ارجو المساعده من شباب ميتسوبيشي :)

[behman]

سلامو عليكو
انا قدامي عربيتين كولت الاتنين موديل 96 لكن
واحده 1800 و كامله اتوماتيك و فيها جنوط و زينون و كاسيت وسماعات حلوين و اكصدامات ميراج و عتب ومافيهاش حاجه من بره عايزه تتصلح او ترش اخرها 43 الف
و التانيه 1500 كامه مزدوجه اتوماتيك فيها تكييف و سنتر و زجاج..... بس اخرها و برضو اخرها 43 الف
اللي انا محتاج المساعده فيه

اولا عايز اعرف اخد مين فيهم عشان قلقان من موضوع 1800 ده في الترخيص و الضريبه وكده

ثانيا .. قطع الغيار بتاعت الكولت 96 ماعرفش عنها حاجه و متوافره ولا مش موجوده ؟؟
ياريت اعرف قطع الغيار عامله ايه و حد يديني فكره عن شويه اسعار مثلا للكبالن و الرياديتير و الفوانيس و المساعدين و الجلب و البطاحات ... ان امكن طبعا

ثالثا انا شايف الاسعار مناسبه للحاله ... رأيكو ايه فعلا الاسعار دي كويسه ولا غاليه عشان في ناس قالتلي الاسعار دي غاليه و العربيه دي حاجتها غاليه و مش موجوده
معلش طولت بس بجد انا محتاج مساعده

[khaled_rafea]

انا مش خبير لانسر يا باشا , بس ال 1800 ده انا اعرف انه نازل فى المونتيرو او الباجيرو ال io , و ال1500 الدوال كام لو مايفك يبقى افضل طبعا بكتير, كمان خد اللى حالتها افضل و مش محتاجه مصاريف, كيلوهات اققل, و مفيش خبطات ولا اى رش او بارومه فى الدواخل, و ربنا يوفقك للخير ان شاء الله

[bmya]

بص ياباشا بالنسبه للترخيص العربيه مش مدويل جديد
دي 96 يعني بقالها 14 سنه يعني هترخصها هتلاقي بسيط عادي جدا لاني اعرف ان الترخيص على حسب سنه الموديل فمتاخفش من الموضوع ده
شوف انت بقه لو غاوي جري وكده يبقى 1800 لو نص نص يبقى خليك في 1500 وهو موتور جميل برده
والكولت عربيه رائعه وربنا يكرمك

[behman]

بص ياباشا بالنسبه للترخيص العربيه مش مدويل جديد
دي 96 يعني بقالها 14 سنه يعني هترخصها هتلاقي بسيط عادي جدا لاني اعرف ان الترخيص على حسب سنه الموديل فمتاخفش من الموضوع ده
شوف انت بقه لو غاوي جري وكده يبقى 1800 لو نص نص يبقى خليك في 1500 وهو موتور جميل برده
والكولت عربيه رائعه وربنا يكرمك

10000 شكر ليك يا باشا علي سرعه الرد و المساعده ... هو الموضوع محير برضو
و موضوع قطع الغيار ده لسه ماعرفش ايه الدنيا فيه

[behman]

بص ياباشا بالنسبه للترخيص العربيه مش مدويل جديد
دي 96 يعني بقالها 14 سنه يعني هترخصها هتلاقي بسيط عادي جدا لاني اعرف ان الترخيص على حسب سنه الموديل فمتاخفش من الموضوع ده
شوف انت بقه لو غاوي جري وكده يبقى 1800 لو نص نص يبقى خليك في 1500 وهو موتور جميل برده
والكولت عربيه رائعه وربنا يكرمك

شكرا يا خالد باشا علي الرد .... و عايز اقولك اللي عرفته عن المواتير دي
الموتور 1800 ده نازل فيها مش متسقط و هو انجيكشن و بيخرج 113 حصان عند 5600 لفه/د
و العربيه مواصفات اوروبي
الموتور 1500 برضو بتاعها و هو كاربيراتير كهربا و 2 كامه بيخرج تقريبا 94 حصان
و موضوع الحاله الاتنين كويسين ... بس موضوع العداد ده بصراحه انا مش بثق فيه اطلاقا ... يعين الابيزا اللي معايه عدادها 130 الف
و انا مغير العدادات من مده و جبت العداد ده 100 الف بس .... اقصد ان اللعب سهل
و قطع الغيار بس هي اللي مخلياني متردد في الشرا ..... لو طلعت زي الكليو2003 او الكوردوبا 2000 مثلا هاجيبها
لو اغلي يبقي هاقكني و اجيب حاجه من الاتنين دول

[khaled_rafea]

مش عوز افتى و اققولك اسعار, بص صاحبى معاه ميراج 98 و قطع غيارها عادية, فيها اللى غالى و فيها الرخيص, سيور الموتور و السيرفيس و العافشة معقولين جدا, اللى كان غالى الاكصدامات الاوريجينال بتاعة الميراج و الفوانيس و الشبكة وكده, بس مش للدرجة برده, هو حضرتك بعت الابيزا ولا حتخليها ولا حتبيعها, انا بدور للمدام على واحده, لو قدامك قولى بليز

[behman]

الف شكر يا خالد بيه عالرد .... ربنا يطمنك
لو عالاكصدامات و الصاج بتاعها بس تبقي بسيطه ... مافيش مشكله فيهم ... المهم العفشه و الميكانيكا
و عربيتي هاديها لاخويا والله مش هاتتباع
انا في واحد صاحبي بيبيع عربيه ابيزا 94 بس للأسف ماتنفع للمدام .... عايزه شاب
فيها 1600aft و جنوط 15 الماني و معدله 98 وش و اكصدامات و عتب و فيها كل الكماليات و زينون و كاسيت و سماعات بايونير و فابريقه دواخل و لونها احمر تاني يد بأسم صاحبها
لو تعرف حد يشتريها تكون مشكوور .... و هانزلها اعلان هنا في المنتدي انشاءالله

[khaled_rafea]

مطلوب كام يا جميل , و 4 باب ولا كوبيه, و لو وقعت قدامك واحده كوبيه قولى بليز, ربنا يباركلك و يكرمك

[Ralliart]

مطلوب كام يا جميل , و 4 باب ولا كوبيه, و لو وقعت قدامك واحده كوبيه قولى بليز, ربنا يباركلك و يكرمك

كل الكولت في الموديل ده في مصر كوبيه
الواجون منزلتش هنا خالص

[khaled_rafea]

انا بسأله على الابيزا يا باشا, الكولت هو اللى حيشتريها

[behman]

الابيزا اللي بتكلم عنها دي 4 باب و صاحبها عايز فيها 33 بس هي امكانيتها و حالتها تستاهل اكتر
و الكولت كوبيه زي ما الراجل الطاهر ده قال فعلا .... وفعلا ماشفتش 4 باب من الكولت خالص

[HeMa_LanCeR]

خليك في المكنه ال 1500
لو العربيتي حالتهم زي بعض
وعموما شوف الحاله الاحسن مين فيهم