البطارية الجافة

[aeltokhy]

الاخوة اللانسراوية ارجو من لة خبرة فى موضوع البطاريات يدلو بدلوة
لانى ركبت بطارية جافة كورى ومقعدتش
اعتقد سنة وايام فهل هناك نوع مجرب ويكون موجود ويقعد شوية وجزاكم الله خيرا الى راكب عندى 70 امبير

[HeMa_LanCeR]

70 امبير !!!!!!!!!!!!! ازاي كده كتير القديمه كانت كام؟؟
انا عموما جبت ac delco اللي هي صناعه سعودي
وبقالها سنتين ونص زي الفل

[Ralliart]

الفارتا قعدت معايا اكتر من سنتين
وفي كمان ac delco بيقولو حلوه

[aeltokhy]

صح ياباشا الراجل بتاع المحل قالى كدة بس انا بصيت علها تانى لاقيت مكتوب 62 فشكرا للتصحيح انا خلاص اشتريت السعودى دية فعلا ب300جنية ومكتوب عليها 62 امبير هى فعلا دة الى بقولوا عليها 70؟؟؟؟ مش عارف

[HeMa_LanCeR]

تمام كده 62 معقول
ومبروك عليك :)

[aeltokhy]

شكرا لك ياستاذ هيما وربنا مايحرمنا منك

[DrMax]

احسن بطارية Varta
وال ac delco كويسة بيشكرو فيها...مبروك عليك

[محمد فضالي]

البطاريات الخاصة بالعربية دي أقصى حاجة تلاقيها فيها 62 أمبير ( حجمها صغير )
بعد كده تلاقي ال70 أمبير عالية شوية من فوق وتحس انها ممكن تخبط في الكبوت ( حجمها كبير )

أنا مركب فارتا الألماني من مبروك غطاطي وهي 60 أمبير وفعلا بطارية محترمة
وعموما مبروك على ac delco

[sherifseif]

أحسن بطاريه بالفعل هي فارتا و وكيلها في مصر مبروك غطاطي لي فرع في مدينة نصر و فرع آخر في فيصل
و ده لينك بأنواع بطاريات فارتا
Car battery - batteries for cars - VARTA Automotive

[mr_vampire]

ياشباب نصيحة اكيد كلكو عارفينها بس ممكن تكون غايبة شوية اهم حاجة في البطارية لما تيجي تختارها تشوف رمي او شحن الدينمو كام عشان متفرحش ببطارية امبيرها عالي ويكون الدينامو مش قااااااااااااااادر يشحنها ونرجع نقول ده كان نوع تعبان وماعدتش غير سنة فشوف رمي الدينامو كام عشان تجيبله بطارية علي اده ويقدر يشحنها وزي مابيقولو ( كل برغوت وعلي اد دمه ). مع احترامنا للبراغيت طبعا بكل انواعها واحجامها واختلاف سعتها التخزينية والامبيرية

[M.Nasr]

انا كده قلقت انا لسه مركب بطارية 70 امبير