مشكله فى الفتيس 2008 اوتوماتيك

[eslamahmed]

السلام عليكم
دى اول مشاركه ليه فى المنتدى وان شاء الله متكنش الأخيره بس هبتدى المشاركه بمشكله عندى ومحتار اروح التوكيل واله استنى
معايه عربيه لانسر 2008 اوتوماتيك
المشكله فى الفتيس لما بتكون العربيه سخنه واعمل الفتيس على
n
الاقى العربيه بتبطل بعد شويه مع العلم لما افضل دايس على الفرامل العربيه مش بتبطل وبقدر امشى بالعربيه
فيه ناس بتقولى الماتور واطى لما بتكون سخنه فبتبطل

منتظر ردودكم المفيده

[أبو إياد]

اهلا بيك فى المنتدى
الفتيس باذن الله مافيش فيه مشاكل انما المشكله كلها تكمن فى ظبط الموتور وانت هتحتاج تروح التوكيل اضمن حاجه

[محمد فضالي]

فعلا يا باشا الفتيس مافيش فيه أي مشكلة
الموضوع ده كان حصل معايا قبل كده وكانت المشكلة في الموتور و رحت التوكيل نظفوا لي حساس البوابة وحساس تاني كده مش فاكر اسمه وتم وضعها على جهاز كشف الأعطال لمسح الأخطاء المسجلة في الكنترول يونت لأن طبعا بتبقى في قراءات غلط مسجلة هي اللي بتسبب المشكلة دي

والحمد لله بعدها بقت زي الفل

[eslamahmed]

اشكركم كثيرا

فعلا انا ذهبت اليوم للأحدى مراكز الخدمه المعتمده من متسوبيشى وهو مركز وخدمة العدوى على طريق المنصوره المحله
وتم تحديد العطل فى وحده اسمها الخنق تم تنظيفها واعاده برمجتها
بالنسبه للأختبارات المبدئيه تمت بنجاح وجارى الأختبارات

اشكركم على حسن تعاونكم وجزاكم الله خيرا

[د.محمود صلاح]

الحمد لله مش الفتيس لأنه خبطته بتوجع

[M.Nasr]

انا كمان عندى نفس الموضوع ده تقريبا وان شاء الله هاعملها فى التوكيل الاسبوع ده
الحمد لله ان السبب فيها بسيط مش حاجة كبيرة