 1.3 و هتشوفه هيفرق ازاي و مع اي عربيه 1.6 طبعا مش هتشوف فوانيسه لان بختصار في عربيات موجود في مصر عادي بتجيب ال140 دي في طلعتها
ربنا يبارك لك فيها و هي الحقيقه عربيه بيريق فيها التعديلات جدا و خصوصا الي بيقلبوها لافليوشن

احترم وجهة نظرك لكن انا اللى اقصده مش العربيات المتعدله انا بتكلم على العربيه بوجه عام لانسر مكوه
وفعلا زى مبتقول العربيه بالنسبه لعربيات تانيه فى التسارع ضعيفه ابطىء اكيد من الكرولا لانى جربت كرولا 2005 قبل كدا موتور 1300 كانت جامده جدا وحاسس ان الموتور 1600 مش 1300 ابدا وسحبها ممتاز

لكن بوجه عام العربيه المكوه ملهاش عيوب مؤثره كلها حجات طفيفه وكامليات
ومن ضمنها برضه عوامل الحمايه انها معدومة عوام الحمايه زى الاير باج و فرامل اى بى اس وخلافه لكن فى الثبات ماشاء الله عليها فوق الممتاز
ويوم متقول ياتظبيط بتبقى شكلها تحفه لما بتتنفخ وتتظبط

[M.Akef]

احترم وجهة نظرك لكن انا اللى اقصده مش العربيات المتعدله انا بتكلم على العربيه بوجه عام لانسر مكوه
وفعلا زى مبتقول العربيه بالنسبه لعربيات تانيه فى التسارع ضعيفه ابطىء اكيد من الكرولا لانى جربت كرولا 2005 قبل كدا موتور 1300 كانت جامده جدا وحاسس ان الموتور 1600 مش 1300 ابدا وسحبها ممتاز

لكن بوجه عام العربيه المكوه ملهاش عيوب مؤثره كلها حجات طفيفه وكامليات
ومن ضمنها برضه عوامل الحمايه انها معدومة عوام الحمايه زى الاير باج و فرامل اى بى اس وخلافه لكن فى الثبات ماشاء الله عليها فوق الممتاز
ويوم متقول ياتظبيط بتبقى شكلها تحفه لما بتتنفخ وتتظبط

انا بردو يا مان بتكلم عن عربيات استوك مش معدله بس طبعا بمحركات عملاقه يعني زي البي ام و المرسيدس
تمام يا مان المكوه فعلا عربيه محترمه و عيوبها قليله جدا و عن عوامل الامان ميمفعشي نطلبها منها لان بختصار هي عربيه تكنولوجتها من سنه 2000 متطلبشي منها اي حاجه من دي و ثباتها المحترم بيغطي علي هذا العيب
و المرسيدس المعدله ما هي مشيه و بتجيب سرعات عاليه جدا و عادي لان ثباتها ممتاز و هي لا فيها abs ولا اير باجز
و هي فعلا لو اتصرف عليها بتبقا تحفي و احلي من البومه المعدله كمان
و ربنا يبارك لك فيها يا مان و يعطيك خرها و يكفيك شرها

[khaledmourad]

يا جماعة ممكن حد يفدنى ضرورى أنا بشترى لا نسر مكواه 2001 glx أتوماتيك العربية ما شاء الله عليها ما فيهاش غلطة وفيها 2 اير باج و5 جنوط سبور بتوعها مقاس 14 وسبويلر الاصلى بتاعها ومركب فيها زينون وسينسور بارك وتكيفها ثلاجة والصالون بتاعها بحالة الفابريقة ولونها نبيتى تحفة وطالب فيها نهائى 65000 الف وأنا مش معترض على السعر بس اللى مخلينى قلقان إن متورها 1600cc وأنا عمرى ما سمعت إن المكواه نزل منها 1600ccوالراجل صاحب العربية بيقولى دى خليجى وأنا مصدقه إلى حد ما لأن مفيش لانسر مكواه 1300cc فيها أير باج وتابلوه أبنوس إلا بقى يكون مغير التابلوه ولا أيه .... فلو حد يعرف ياريت يقولى لو فى مكواه 2001 1600cc وشكراً

[zoro007]

يا جماعة ممكن حد يفدنى ضرورى أنا بشترى لا نسر مكواه 2001 glx أتوماتيك العربية ما شاء الله عليها ما فيهاش غلطة وفيها 2 اير باج و5 جنوط سبور بتوعها مقاس 14 وسبويلر الاصلى بتاعها ومركب فيها زينون وسينسور بارك وتكيفها ثلاجة والصالون بتاعها بحالة الفابريقة ولونها نبيتى تحفة وطالب فيها نهائى 65000 الف وأنا مش معترض على السعر بس اللى مخلينى قلقان إن متورها 1600cc وأنا عمرى ما سمعت إن المكواه نزل منها 1600ccوالراجل صاحب العربية بيقولى دى خليجى وأنا مصدقه إلى حد ما لأن مفيش لانسر مكواه 1300cc فيها أير باج وتابلوه أبنوس إلا بقى يكون مغير التابلوه ولا أيه .... فلو حد يعرف ياريت يقولى لو فى مكواه 2001 1600cc وشكراً

صراحه انا اول مره اسمع عن المواصفات دى فى المكوه

علما ان ليا صديق سعودى كان معاه لانسر مكواه 2001 وباعها وكانت مواصفاتها الطبيعى بتاع اى مكوه موتور 1300 اوتماتك وباعها ب 7000 ريال طبعا اسعار عجيبه هناك فى السعوديه بسعر عربيه فيات 128 عندنا

[khaledmourad]

شكراً zoro